Ésaïe 37:36 - Mbeti ti Nzapa - Tënë so amu fini

³⁶ *Ange ti *KOTA GBIA asi na ya ti bâbâ ti azo ti Asirii si lo fâ aturugu 185 000. So azo alondo na kota ndaperere, ala baa gi akuâ kue laa ayeke lango na sese so!

Ésaïe 37:36 ပူးပေါင်းရင်းမြစ်များ

2 Samuel 24:16

So *ange ti KOTA GBIA ayoro maboko ti lo na mbage ti Jérusalem ti kangbi sioni kobela ni na ya ti gbata ni, KOTA GBIA abaa mawa ti azo ni si lo tene na ange ti fango azo ni, lo tene: “Alingbi awe! Kiri na maboko ti mo!” Na ndembe ni so, ange ti KOTA GBIA ayeke luti na tere ti lakere ti Aravna, zo ti mara ti Yebus.

2 Agbia 19:35

Gi na bi ni, *ange ti *KOTA GBIA asi na ya ti bâbâ ti azo ti Asirii si lo fâ aturugu 185 000. So azo alondo na kota ndaperere, ala baa gi akuâ kue laa ayeke lango na sese so!

1 Mbai 21:12

Ngu ota so kota nzara ati na ya ti kodro ti mo? Wala nze ota so mo ti na gbe ti awato ti mo si awato ti mo ayeke sara ngangu na mo? Wala lango ota so Nzapa apika kodro ni na lege so lo yeke tokua *ange ti fango azo si lo yeke tokua sioni kobela ti bubango kodro na ya ni kue’. Gbu li ti mo, mo tene na mbi ye so mbi lingbi ti tene na lo so atokua mbi so.”

1 Mbai 21:16

David ayo le ti lo na nduzu si lo baa ange ti KOTA GBIA so ayeke luti na popo ti yayu na sese. Ange ni agbu na maboko ti lo yongoro zeme so a zi na ya ti bozo ni, lo yoro ni na mbage ti Jérusalem. David na *akangba ayu bongo ti mua, ala ti akpo li ti ala na sese.

Mbeti ti Job 24:24

A mu ala na nduzu gi na ya ti kete ngoi; na pekoni, ala yeke daa mbeni pepe. Ala ti tongana pere so a fâ ni na sese, ala hole tongana ale ti kobe so a fâ ni.”

Mbeti ti Job 34:20

Na be ti bi, gi hio tongaso, azo ni akui; azo ti kodro atomboka, a fâ amakonzi. A mingo angangu makonzi, me maboko ti zo laa asara ni pepe.

Sigingo 12:23

Fade KOTA GBIA ayeke hon na ya ti Ezipte kue ti sara ye ti ngangu na kodro ni. Me tongana lo yeke baa mene so ayeke na tere ti akadere ti yanga ti da nga na tere ti kadere ti nduzu, fade lo yeke hon hongo, lo yeke zia lege pepe na kpale ti bubango ndo ti li na ya ti da ti ala ti fâ ala.

Sigingo 12:30

Na bi ni so, gbia Faraon alondo, lo na azo ti gbe ti lo kue nga na azo ti Ezipte kue; kota dekongo amu ya ti kodro ni kue, ngbanga ti so mbeni da oko ayeke daa pepe so kuâ akui daa pepe.

Ésaïe 10:12

Tongana KOTA GBIA ahunzi ande akua ti lo kue na li ti hoto ti *Sion nga na Jérusalem awe, fade lo yeke ga na tere ti gbia ti Asirii ndali ti kuru baba ti lo nga ndali ti bango azo tongana mbumbuse ye.

Ésaïe 10:25

Biani, gi na ya ti kete ngoi, sioni ngonzo ti mbi so alondo na tere ti ala ayeke kai. Me ngonzo ti mbi ni ayeke kiri ti hunzi azo ni kue.”

Ésaïe 10:26

Fade KOTA GBIA so ayeke na ndö ti dunia kue ayeke mu fimbo ti pika na azo ti Asirii tongana ti so lo pika ando azo ti Madian na tere ti kota têne ti Oreb. Lo yeke yoro keke ti lo na nduzu tongana ti so lo yoro ando na ndö ti kota ngu-ingo na Ezipte.

Ésaïe 27:7

Azo so lani apika azo ti *KOTA GBIA so, lo pika azo ti lo ni tongana ala? Azo so lani afâ azo ti KOTA GBIA so, lo fâ azo ti lo ni tongana ala?

Ésaïe 29:5

Gba ti awato ti mo ayeke duti tongana kete le ti fuku ti sese; gba ti azo so asara ngangu na mo ayeke ga tongana holengo pere so pupu amu ahon na ni.” Mo ye ti baa,

Ésaïe 31:8

Fade azo ti Asirii ayeke ti na yanga ti yongoro zeme so ayeke ti zo pepe; yongoro zeme so ayeke fâ ala ayeke ti zo pepe. Azo ti Asirii ayeke kpe na le ti yongoro zeme ni, a yeke gbu amaseka ti ala ti koli ti sara akua ti ngbaa.

Daniel 3:28

Nabukodonosor amu tënë si atene: “E mu singila na Nzapa ti Shadrak, ti Meshak na ti Abed-Nego! Lo tokua *ange ti lo ti soo azo ti kua ti lo na kuâ. Ala zia be ti ala kue gi na ndö ti lo si ala ke ti ma yanga ti mbi so mbi yeke gbia. Ala yeda ti mu tere ti ala na kuâ, ahon titene ala sara na mbeni nzapa nde si ala voro mbeni nzapa so ayeke Nzapa ti ala pepe.

Mishe 5:6

Fade azo ti Israel so ayeke ngba na fini na popo ti amara gbani gbani, ayeke ga tongana ngu ti pere so alondo na *KOTA GBIA; ala yeke ga tongana ngu-Nzapa so apika na ndö ti pere: ngu ni aku zo pepe, wala aku mbeni ye na maboko ti zo pepe.

Nahum 1:12

Tënë so KOTA GBIA atene na azo ti Juda ayeke so: “Ataa awato ti ala awu mingi si awato ni ayeke ngangu, fade a yeke fâ ala kue, ti ala ayeke hunzi. Lani mbi sara pasi na azo ti Juda, me mbi yeke kiri ti sara pasi na ala pepe.

Nahum 3:3

Azo ti mbarata akpe loro, ala gue na bira, le ti ayongoro zeme aza tongana wâ; alikongo aza zango. Azo akui gbani gbani, akuâ na ndö ti tere, na ndö ti tere, zo alingbi ti diko ni pepe; azo ayeke pika gere ti ala na akuâ ni.

Awatokua 12:23

Mo ye ti baa, *ange ti *Kota Gbia abi kobela na tere ti Herode, ngbanga ti so lo gonda Nzapa pepe: angusu ate lo si lo kui.