Ésaïe 38:1 - Mbeti ti Nzapa - Tënë so amu fini

¹ Na ngoi ni so, tere ti Ezekias aso nduru na kuâ. Wayanga-Nzapa Ésaïe, molenge ti Amoz aga abaa lo si atene na lo: “Tënë so *KOTA GBIA atene ayeke so: Mo leke tënë ti aye ti da ti mo biani, ngbanga ti so mo yeke kui, mo yeke ngba na fini pepe.”

Ésaïe 38:1 ပူးပေါင်းရင်းမြစ်များ

2 Samuel 12:22

David atene: “So lani molenge ni angba na fini, mbi ke ti te kobe si mbi toto, ngbanga ti so mbi tene na be ti mbi, mbi tene: ‘Mbi hinga pepe, wala KOTA GBIA ayeke baa mawa ti mbi si molenge ni ayeke kui pepe.’

2 Samuel 17:23

So Ahitofel abaa so azo ake ti ma wango ti lo, lo mu lele ti lo, lo ko na ndö ni si lo kiri na gbata ti lo. Lo leke tënë ti aye ti da ti lo, na pekoni, lo kanga kamba na go ti lo si lo kui. A lu lo na ya ti du ti kuâ ti babâ ti lo.

2 Mbai 32:24

Na ngoi ni so, tere ti Ezekias aso nduru na kuâ. Lo sambela *KOTA GBIA si KOTA GBIA akiri tënë na lo na lege ti mbeni ye so afa atene, fade kobela ti lo ayeke kai.

Zo ti bongbingo azo 9:10

Kua so kue mo yeke na ngangu ti sara, mo sara ni, ngbanga ti so na ndo ti akuâ so mo yeke gue ande daa, mbeni kua, wala gbungo-li, wala hingango ndo, wala ndara ayeke daa pepe.

Ésaïe 1:1

So ayeke tënë ti aye so Ésaïe, molenge ti Amoz abaa na ya ti mbeni ye tongana bango-li: aye ni ayeke na ndö ti kodro ti Juda nga na ndö ti gbata ti Jérusalem. Lo baa ni na ngoi so Ozias, Yotam, Ahaz na Ezekias ayeke agbia ti Juda.

Ésaïe 37:2

Na pekoni, lo tokua Eliakim, makonzi ti yangbo ti gbia, lo na wakuasu Shebna nga na ambakoro wayango-sandaga na ndo ti wayanga-Nzapa Ésaïe, molenge ti Amoz. Ala kue ayu bongo ti mua.

Ésaïe 37:21

Tongaso, Ésaïe, molenge ti Amoz atokua azo na Ezekias, atene: “Tënë so KOTA GBIA, Nzapa ti Israel, lo so mo sambela lo ndali ti Senakerib, gbia ti Asirii atene ayeke so:

Jonas 3:10

Nzapa abaa aye so kue azo ti Ninive asara ti fa atene, ala zia sioni lege ti sarango ye ti ala awe. Tongaso sioni ye so Nzapa atene tënë ti sarango ni na ala so, lo zia ti sarango ni.

Jonas 3:4

Na ya ti lango oko, Jonas atambula na ya ti gbata ni si lo yeke dekongo, lo tene: “Angba lango baleosio titene Ninive abuba biani biani.”

Awatokua 9:37

Mbeni lâ, lo ti na kobela si lo kui. A sukula kuâ ti lo si a zia na ya ti mbeni kubu ti da-nduzu ni.