Ésaïe 38:9 - Mbeti ti Nzapa - Tënë so amu fini

⁹ Na peko ti so tere ti Ezekias, gbia ti Juda aso si kobela ti lo akai, bia so lo leke ayeke so:

Ésaïe 38:9 ပူးပေါင်းရင်းမြစ်များ

2 Mbai 29:30

Na pekoni, gbia Ezekias na amakonzi atene na azo ti mara ti Lévi ti he bia ti sepela KOTA GBIA na lege ti abia so David na Asaf, zo ti bango nda ti aye aleke ando so. Azo ti mara ti Lévi asepela KOTA GBIA na ngia, na pekoni ala kuku, akpo li ti ala na sese.

Mbeti ti Job 5:18

Nzapa ayeke zia ka na tere ti zo, lo laa lo yeke kanga ka ni; lo yeke pika zo, lo laa lo yeke sara si tere ti zo aga nzoni.

Abia (Psaumes) 18:1

Bia so ayeke ndali ti makonzi-bia. Bia ti David, zo ti kua ti *KOTA GBIA. Lo he bia so na ngoi so KOTA GBIA azi lo na maboko ti awato ti lo kue, nga na maboko ti Saul.

Ésaïe 38:10

Lani mbi tene na be ti mbi, mbi tene: so ade mbi te gigi mingi pepe, alingbi mbi hon. Angu so alingbi fade na mbi ti duti na fini, mbi yeke sara ni na ndo ti akuâ.

Ésaïe 38:8

Na ndö ti eskalie ti Ahaz so ayeke fade na lâ, gbe ti de azu daa awe. Nilaa KOTA GBIA ayeke sara titene gbe ti de ni akiri na peko alingbi na bingo gere baleoko.” Biani, gbe ti de ni akiri na peko alingbi na bingo gere baleoko na ndö ti eskalie ti Ahaz so gbe ti de ti lâ azu fade na ndö ni so.

Ndia ti fani use ni 32:39

Fadeso, ayeke nzoni ala hinga ye so: mbi, mbi yeke gi mbi oko, na tere ti mbi, mbeni nzapa nde ayeke daa pepe. Mbi laa mbi yeke sara si zo akui, mbi laa mbi yeke sara si zo aduti na fini; mbi laa mbi yeke zia ka na tere ti zo, mbi laa mbi yeke sara si ka ni amu. Zo wa laa alingbi ti gboto zo na maboko ti mbi, zo wa?