Ésaïe 37:22 - Mbeti ti Nzapa - Tënë so amu fini

²² Baa, tënë so KOTA GBIA atene na tere ti lo ayeke so: Pendere maseka-wali, gbata ti *Sion abaa mo tongana mbumbuse zo, lo yeke he mo na ngia. Pendere maseka-wali, gbata ti Jérusalem ayeke yingi li ti lo si ayeke he mo na peko ti mo.

Ésaïe 37:22 ပူးပေါင်းရင်းမြစ်များ

2 Agbia 19:21

Baa, tënë so KOTA GBIA atene na tere ti lo ayeke so: Pendere maseka-wali, gbata ti *Sion abaa mo tongana mbumbuse zo, lo yeke he mo na ngia. Pendere maseka-wali, gbata ti Jérusalem ayeke yingi li ti lo si ayeke he mo na peko ti mo.

Mbeti ti Job 16:4

Tongana ala yeke fade na plase ti mbi, ka mbi nga, mbi lingbi ti tene tënë tongana ala; ka mbi bongbi gba ti tënë ti tene na tere ti ala, mbi yingi li ti mbi ti he ala hengo;

Abia (Psaumes) 31:18

KOTA GBIA, tongana mbi iri mo, ayeke nzoni mo zia kamene na le ti mbi pepe. Me ayeke nzoni kamene agbu le ti asioni zo so. Ayeke nzoni yanga ti ala akanga si ala gue na ndo ti akuâ.

Abia (Psaumes) 9:14

KOTA GBIA, baa mawa ti mbi! Baa pasi so azo ti kengo mbi asara na mbi, mo so mo yeke zi mbi na yanga ti kuâ.

Ésaïe 1:8

Gbata ti *Sion angba gi lo oko tongana kete da na ya ti yaka ti *vinye, tongana kpangba ti yanga ti yaka ti kugbe ti kasa, tongana gbata so awato angoro ni kue.

Ésaïe 10:32

Gi na lango ni so, wato aluti na Nob. Lo yoro maboko ti so na ndö ti hoto ti *Sion, kete hoto ti Jérusalem.

Ésaïe 23:12

Lo tene: “Ala azo ti Sidon, ngia ti ala ahunzi awe, ala yeke tongana maseka-wali so koli asuru lo awe. Ataa ala gue, afâ kota ngu-ingo ngbii ala si na Shipre, kâ, ala lingbi nga ti wu tere ti ala pepe.

Ésaïe 47:1

*KOTA GBIA atene: “Babilone, pendere gbata, mo zu, mo duti na ya ti fuku ti sese; kua ti mo ti gbia-wali ahunzi awe! Gbata ti azo ti Babilone, mo duti taa na sese, ngbanga ti so a yeke kiri ti iri mo pepe: ‘Babilone, wali so maboko ti lo ayeke ndu ye oko pepe’, ‘Babilone, *wali-ndomo’.

Ésaïe 62:11

Tënë so KOTA GBIA atene titene azo ti nda ti sese kue ama ayeke so: “Ala tene na gbata ti Sion, atene: Wasongo mo ayeke ga; azo so lo wara ala, lo yeke ga na ala, lo yeke ga na ye so lo wara na peko ti kua ti lo.”

Jérémie 14:17

“Tënë so fade mo yeke tene na ala laa: Mbi ye titene ngu ti le ti mbi asua bi na lâ, akai pepe, ngbanga ti so mbeni kpale ati na ndö ti azo ti mbi so mbi ye ala tongana molenge ti mbi ti wali; ka ti ala ayeke mu oko pepe.

Jérémie 18:16

Ala sara si kodro ti ala aga ngonda, aga ye so azo ayeke huru yanga ti ala kpu na kpu na bango ni. Azo so kue ayeke hon na tere ni, li ti ala ayeke kpe si ala yingi li ti ala.

Abia ti demango tere 1:15

Kota Gbia atumba ala kue awe, angangu turugu so ayeke na tere ti mbi so; Kota Gbia airi gba ti aturugu ti tiri bira, lo iri ala ti ga ti nika aturugu ti mbi, ala so ade maseka so. Ae azo! Kota Gbia ado mbi na sese awe; mbi, maseka-wali ti mara ti Juda. Lo pete mbi tongana ale ti *vinye so ayeke na ya ti du ti sarango na vin.

Abia ti demango tere 2:13

Azo ti gbata ti Jérusalem, mbi yeke haka ala na azo wa so-oo? Tënë ti nyen si mbi yeke tene na ala ti de be ti ala na ni so-oo! Mawa na ala mingi, azo ti gbata ti Sion! Dutingo ti ala alingbi na ti azo wa so-oo? Akpale ti ala akono ahon ndoni; akono tongana kota ngu-ingo. Zo wa si ayeke ga ande ti kai akpale ni na tere ti ala so-oo?

Abia ti demango tere 2:15

Azo so kue ayeke hon na lege, ala yeke pika maboko ti ala ti he ala, azo ti Jérusalem. Azo ni so ayeke huru yanga ti ala. Ala baa gbata ni si ala yeke yingi li ti ala, ala tene: “Jérusalem, pendere kodro so ando so laa? Kodro ti mungo ando ngia na be ti azo ti sese, ni laa aga fadeso tongaso so-oo?”

Amos 5:2

Lo ti awe, Israel, maseka-wali so, lo yeke kiri ti londo pepe. Lo lango na sese na kodro ti lo wani, zo ti yo lo na nduzu ayeke daa pepe.

Sofonii 3:14

Mo gbata ti *Sion, mo dekongo na ngia! Ala azo ti Israel, ala pika maboko ti ala na ngia. Mo gbata ti Jérusalem, mo duti na ngia na be ti mo kue!

Zakarii 2:10

So tënë ti yanga ti *KOTA GBIA laa: “Ala londo, ala londo ahon! Ala so mbi kangbi ala na ndangoro osio ti sese kue so, ala londo hio na sese ti Banga, ala hon! So tënë ti yanga ti KOTA GBIA laa.

Zakarii 9:9

Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.

Matthieu 21:5

“Ala tene na gbata ti *Sion, atene: Baa, gbia ti mo ayeke ga na mo, lo sara tere ti lo tongana senge zo. Lo duti na ndö ti mama ti lele nga na ndö ti molenge ti lele so ayeke nyama ti sarango na kua.”

Matthieu 27:39

Azo so ayeke hon nduru na tere ti lo ayingi li ti ala si ala zonga lo,

1 Samuel 17:36

Lege so mbi zo ti gbe ti mo, mbi fâ bamara, mbi fâ nga urse laa. Zo ti Filistii so ahinga Nzapa pepe so, fade mbi yeke sara na lo tongana ti so mbi sara na anyama use so, ngbanga ti so lo gi yanga ti aturugu ti Nzapa, Nzapa so ayeke na fini.”