Ésaïe 37:24 - Mbeti ti Nzapa - Tënë so amu fini

²⁴ Na lege ti azo ti kua ti mo, mo zonga mbi, Kota Gbia. Mo tene: ‘Mbi Senakerib, na gba ti apusu ti mbarata ti mbi, mbi gue na li ti akota hoto, mbi gue ngbii mbi si taa na ya ti gbako ti Liban. Mbi de ayongoro keke ti sedre ti gbako ni; mbi de apendere keke ti sipre ti gbako ni. Mbi si taa na li ti ahoto ni kâ; na ndo so akeke asi singo daa.

Ésaïe 37:24 ပူးပေါင်းရင်းမြစ်များ

Abia (Psaumes) 20:7

Fadeso mbi hinga awe: KOTA GBIA ayeke mu ngangu na zo so lo tuku mafuta na li ti lo ti zia lo gbia. Kâ na yayu, nzoni ndo ti lo, lo kiri tënë na gbia; na lege ti ngangu ti lo, lo sara akota ye ti soo lo.

Sigingo 15:9

Awato ti e atene lani, atene: “E tumba peko ti ala, fade e yeke wara ala. E yeke kangbi ya ti aye ti ala so e gbu na peko ti bira, e yeke mu ni alingbi na e. E yeke gboto yongoro zeme ti e, e yeke mu aye ti ala kue na maboko ti ala!”

Ésaïe 10:18

Lo yeke gbi apendere gbako ti ala kue kue kue nga na ayaka so kue akeke so a yeke te le ni tengo ayeke daa. Ala yeke ga tongana zo ti kobela so ange kue.

Ésaïe 10:33

Baa, Kota Gbia NZAPA, lo so lo yeke na ndö ti dunia kue, lo fâ amaboko ti keke na ngangu; lo de na sese akeke so ayo na nduzu, lo kinda na sese akeke so ayo mingi na nduzu.

Ésaïe 10:34

Akeke ti gbako ati na gbe ti do ti lo, apendere keke ti Liban ati.

Ésaïe 14:8

Ataa akeke ti sipre ayeke na ngia ndali ti tingo ti lo, akeke ti sedre ti Liban atene: “Ngbene ye so mo yeke na du ti kuâ so, zo ti dengo e na sese ayeke daa mbeni pepe!”

Ésaïe 29:17

Gi na ya ti kete ngoi, fade gbako ti Liban ayeke kiri ti ga yaka ti akeke so a yeke te le ni tengo si yaka ni ayeke kiri ti ga mbeni gbako.

Ésaïe 36:9

Na popo ti azo ti kua ti gbia ti mbi, ataa gi kete ni oko, mo lingbi ti tumba lo? Mo so mo zia be ti mo gi na ndö ti Ezipte titene mo wara apusu ti mbarata na azo ti kpengo na ni so!

Ésaïe 37:4

Gbia ti Asirii atokua makonzi ti aturugu ti lo ti zonga Nzapa so ayeke na fini. E hinga pepe, wala KOTA GBIA, Nzapa ti mo ama tënë ti zonga ni si lo pika lo ndali ti asioni tënë so lo tene so! Ti mo Ésaïe, sambela Nzapa ndali ti tanga ti azo so angba na fini so.’ ”

Jérémie 22:6

“Tënë so KOTA GBIA atene ndali ti yangbo ti gbia ti Juda ayeke so: Ataa na le ti mbi, mo pendere tongana gbako ti sese ti Galaad, wala tongana li ti hoto ti Liban, biani, fade mbi yeke sara si mo ga tongana benyama, wala mbeni gbata so azo alango daa pepe.

Jérémie 22:7

Mbi yeke tokua azo ti ga na tere ti mo, ala yeke ga ti buba aye ti mo kue; zo oko oko ayeke ga na ye ti bira ti lo. Angbongboro pendere keke ti sedre ti mo so, ala yeke de ni na sese si ala bi na le ti wâ.

Jérémie 46:8

Ezipte laa; lo suku tongana Nil. Lani lo tene: “Tongana ti so Nil asuku, tongana ti so ngu ni asuku ahon ndoni tongana ti bale, mbi yeke suku ti mu ndö ti sese kue; mbi yeke sara si agbata abuba, ala na azo ti ya ni kue.

Ezekiel 21:2

“*Molenge ti zo, mo baa ndo na mbage ti Mbongo, mo tene peko ti tënë ti yanga ti mbi na azo ni; mo tene tënë ti yanga ti mbi na ndö ti azo ti gbako ti Negev.

Daniel 4:30

Taa gi na ngbonga ni so, tënë so a tene na ndö ti Nabukodonosor aga taa-tënë: azo atumba lo na popo ti ala; lo yeke te pere tongana bagara si ngu ti pere amu tere ti lo kue. Kua ti li ti lo ayo aga tongana kua ti tere ti *ngoalo si anzënë ti maboko ti lo ayo aga tongana ti andeke.