Ésaïe 37:6 - Mbeti ti Nzapa - Tënë so amu fini

⁶ si lo tene na ala: “Ala gue, atene na wa ti ala, atene: ‘Tënë so KOTA GBIA atene ayeke so: zonga so azo ti kua ti gbia ti Asirii azonga na mbi si mo ma tënë ni so, sara mbeto ni pepe.

Ésaïe 37:6 ပူးပေါင်းရင်းမြစ်များ

Sigingo 14:13

Moïse akiri tënë na azo ni, atene: “Ala sara mbeto pepe! Ala luti tongana koli! Ala yeke baa lege so KOTA GBIA ayeke soo ala na kuâ laso. Biani, azo ti Ezipte so ala yeke baa ala laso, ala yeke kiri ti baa ala mbeni pepe!

Ésaïe 35:4

Ala tene na azo so be ti ala awoko so, atene: “Ala gbu ngangu, ala sara mbeto pepe! Baa, Nzapa ti ala laa. Lo ga ti kiri peko ti sioni na azo so asara sioni, ti futa awato ti ala ndali ti sioni so awato ni asara na ala. Lo wani, lo ga ti soo ala.”

Ésaïe 37:5

Azo ti kua ti gbia Ezekias aga nduru na tere ti Ésaïe

Ésaïe 51:7

Ala so ahinga ye so ayeke mbirimbiri, ala so ndia ti mbi ayeke na be ti ala, ala ma mbi! Tongana azo ahe ala, ala sara mbeto ni pepe, be ti ala ado ndali ti zonga ti ala pepe.

Ésaïe 7:4

Fade mo yeke tene na lo: ‘Hange! Mo duti kpoo, mo sara mbeto pepe. Ayeke nzoni be ti mo ado pepe, ngbanga ti Resen, zo ti Sirii so nga na Peka. Agbia use so akpa gi anduru keke so guru ti wâ angba ti sigigi daa kete kete.

Awayango-sandaga 26:8

Azo oku na popo ti ala ayeke tumba peko ti awato ngbangbo oko; azo ngbangbo oko ayeke tumba peko ti awato saki baleoko si ala yeke fâ awato ni na ya ti bira.

Marc 4:40

Na pekoni, Jésus atene na adisiple ti lo: “Mbeto asara ala ngbanga ti nyen? Ala de ti duti na mabe pepe?”

Marc 5:36

Me Jésus azia be ti lo na tënë ti ala so pepe. Lo tene na Yairus: “Sara mbeto pepe, mo ma gi na be!”

Josué 11:6

*KOTA GBIA atene na Josué: “Sara mbeto ti ala pepe, ngbanga ti so kekereke, gi na oko ngbonga so, mbi yeke zia azo ni kue na maboko ti azo ti Israel, nduru na kuâ. Fade mo yeke fâ akamba ti ngbongo ti ambarata ti ala si mo yeke gbi apusu ti mbarata ti ala.”