Ésaïe 37:2 - Mbeti ti Nzapa - Tënë so amu fini

² Na pekoni, lo tokua Eliakim, makonzi ti yangbo ti gbia, lo na wakuasu Shebna nga na ambakoro wayango-sandaga na ndo ti wayanga-Nzapa Ésaïe, molenge ti Amoz. Ala kue ayu bongo ti mua.

Ésaïe 37:2 ပူးပေါင်းရင်းမြစ်များ

2 Agbia 18:18

Ala hunda ti tene tënë na gbia. Tongaso Eliakim, molenge ti Hilkia, makonzi ti yangbo ti gbia, lo na wakuasu Shebna nga na Yoa, molenge ti Asaf, zo ti tenengo peko ti tënë ti yanga ti gbia, asigigi ti wara ala.

2 Agbia 19:2

Na pekoni, lo tokua Eliakim, makonzi ti yangbo ti gbia, lo na wakuasu Shebna nga na ambakoro awayango-sandaga na ndo ti wayanga-Nzapa Ésaïe, molenge ti Amoz. Ala kue ayu bongo ti mua.

2 Mbai 20:20

Na kota ndaperere, azo kue alondo ti gue na benyama ti Tekoa. Na guengo ti ala, Yosafat aluti na nduzu si lo tene na ala: “Azo ti Jérusalem na azo ti Juda, ala ma mbi si! Ayeke nzoni ala zia be ti ala na ndö ti KOTA GBIA, Nzapa ti ala si fade ala yeke wara ngangu. Ala zia be ti ala na ndö ti azo ti tenengo peko ti yanga ti lo si fade ala yeke so benda.”

Esther 4:1

So Mardochée ama tënë ti ye so kue asi so, lo suru bongo na tere ti lo, lo yu bongo ti mua si lo tuku mburu ti wâ na li ti lo. Lo tambula na ya ti gbata ti Suze kue, na kota mawa na be ti lo, lo yeke dekongo.

Ésaïe 1:1

So ayeke tënë ti aye so Ésaïe, molenge ti Amoz abaa na ya ti mbeni ye tongana bango-li: aye ni ayeke na ndö ti kodro ti Juda nga na ndö ti gbata ti Jérusalem. Lo baa ni na ngoi so Ozias, Yotam, Ahaz na Ezekias ayeke agbia ti Juda.

Ésaïe 20:2

Ngu ota kozoni, *KOTA GBIA atene tënë na azo na lege ti Ésaïe, molenge ti Amoz, lo tene: “Gue mo zi bongo ti mua so mo kanga na ngbonda ti mo, mo zi nga poro na gere ti mo.” Ésaïe asara ye ni si lo tambula tere ti lo senge, gere ti lo senge.

Ésaïe 22:12

Na lango ni so, Kota Gbia, NZAPA so ayeke na ndö ti dunia kue, airi ala ti toto, ti dema tere, ti kio kua ti li ti ala, ti yu bongo ti mua.

Ésaïe 22:15

Tënë so Kota Gbia NZAPA so ayeke na ndö ti dunia kue atene na mbi ayeke so: “Gue mo wara Shebna so, lo so lo yeke baa ndo na ndö ti azo nga na aye ti da ti gbia, makonzi ti yangbo ti gbia, mo tene:

Ésaïe 22:20

Na lango ni so, fade mbi yeke iri zo ti kua ti mbi Eliakim, molenge ti Hilkia.

Ésaïe 36:3

Tongaso, Eliakim, molenge ti Hilkia, makonzi ti yangbo ti gbia, lo na wakuasu Shebna nga na Yoa, molenge ti Asaf, zo ti tenengo peko ti tënë ti yanga ti gbia, asigigi ti wara lo.

Ésaïe 37:14

Ezekias amu mbeti ni na maboko ti awatokua ni, lo diko ni si lo gue na ya ti kota da ti *KOTA GBIA. Lo zi ya ti mbeti ni na le ti KOTA GBIA.

Ésaïe 37:21

Tongaso, Ésaïe, molenge ti Amoz atokua azo na Ezekias, atene: “Tënë so KOTA GBIA, Nzapa ti Israel, lo so mo sambela lo ndali ti Senakerib, gbia ti Asirii atene ayeke so:

Ésaïe 38:1

Na ngoi ni so, tere ti Ezekias aso nduru na kuâ. Wayanga-Nzapa Ésaïe, molenge ti Amoz aga abaa lo si atene na lo: “Tënë so *KOTA GBIA atene ayeke so: Mo leke tënë ti aye ti da ti mo biani, ngbanga ti so mo yeke kui, mo yeke ngba na fini pepe.”

Joël 1:13

Ala awayango-sandaga, ala yu bongo ti mua, ala toto; ala so ayeke sara kua na tere ti gbalaka, ala dema tere ti ala! Ala azo so ayeke sara kua ti Nzapa ti mbi, ala ga, ala yu bongo ti mua, ala lango na ni na bi kue, ngbanga ti so azo ayeke na sandaga ti *ble na ti samba pepe ti ga na ni na ya ti kota da ti Nzapa.