Ésaïe 37:4 - Mbeti ti Nzapa - Tënë so amu fini

⁴ Gbia ti Asirii atokua makonzi ti aturugu ti lo ti zonga Nzapa so ayeke na fini. E hinga pepe, wala KOTA GBIA, Nzapa ti mo ama tënë ti zonga ni si lo pika lo ndali ti asioni tënë so lo tene so! Ti mo Ésaïe, sambela Nzapa ndali ti tanga ti azo so angba na fini so.’ ”

Ésaïe 37:4 ပူးပေါင်းရင်းမြစ်များ

2 Samuel 16:12

E hinga pepe, fade KOTA GBIA ayeke baa mawa ti mbi. E hinga pepe, lo yeke sanze dengo ba ti laso titene aga nzoni ye ndali ti mbi.”

2 Agbia 17:18

Tongaso KOTA GBIA asara ngonzo mingi na tere ti azo ti Israel; lo tumba ala yongoro na tere ti lo. Gi azo ti mara ti Juda laa angba.

2 Agbia 19:4

Gbia ti Asirii atokua makonzi ti aturugu ti lo ti zonga Nzapa so ayeke na fini. E hinga pepe, wala KOTA GBIA, Nzapa ti mo ama tënë ti zonga ni kue si lo pika lo ndali ti asioni tënë so lo tene so! Ti mo Ésaïe, sambela Nzapa ndali ti tanga ti azo so angba na fini so.’ ”

2 Mbai 28:19

*KOTA GBIA azia kamene na le ti azo ti Juda ndali ti Ahaz. Ahaz apusu azo ti kodro ti lo ti sara sioni mingi, lo wani, lo sara sioni mingi so ake KOTA GBIA.

2 Mbai 34:21

“Ala gue, ahunda *KOTA GBIA ndali ti mbi, ndali ti tanga ti azo ti Israel nga ndali ti azo ti Juda, ndali ti atënë ti ya ti mbeti so a wara so. Biani, KOTA GBIA asara ngonzo mingi si ngonzo ni atuku na ndö ti e, ngbanga ti so akotara ti e abata tënë ti lo pepe, ala sara ye pepe alingbi na atënë so a su na ya ti mbeti so.”

Abia (Psaumes) 106:23

Nilaa Nzapa atene, fade lo yeke fâ ala ti hunzi ala, me Moïse, zo so lo soro lo, aluti na le ti Nzapa ti sara si ngonzo ti lo akai si lo fâ ala pepe.

Abia (Psaumes) 50:21

Baa, aye so kue mo sara so laa; mo ye titene mbi kai na ndö ni? Mo baa ti mo, mo tene, mbi yeke tongana mo? Mbi yeke bi tënë na li ti mo, mbi yeke fa asioni ye ni kue polele na le ti mo.

Ésaïe 1:8

Gbata ti *Sion angba gi lo oko tongana kete da na ya ti yaka ti *vinye, tongana kpangba ti yanga ti yaka ti kugbe ti kasa, tongana gbata so awato angoro ni kue.

Ésaïe 1:9

Tongana KOTA GBIA so ayeke na ndö ti dunia kue abata fade ambeni zo oko oko na ya ti kodro ni pepe, ka e ga tongana Sodome, ka e kpa Gomore.

Ésaïe 10:20

Na lango ni so, tanga ti azo ti Israel na azo ti mara ti Jacob so angba na fini ayeke kiri ti zia be ti ala pepe na ndö ti azo so apika ala. Me ala yeke zia be ti ala kue na ndö ti *KOTA GBIA, Nzapa ti Israel, lo so lo yeke nde si lo yeke nzoni kue.

Ésaïe 10:22

Israel, ataa wungo ti azo ti mo ayeke tongana wungo ti mbutu ti yanga ti kota ngu-ingo, fade gi tanga ti azo so angba laa ayeke kiri na KOTA GBIA. A leke tënë ti bubango ye kue awe, fango ngbanga ti mbirimbiri ayeke mu ndo kue tongana ngu so asuku.

