Ésaïe 37:7 - Mbeti ti Nzapa - Tënë so amu fini

⁷ Gbia ayeke ma mbeni tënë; mbi yeke tokua mbeni yingo na ya ti lo si lo yeke kiri na kodro ti lo. Mbi yeke sara titene lo kui kuâ ti yongoro zeme na kodro ti lo wani.’ ”

Ésaïe 37:7 ပူးပေါင်းရင်းမြစ်များ

2 Agbia 7:6

Biani, Kota Gbia asara si azo ti Sirii ama na ya ti bâbâ ti ala kâ toto ti ambarata, ti apusu ti mbarata nga na toto ti gba ti aturugu. Tongaso azo ti Sirii atene na popo ti ala, atene: “Gbia ti Israel afuta agbia ti mara ti Het na agbia ti Ezipte titene ala tokua aturugu ti ala ti tiri bira na e!”

2 Mbai 32:21

Tongaso *KOTA GBIA atokua mbeni *ange so afâ ya ti bâbâ ti gbia ti Asirii, akpengba zo ti bira kue, aturugu ti kota kamba, na akota zo ti lo. Gbia ti Asirii ni akiri na kodro ti lo, na kamene na le ti lo. Na pekoni, lo li na ya ti da ti nzapa ti lo si taa amolenge ti lo laa afâ lo na yongoro zeme.

Mbeti ti Job 15:21

Lo yeke ma toto ti mbeni go so ayeke zia mbeto na be ti zo. Na ngoi so lo yeke duti na siriri si azo ti bubango ye ayeke ti na ndö ti lo.

Mbeti ti Job 4:9

Tongana Nzapa ahuru pupu na ndö ti azo ni, ala yeke kui; tongana sioni ngonzo ti lo alondo, ala hunzi kue.

Abia (Psaumes) 58:9

Ayeke nzoni ala ga tongana ngonzâ so akui si azia dongo ti tere ti lo na sese. Ayeke nzoni ala ga tongana akete molenge so a du ala na kuâ ni si ala baa lâ pepe.

Ésaïe 37:29

Biani, mo sara ngonzo na tere ti mbi, zongango mbi so mo zonga mbi so, mbi ma tënë ni awe. Ndani laa, fade mbi yeke yoro *kongi ti wen na hon ti mo, mbi yeke yoro kamba ti wen na yanga ti mo. Fade mbi yeke zia mo gi na oko lege so mo mu ti ga ge so ti kiri na ndo ti mo.

Ésaïe 37:9

Me gbia ti Asirii ama a tene, Tiraka, gbia ti Etiopii ayeke ga ti tiri bira na lo. Gi so lo ma tënë so, lo tokua azo na Ezekias, lo tene: