Ésaïe 38:12 - Mbeti ti Nzapa - Tënë so amu fini

¹² Da ti mbi so mbi duti na ya ni, a zi ni si a gue na ni yongoro na tere ti mbi, tongana gbefa ti wabatango-taba. Tongana ti so zo ti lekengo bongo ayeke rule bongo ti lo so ahunzi, fini ti mbi ahunzi legeoko tongaso. A fâ kamba ti bongo ni awe. KOTA GBIA, na kota lâ ngbii asi na lakui, mo hunzi na mbi awe.

Ésaïe 38:12 ပူးပေါင်းရင်းမြစ်များ

Mbeti ti Job 14:2

Lo yeke tongana kongo so asigigi si ahole; lo hon tongana gbe ti de, lo ninga pepe.

Mbeti ti Job 17:1

Mbi wu gbaa, fini ti mbi ayeke gue ti hunzi; ye so angba na mbi ayeke du ti kuâ.

Mbeti ti Job 4:20

Ti londo na ndaperere, ade ti si na lakui pepe, a nika ala awe, ala kui biani biani, tënë ni aso zo oko pepe.

Mbeti ti Job 6:9

Tongana Nzapa aye, lo nika mbi ma! Ayeke nzoni lo yoro maboko ti lo, lo fâ mbi biani!

Abia (Psaumes) 102:11

Be ti mo aso si mo sara ngonzo na tere ti mbi, nilaa mo yo mbi na nduzu, mo bi mbi yongoro.

Abia (Psaumes) 119:23

Ataa amakonzi aduti ti leke tënë na tere ti mbi, mbi zo ti kua ti mo, mbi yeke gbu li ti mbi na ndö ti ambela ti mo.

Abia (Psaumes) 31:22

Mbi mu singila na KOTA GBIA! Mbi yeke lani tongana gbata so azo aye ti mu ni na lege ti bira; me nzoni be ti lo asara aye ti kpene ndali ti mbi.

Abia (Psaumes) 73:14

Lakue, angangu ye ayeke si na mbi, lakue na ndaperere, a yeke pika mbi.

Abia (Psaumes) 90:5

Mo sara si fini ti zo ahon tongana ti so lango ti ndaperere ayeke hon na le ti zo, tongana pere so asigigi.

Ésaïe 1:8

Gbata ti *Sion angba gi lo oko tongana kete da na ya ti yaka ti *vinye, tongana kpangba ti yanga ti yaka ti kugbe ti kasa, tongana gbata so awato angoro ni kue.

Ésaïe 13:20

Zo ayeke kiri ti lango na gbata ti Babilone pepe; ngu na ngu, zo ayeke kiri ti duti daa pepe. Ataa azo ti tambulango ka na benyama, ala yeke kiri ti sara ada ti ala ti bongo kâ pepe; ataa azo ti batango nyama, ala yeke sara si anyama ti ala alango kâ pepe.

2 Korente 5:1

Biani, na ndö ti sese so, tere ti e ti zo akpa da ti bongo so ayeke buba mbeni lâ; me e hinga, e tene, na yayu, e yeke na da so ayeke ngba lakue lakue. Nzapa laa asara ni, maboko ti zo laa asara ni pepe.

2 Korente 5:4

Biani, na ngoi so kue e yeke na ya ti da ti bongo so, so ti tene na ya ti tere ti e ti zo, e yeke dema na gbe ti mbeni nengo kungba. E ye ti zia tere ti e ti zo so pepe, me e ye titene a yu bongo ti yayu na ndö ti tere ni so, tongaso si fini amene ye so ayeke kui so.

Ahebro 1:12

Fade mo yeke rule aye so tongana ti so zo ayeke rule kota bongo ti de. Fade mo yeke sara si ala ga nde tongana ti so zo ayeke zi bongo ti yu mbeni nde. Me ti mo, mo yeke ngba lakue si alango ti mo ayeke hunzi pepe.”

Jacques 4:14

Ala hinga ye so ayeke si na gigi ti ala ti kekereke? Ala yeke gi tongana guru so asigigi na le ti ngu si kete na pekoni ahon.