Ésaïe 37:38 - Mbeti ti Nzapa - Tënë so amu fini

³⁸ Mbeni lâ, so lo yeke sambela na ya ti da ti nzapa ti lo Nisrok, amolenge ti lo Adramelek na Sareser afâ lo na yongoro zeme si ala kpe ague na sese ti Arara. Molenge ti lo Asaradon laa aga gbia na peko ti lo.

Ésaïe 37:38 ပူးပေါင်းရင်းမြစ်များ

Tongo nda ti aye 8:4

Na lango baleoko na mbarambara ti nze mbarambara ni, mangboko ni ague, aduti na ndö ti hoto ti Arara.

Jérémie 51:27

Ala azo, ala yo mbeni bendere na nduzu na ya ti kodro ni, ala huru didi na popo ti amara nde! Ala bongbi amara ti ga na tere ti Babilone; ala iri azo ti akodro-gbia ti Arara, ti Mini na ti Ashekenaz ti ga na tere ti lo. Ala mu ambeni turugu ti kota kamba azia ala titene ala mu aturugu na kua, tongaso si ala tiri bira na Babilone. Ala tokua ambarata gbani gbani tongana agbadola ti gue ti tiri bira na lo.

Esdras 4:2

Awato ni aga abaa Zorobabel na azo ti li ti asewa ti azo ti Israel si atene na ala: “E ye ti mu maboko na ala na lekengo da ni! Biani, oko Nzapa so ala yeke voro lo laa e nga, e yeke voro lo; e yeke ya asandaga na lo ngbene ye na ngoi so Asaradon, gbia ti Asirii, agbu e si aga na e ge.”

Ésaïe 37:10

“Tënë so ala yeke tene na Ezekias, gbia ti Juda ayeke so: Ayeke nzoni Nzapa ti mo so mo zia be ti mo mingi na ndö ti lo so ahanda mo pepe, atene: ‘Fade Jérusalem ayeke ti na maboko ti gbia ti Asirii pepe!’

Ésaïe 36:18

Ala zia Ezekias ahanda ala pepe, atene: Fade KOTA GBIA ayeke zi e! Anzapa ti amara nde, mbeni oko awara lege ti zi kodro ti lo wani na maboko ti gbia ti Asirii awe?

Ésaïe 36:15

Lo hunda na ala titene ala zia be ti ala na ndö ti KOTA GBIA, atene: Fade KOTA GBIA ayeke zi e biani biani; fade gbata so ayeke ti na maboko ti gbia ti Asirii pepe. So mvene laa.

Ésaïe 14:12

Mo, tongoro ti ndaperere so mo yeke za zango so, asara tongana nyen laa mo londo na nduzu kâ, mo ti na sese? Mo so ando mo yeke kinda amara so, asara tongana nyen laa a bi mo na sese?

Ésaïe 14:9

Na gbeni kâ, ndo ti akuâ ayingi ti yamba mo na gango ti mo. Ndali ti mo, lo yeke zingo akuâ, akota zo ti sese so; lo sara si agbia kue ti amara nde alondo na ndö ti mbata ti ala ti gbia.

2 Mbai 32:21

Tongaso *KOTA GBIA atokua mbeni *ange so afâ ya ti bâbâ ti gbia ti Asirii, akpengba zo ti bira kue, aturugu ti kota kamba, na akota zo ti lo. Gbia ti Asirii ni akiri na kodro ti lo, na kamene na le ti lo. Na pekoni, lo li na ya ti da ti nzapa ti lo si taa amolenge ti lo laa afâ lo na yongoro zeme.

2 Mbai 32:19

Ala yeke tene tënë ti Nzapa ti Jérusalem tongana ti so azo ayeke tene tënë ti anzapa ti amara nde so azo asara ni na maboko ti ala.

2 Mbai 32:14

Na popo ti anzapa so kue ababâ ti mbi afâ azo ti ala kue kue kue so, nzapa wa laa awara ngangu ti zi azo ti lo na maboko ti ababâ ti mbi si fade nzapa ti ala alingbi ti zi ala na maboko ti mbi?

Ésaïe 37:7

Gbia ayeke ma mbeni tënë; mbi yeke tokua mbeni yingo na ya ti lo si lo yeke kiri na kodro ti lo. Mbi yeke sara titene lo kui kuâ ti yongoro zeme na kodro ti lo wani.’ ”