Ésaïe 39:6 - Mbeti ti Nzapa - Tënë so amu fini

⁶ ‘Mbeni lango ayeke ga so a yeke mu aye ti yangbo ti mo kue, na aye so kue agbia so aga kozo ti mo abongbi ando ngbii asi laso, ti gue na ni na Babilone. Biani, KOTA GBIA atene, fade mbeni ye oko ayeke ngba ge pepe.

Ésaïe 39:6 ပူးပေါင်းရင်းမြစ်များ

2 Agbia 24:13

Nabukodonosor amu amosoro so kue a bata na ya ti kubu ti kota da ti KOTA GBIA, na amosoro so a bata na ya ti kubu ti yangbo ti gbia, lo gue na ni alingbi gi na tënë so KOTA GBIA atene. Lo fâ ya ti aye so kue Salomon, gbia ti Israel aleke na lôro si lo zia na ya ti kota da ti KOTA GBIA so.

2 Mbai 36:10

Na tongo nda ti fini ngu, gbia Nabukodonosor atokua aturugu ti mu lo ti gue na lo na Babilone, lo na aye ti ngangu ngere so ayeke na ya ti kota da ti KOTA GBIA. Na pekoni, lo mu Sedesias, mbeni sewa ti Yoakin, lo zia lo gbia ti Juda na ti Jérusalem.

2 Mbai 36:18

Aye so kue ayeke na ya ti kota da ti Nzapa, akota ni wala akete ni, amosoro so a bata na ya ti kubu ti da ti KOTA GBIA, na amosoro so ayeke na ya ti da ti gbia nga na ti akota zo ti lo, gbia Nabukodonosor amu kue ague na ni na Babilone.

Jérémie 20:5

Amosoro ti gbata ni kue, aye ti peko ti kua ti azo ti gbata ni, aye ti ala ti ngangu ngere nga na amosoro kue ti agbia ti Juda, mbi yeke zia ni na maboko ti awato ti ala. Awato ni ayeke nzi aye ni si ala yeke ro ti gue na ni na Babilone.

Ezekiel 23:26

Ala yeke ro abongo ti mo, ala yeke mu aye ti pendere ti mo.

Daniel 1:2

KOTA GBIA azia Yoakim, gbia ti Juda na maboko ti Nabukodonosor; lo zia nga lege na Nabukodonosor si lo mu mbeni mbage ti akungba ti ya ti kota da ti Nzapa. Nabukodonosor ague na akungba ni na kodro ti Shinear si lo zia ni na ya ti kubu ti batango amosoro ti lo so ayeke na ya ti da ti anzapa ti lo.

Daniel 1:3

Na pekoni, gbia amu yanga na Ashepenaz, makonzi ti *ambaiwa ti lo titene lo soro ambeni maseka-koli ti kodro ti Israel, lo ga na ala: ala so ayeke na ya ti asewa ti agbia, wala ala so ayeke na ya ti asewa ti akota zo ti kodro.