Ésaïe 39:2 - Mbeti ti Nzapa - Tënë so amu fini

² Tere ti Ezekias anzere mingi ndali ti gango ti alembe ni. Lo fa na ala ada so lo yeke bata amosoro ti lo daa, wen ti nginza, lôro, yombo na mafuta ti yombo. Lo fa nga na ala ndo so lo yeke bata aye ti bira ti lo daa, nga na aye so kue ayeke na ya ti kubu so a bata amosoro ti lo daa. Ezekias afa aye ti yangbo ti lo kue na aye ti kodro ti lo kue na ala; lo honde mbeni ye oko pepe.

Ésaïe 39:2 ပူးပေါင်းရင်းမြစ်များ

1 Agbia 10:10

Na pekoni, gbia-wali ni amu na gbia Salomon kilo ti lôro saki ota na ngbangbo oku, ayombo gbani gbani nga na atêne ti ngangu ngere. Ti londo na lango ni so, zo ade ti baa gba ti yombo tongaso laoko pepe, tongana ti so gbia-wali ti Saba amu na Salomon.

1 Agbia 10:15

Na ndö ni, lo yeke wara nga nginza ti lapo so a yeke futa na ndö ti akungba so ayeke londo na kodro wande nga na ndö ti akungba ti azo ti dengo buze. Agbia ti amara nde nde na agovoronere ti kodro ni ayeke futa nga na lo lapo.

1 Agbia 10:2

Gbia-wali ni asi na Jérusalem, lo ga na azo gbani gbani na peko ti lo, *azambala so ayo ayombo, lôro gbani gbani nga na atêne ti ngangu ngere. So lo si na tere ti Salomon awe, lo hunda na lo atënë so kue lo leke na be ti lo.

1 Agbia 10:25

Na ngu oko oko, zo oko oko ayeke ga na mbeni nzoni ye ti mu na lo: aye so a sara na wen ti nginza nga na lôro; abongo, aye ti bira, ayombo, ambarata na *apâkârâ.

2 Agbia 20:13

Ezekias ayamba alembe ni; na pekoni, lo fa na ala ada so kue lo yeke bata amosoro ti lo daa, wen ti nginza, lôro, yombo na mafuta ti yombo. Lo fa nga na ala ndo so lo yeke bata aye ti bira ti lo daa, nga na aye so kue ayeke na ya ti kubu so a bata amosoro ti lo daa. Ezekias afa aye ti yangbo ti lo kue na aye ti kodro ti lo kue na ala; lo honde mbeni ye oko pepe.

2 Mbai 32:25

Me Ezekias ahinga pepe nzoni so KOTA GBIA asara na lo. Baba ahon ndö ti lo si ndali ti baba ni, lo sara si ngonzo ti KOTA GBIA ati na ndö ti lo, na ndö ti kodro-gbia ti Juda nga na ndö ti gbata ti Jérusalem.

2 Mbai 32:27

Ezekias awara mosoro mingi, azo agonda lo mingi. Lo bongbi amosoro ti wen ti nginza, ti lôro, ti atêne ti ngangu ngere, ti ayombo, ti *avala na mara ti aye nde nde ti ngangu ngere.

2 Mbai 32:31

Me tongana amakonzi ti Babilone atokua azo na Ezekias titene ala hunda tënë ti ye ti dongo be so asi na ya ti kodro ti lo, Nzapa ado Ezekias azia lo ti tara be ti lo, tongaso si lo hinga ye so kue ayeke na be ti Ezekias.

2 Mbai 9:1

Gbia-wali ti kodro ti Saba ama sango ti Salomon si lo ga na Jérusalem ti tara ndara ti Salomon na lege ti angangu hundango tënë. Lo ga na azo gbani gbani na peko ti lo, *azambala so ayo ayombo, lôro gbani gbani nga na atêne ti ngangu ngere. So lo si na tere ti Salomon awe, lo hunda na lo atënë so kue lo leke na be ti lo.

2 Mbai 9:9

Na pekoni, gbia-wali ni amu na gbia Salomon kilo ti lôro saki ota na ngbangbo oku, ayombo gbani gbani nga na atêne ti ngangu ngere. Yombo so gbia-wali ti Saba amu na gbia Salomon, zo ade ti baa mara ni laoko pepe.

Mbeti ti Job 31:25

Mbi wara ngia ndali ti gba ti mosoro so mbi yeke na ni? Wala ndali ti aye mingi mingi so mbi wara?

Amato 4:23

Mo sara hange na atënë so ayeke na be ti mo kâ, ngbanga ti so lege ti fini ti mo alondo daa.

Zo ti bongbingo azo 7:20

Biani, na ndö ti sese so, mbeni zo ti mbirimbiri oko ayeke daa pepe, so lo yeke sara gi nzoni si lo sara siokpari pepe.

Jérémie 17:9

“Be ti zo ayeke handa zo ahon tanga ti aye kue; zo alingbi ti kai kobela ni pepe. Zo wa laa alingbi ti hinga be ti zo?”

2 Korente 12:7

Aye so Nzapa afa na mbi si mbi baa ni so ayeke aye ti ndima. Titene mbi gonda tere ti mbi ndali ti aye ni pepe, Nzapa azia mbeni ye tongana ki na ya ti tere ti mbi: ki ni ayeke tongana mbeni zo so Satan atokua lo ti pika mbi si mbi gonda tere ti mbi pepe.

1 Jean 1:8

Tongana e tene, e yeke na siokpari pepe, andaa e yeke handa tere ti e wani, taa-tënë ayeke na be ti e pepe.