Ésaïe 37:25 - Mbeti ti Nzapa - Tënë so amu fini

²⁵ Mbi zi adu ti ngu si mbi nyon ngu ti adu ni. Mbi yeke do angu ti Ezipte kue na gbe ti gere ti mbi si ahole.’

Ésaïe 37:25 ပူးပေါင်းရင်းမြစ်များ

1 Agbia 20:10

Ben-Hadad akiri atokua azo na Akab ti tene na lo: “Fade mbi yeke nika gbata ti Samarii biani biani! Mbeni kete fuku ti sese ayeke ngba na ya ti gbata ni pepe titene aturugu ti mbi kue afu ni na ya ti maboko ti ala! Tongana mbi nika gbata ni pepe, ayeke nzoni anzapa asara ye ti ngangu mingi na mbi!”

Ésaïe 10:13

Biani, gbia ni atene: “Mbi sara aye so kue na ngangu ti mbi nga na ndara ti mbi wani, ngbanga ti so mbi hinga ndo. Mbi buba akatikati ti akodro ti amara, mbi nzi amosoro ti ala. Tongana ngangu koli, mbi kinda agbia na ndö ti mbata ti ala.

Ésaïe 10:14

Tongana ti so zo ayeke gbu da ti ndeke, mbi ro amosoro ti amara. Tongana ti so zo ayeke ro apara so mama ni ado azia, mbi ro aye so kue ayeke na ndö ti sese; mbeni zo oko ti yingi *kpangi ti lo ayeke daa pepe, wala ti zi yanga ti lo ti ndeke ayeke daa pepe, wala ti toto ayeke daa pepe.”

Ésaïe 19:5

Fade ngu ti Nil ayeke hole, *bale ayeke hole kasakasa.

Ésaïe 19:6

Ngu ti ya ti akota du ayeke fun, akete ngu ti Ezipte ayeke kiri na gbeni si ayeke hole. Asosongo na apere ti yanga ti ngu ayeke hole.

Ésaïe 36:12

Me makonzi ti aturugu ni akiri tënë: “Gbia ti mbi atokua mbi ti tene tënë so gi na ala nga na gbia ti ala oko? Tënë ni ayeke nga ndali ti azo so aduti na ndö ti gbagba ti gbata ni, azo so fade ayeke te puru ti ala wani si ala yeke nyon inon ti ala tongana ti so ala na gbia ti ala ayeke sara ni ande.”

Ndia ti fani use ni 11:10

Moïse atene: Sese so ala yeke gue ti mu ni titene aga ti ala so, ayeke tongana Ezipte pepe so ala sigigi daa so. Kâ na Ezipte, tongana ala lu lani ale ti akobe, ala yeke suru lege na ngu titene ague, atuku na ndö ti akobe ni tongana ti so zo ayeke sara na akugbe ti kasa ti kete yaka.