Ésaïe 11:11

Na lango ni so, *KOTA GBIA ayeke yoro maboko ti lo ti fani use ti zi tanga ti azo ti lo ti kiri na ala na kodro ti ala: azo ti lo so angba na fini na sese ti Asirii, ti Ezipte, ti Patros, ti Kush, ti Elam, ti Shinear nga na ti Hamat na ala so ayeke na ya ti azoa so ayeke na le ti kota ngu-ingo.

Ésaïe 36:13

Na pekoni, makonzi ti aturugu ti batango gbia ti Asirii aluti na nduzu si lo dekongo na kota go na yanga ti hebro, lo tene: “Ala ma tënë ti kota gbia, gbia ti Asirii si!

Ésaïe 36:18

Ala zia Ezekias ahanda ala pepe, atene: Fade KOTA GBIA ayeke zi e! Anzapa ti amara nde, mbeni oko awara lege ti zi kodro ti lo wani na maboko ti gbia ti Asirii awe?

Ésaïe 36:20

Na popo ti anzapa kue ti akodro so, nzapa wa laa azi kodro ti lo na maboko ti mbi si fade KOTA GBIA alingbi ti zi Jérusalem na maboko ti mbi?’ ”

Ésaïe 37:17

KOTA GBIA, dingi mê ti mo, mo ma si! KOTA GBIA, zi le ti mo, mo baa ye si! Mo ma atënë so Senakerib atokua ni ti zonga Nzapa so ayeke na fini so!

Ésaïe 37:31

Tanga ti azo ti kodro ti Juda so ayeke ngba na fini ayeke duti ande tongana keke so agunda ni ali sese si amaboko ni ale lengo.

Ésaïe 37:32

Biani, tanga ti azo so angba na fini ayeke sigigi na Jérusalem, azo so awara lege ti kpe ayeke londo na ndö ti hoto ti *Sion.” Baa, ye so *KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Ésaïe 37:5

Azo ti kua ti gbia Ezekias aga nduru na tere ti Ésaïe

Ésaïe 41:14

“Jacob, sara mbeto pepe, mo so mo yeke tongana ngusu, Israel, mo so mo yeke tongana makongo. Mbi yeke ga ti mu na mo maboko, so tënë ti yanga ti *KOTA GBIA laa. Mbi laa mbi yeke zi mo, mbi Nzapa ti Israel so mbi yeke nde si mbi yeke nzoni kue.

Ésaïe 46:3

Azo ti Jacob, ala ma mbi, ala, atanga ti azo ti Israel so angba na fini so! Gi so ala de na ya ti mama ti ala, mbi bata ala, gi so a du ala, mbi yo ala.

Jérémie 26:19

Gbia Ezekias na azo ti Juda afâ wayanga-Nzapa Mishe ndali ni? Oko pepe, me ala kpe mbeto ti KOTA GBIA, nilaa ala sara kue ti de be ti lo. Tongaso, sioni kpale so KOTA GBIA atene tënë ti tokuango ni na ndö ti ala, lo zia lege ni. Ti e, tongana e fâ ngbanga fadeso na li ti koli so, andaa e sara sioni mingi na e wani.”

Jérémie 42:2

wayanga-Nzapa Jérémie si ala tene na lo: “E gbu gere ti mo, ayeke nzoni vorongo tere ti e agbu be ti mo. Sambela *KOTA GBIA, Nzapa ti mo ndali ti tanga ti e so e ngba na fini so. Lani e yeke mingi, fadeso e ngba gi kete, tongana ti so mo yeke baa na le ti mo so.

Daniel 2:18

Lo hunda na ala titene ala voro tere ti ala na Nzapa so ayeke na yayu titene, na lege ti nzoni be ti lo, lo fa na ala nda ti ye ti ndima so. Tongaso si a bongbi ala na tanga ti azo ti nganga so ayeke na Babilone ti fâ ala pepe.

Joël 2:17

Ayeke nzoni awayango-sandaga so ayeke sara kua ti *KOTA GBIA, ala luti na popo ti yanga ti da na gbalaka, ala toto. Ala voro tere ti ala na Nzapa, atene: “KOTA GBIA, baa mawa ti azo ti mo, sara si kamene agbu le ti azo ti mo pepe si amara nde ahe ala pepe. Ngbanga ti nyen si azo alingbi ti tene na popo ti amara nde, atene: ‘Nzapa ti ala ni ayeke na ndo wa?’ ”

Amos 5:15

Ala ke ye ti sioni, ala ye ye ti nzoni. Na le ti ngbanga, ala kiri afâ ngbanga na lege ti ndia; e hinga pepe, fade KOTA GBIA, Nzapa so ayeke na ndö ti dunia kue ayeke baa mawa ti tanga ti azo ti sewa ti Joseph.

Amos 7:2

So agbadola ni ate apere ti ya ti kodro ni kue awe, mbi tene: “Kota Gbia NZAPA, mbi gbu gere ti mo, mo zi sioni ti azo ti mo maa! Fade Jacob alingbi ti gbu le ni? So lo ngba kete mingi so!”

Rome 9:27

Ésaïe ato mbela na tënë na ndö ti azo ti Israel, lo tene: “Ataa wungo ti azo ti Israel ayeke tongana wungo ti mbutu ti yanga ti kota ngu-ingo, fade gi ambeni kete laa ayeke soo kuâ.

Jacques 5:16

Ala fa siokpari ti ala na gigi na amba ti ala, ala sambela ndali ti amba ti ala si kobela ti ala akai. Sambela ti zo ti mbirimbiri ayeke na ngangu mingi ti sara ye.

Josué 14:12

Tongaso, mu na mbi sese ti ahoto so KOTA GBIA amu na mbi zendo ni na ngoi ni so. Na ngoi ni so, mo ma nga atene, azo ti mara ti Anak ayeke lango na ya ti akota gbata so angangu gbagba ayeke na tere ni. Tongana KOTA GBIA ayeke na mbi, fade mbi yeke mu sese ni tongana ti so lo mu zendo ni.”

1 Samuel 12:19

Azo ni kue atene na Samuel: “Sambela KOTA GBIA, Nzapa ti mo ndali ti e azo ti gbe ti mo si e kui pepe. Biani, na ndö ti asiokpari so kue e sara, e kiri e zia mbeni na ndö ni na lege ti so e hunda mbeni gbia.”

1 Samuel 12:23

Ti mbi, fade mbi yeke sambela KOTA GBIA lakue ndali ti ala; mbi yeke ngba ti fa na ala nzoni lege nga na lege so ayeke mbirimbiri. Tongana mbi sara tongaso pepe, andaa mbi sara sioni mingi na KOTA GBIA.

1 Samuel 14:6

Jonatan atene na zo so ayeke yo aye ti bira ti lo, atene: “Ga, e gue na ndo so aturugu ti Filistii so ahinga Nzapa pepe so ayeke daa. E hinga pepe, KOTA GBIA ayeke sara nzoni ye ndali ti e. Ataa e yeke mingi wala e yeke mingi pepe, mbeni ye ayeke daa pepe ti kanga lege na KOTA GBIA ti sara si e so benda.”

1 Samuel 17:26

David ahunda azo so ayeke luti nduru na tere ti lo so, atene: “Zo so ayeke fâ zo ti Filistii so si ayeke zi kamene na le ti azo ti Israel, fade a yeke sara nyen na lo? Zo ti Filistii so ahinga Nzapa pepe so, lo yeke zo wa si lo yeke gi yanga ti aturugu ti Nzapa so ayeke na fini so?”

1 Samuel 17:36

Lege so mbi zo ti gbe ti mo, mbi fâ bamara, mbi fâ nga urse laa. Zo ti Filistii so ahinga Nzapa pepe so, fade mbi yeke sara na lo tongana ti so mbi sara na anyama use so, ngbanga ti so lo gi yanga ti aturugu ti Nzapa, Nzapa so ayeke na fini.”

1 Samuel 7:8

Ala tene na Samuel: “Mo zia e pepe; mo voro KOTA GBIA, Nzapa ti e titene lo soo e na maboko ti azo ti Filistii.”