Ésaïe 37:19 - Mbeti ti Nzapa - Tënë so amu fini

¹⁹ Agbia ni abi anzapa ti azo ni na le ti wâ. Andaa, anzapa ni ayeke taa Nzapa pepe, me ala yeke gi ye so maboko ti zo laa asara ni na keke nga na têne; nilaa agbia ti Asirii abuba anzapa ni kue.

Ésaïe 37:19 ပူးပေါင်းရင်းမြစ်များ

2 Samuel 5:21

Azo ti Filistii ni azia ayanda ti ala na ndo ni so. David na azo ti lo amu ague na ni.

Sigingo 32:20

Moïse amu yanda ti bagara so azo ni asara so, lo gbi na wâ, lo nika ni si aga fuku. Lo tuku fuku ni na le ti ngu si lo mu ngu ni na azo ti Israel titene ala nyon.

Ésaïe 10:7

Me gbungo-li ti gbia ti Asirii ayeke tongaso pepe, tënë ti be ti lo ayeke nde. Lo leke na be ti lo ti fâ azo kue, ti hunzi amara mingi mingi.

Ésaïe 17:8

Ala yeke kiri ti baa ndo pepe na mbage ti agbalaka so maboko ti ala wani asara. Akeke so ala leke aluti na nduzu si ala yeke voro ni, wala ata ti wen so ala zia nde titene ala zö dukani na ya ni, ala yeke kiri ti baa ndo daa pepe.

Ésaïe 2:8

Ayanda asi singo na ya ti kodro ni. Azo ayeke kuku ti voro ye so maboko ti ala wani asara; ala yeke kuku na gbe ti ye so maboko ti ala wani aleke.

Ésaïe 26:14

Azo ni so akui awe so, ala yeke kiri ti duti na fini pepe, ala yeke kiri ti londo pepe. Mo ga na tere ti ala si mo hunzi ala kue, mo sara si azo akiri adabe ti ala na ala mbeni pepe.

Ésaïe 41:24

Me ala yeke ye oko pepe, ye so kue ala yeke sara ayeke taa senge senge. Zo so asoro ala tongana anzapa, lo yeke fungo zo tongana anzapa ni.

Ésaïe 41:29

Ala kue ayeke ye oko pepe: kua ti ala ayeke senge senge, ayanda ti ala ayeke pupu senge, ye ayeke daa pepe!”

Ésaïe 41:7

Wakode-kua ayeke mu ngangu na zo so ayeke kporo lôro na wâ ti sara na alimo; zo so ayeke sara si tere ti wen aza zango ayeke mu ngangu na zo ti pikango ndao. Lo yeke tene tënë ti kua ti lo, lo tene: ‘Kua ni ayeke nzoni!’ Na pekoni, lo yeke pika limo ni na pondi titene ayingi pepe.”

Ésaïe 44:17

Na mbeni mbage ti keke ni, ala yeke sara na mbeni nzapa, mbeni yanda so ala yeke kuku na gbe ti lo, ala yeke voro lo si ala yeke sambela lo, atene: “Mo yeke nzapa ti e, soo e!”

Jérémie 1:16

Mbi yeke fâ ngbanga na li ti azo ti Juda ndali ti asioni sarango ye ti ala. Biani, ala zia mbi awe, ala zö dukani na anzapa nde, ala kuku ti voro ye so maboko ti ala wani asara.

Jérémie 10:11

Tënë so ala yeke tene ande na azo ni ayeke so: anzapa so asara yayu na sese pepe so, fade ala yeke ngba na ndö ti sese so pepe, ala yeke ngba na gbe ti yayu pepe.

Jérémie 16:20

Azo alingbi ti leke anzapa ndali ti ala wani? So ala yeke anzapa pepe so!”

Jérémie 2:11

Laoko ala baa mbeni mara so azia anzapa ti lo ti mu ambeni nde? Ataa so ala yeke anzapa pepe! Me azo ti mbi azia mbi, mbi so mbi yeke nengo ti ala, ala mu peko ti ye so alingbi ti sara mbeni ye oko pepe.

Daniel 11:8

Anzapa ti ala so lo gbu na ya ti bira, na ayanda ti ala so a sara na wen, fade lo yeke mu ni ti gue na ni na Ezipte. Lo yeke gue nga na aye ti kua ti nzoni ni so a sara na wen ti nginza na lôro. Na pekoni, lo yeke zia lege ti sarango bira na gbia so ayeke na Banga aninga ambeni ngu.

Daniel 5:23

Mo londo ti ke Nzapa so ayeke na yayu: azo ague, amu aye ti da ti lo aga na ni si mo na akota zo ti mo, na awali ti mo so mo ne ala mingi nga na ala so mo ne ala mingi pepe, ala tuku samba na ya ni, ala nyon. Na pekoni, mo gonda anzapa so a sara na wen ti nginza na lôro, ala so a sara na bengba wen, na wen, na keke nga na têne. Anzapa ni ayeke baa ndo pepe, ala yeke ma tënë pepe si ala hinga ye pepe. Me mo ke ti gonda Nzapa so pupu ti ya ti mo ayeke na maboko ti lo si lo yeke bata tambula ti mo.

Osée 8:6

Kete bagara ti Samarii ni alondo na Israel, mbeni zo ti sarango ye na kode laa aleke ni; kete bagara ni ayeke Nzapa pepe. Biani, fade a yeke fâ ya ti lo kete kete.

Galasii 4:8

Ando, ala hinga Nzapa pepe, ala yeke angbaa ti aye so ala baa ti ala atene, ayeke anzapa, andaa aye ni so ayeke anzapa biani pepe.