Ésaïe 38:13 - Mbeti ti Nzapa - Tënë so amu fini

¹³ Kozo si ndo ahan, mbi yeke ye oko pepe. KOTA GBIA afâ ya ti abio ti mbi kue tongana ti so bamara ayeke sara. Na kota lâ ngbii asi na lakui, mo hunzi na mbi awe.

Ésaïe 38:13 ပူးပေါင်းရင်းမြစ်များ

1 Agbia 20:36

Wayanga-Nzapa ti kozoni so atene na mba ti lo ni, atene: “So mo ke yanga ti KOTA GBIA so, gi so mo yeke zia ande mbi ti gue, fade bamara ayeke fâ mo.” So wayanga-Nzapa ni alondo ti gue, lo tengbi na mbeni bamara si bamara ni afâ lo.

Mbeti ti Job 7:6

Alango ti mbi ahon hio hio tongana navete ti wasarango-bongo; tongana kamba ni ahunzi, navete ni ayeke luti. Legeoko fini ti mbi ayeke hunzi, mbeni ye titene mbi zia be ti mbi ti ku ayeke daa pepe.

Abia (Psaumes) 32:4

Bi na lâ, mo yeke pika lani mbi mingi; mbi hole holengo tongana pere so ahole ndali ti lâ ti buru. Luti kete

Abia (Psaumes) 39:10

Mbi kai ti mbi awe, mbi yeke kiri ti tene tënë pepe, ngbanga ti so mo laa mo sara ye ni.

Abia (Psaumes) 50:22

Ala so agirisa mbi Nzapa so, ala ma mbi nzoni! Tongaso pepe, mbi yeke suru ya ti ala si mbeni zo ti soo ala ayeke daa pepe.

Abia (Psaumes) 51:8

Me ye so anzere na be ti mo ayeke titene taa-tënë aduti na be ti mbi. Na be ti mbi kâ, mo yeke fa na mbi lege ti ndara.

Abia (Psaumes) 7:2

KOTA GBIA, Nzapa ti mbi, mbi kpe na mo ti bata tere ti mbi; soo mbi, zi mbi na maboko ti azo so ayeke sara ngangu na mbi!

Abia (Psaumes) 90:5

Mo sara si fini ti zo ahon tongana ti so lango ti ndaperere ayeke hon na le ti zo, tongana pere so asigigi.

Abia ti demango tere 3:4

Lo sara si poro ti tere ti mbi abuba kue si kasa ti tere ti mbi abuba nga kue, lo fâ ya ti abio ti mbi kue.

Daniel 6:24

Ngia asi be ti gbia si lo mu yanga titene a sigigi na Daniel na ya ti du ni. Gi so a sigigi na Daniel na ya ti du ni awe, azo abaa so ka oko ayeke na tere ti lo pepe, ngbanga ti so lo zia be ti lo na ndö ti Nzapa ti lo.

Osée 5:14

Biani, fade mbi Kota Gbia, mbi yeke duti tongana bamara ndali ti Efraim, tongana kete bamara ndali ti Juda. Mbi laa, mbi yeke suru ya ti ala, na pekoni, mbi yeke mu ala ti gue na ala tongana taba so a fâ lo, zo oko ti gboto ala na maboko ti mbi ayeke daa pepe.”