Ésaïe 37:17 - Mbeti ti Nzapa - Tënë so amu fini

¹⁷ KOTA GBIA, dingi mê ti mo, mo ma si! KOTA GBIA, zi le ti mo, mo baa ye si! Mo ma atënë so Senakerib atokua ni ti zonga Nzapa so ayeke na fini so!

Ésaïe 37:17 ပူးပေါင်းရင်းမြစ်များ

2 Samuel 16:12

E hinga pepe, fade KOTA GBIA ayeke baa mawa ti mbi. E hinga pepe, lo yeke sanze dengo ba ti laso titene aga nzoni ye ndali ti mbi.”

2 Agbia 19:16

KOTA GBIA, dingi mê ti mo, mo ma si! KOTA GBIA, zi le ti mo, mo baa ye si! Mo ma atënë ti Senakerib, lo so lo tokua makonzi ti aturugu ti batango lo titene lo zonga Nzapa so ayeke na fini so!

2 Mbai 6:40

“Fadeso Nzapa ti mbi, mo zi le ti mo, mo zi mê ti mo, mo ma sambela ti mbi so mbi yeke ya na mo na ndo so!

2 Mbai 7:15

Fadeso, mbi zi le ti mbi awe, mbi dingi mê ti mbi ti ma sambela so azo ayeke sara na ndo so.

Mbeti ti Job 36:7

Lo yeke bi le ti lo yamba na azo ti mbirimbiri pepe. Ti agbia, lo yeke zia ala na ndö ti mbata titene ala ngba daa lakue. Me ala yeke ga azo ti baba.

Abia (Psaumes) 116:1

Mbi ye *KOTA GBIA, ngbanga ti so lo ma mbi tongana mbi toto na lo.

Abia (Psaumes) 17:6

Nzapa ti mbi, mbi iri mo, ngbanga ti so mo yeke kiri tënë na mbi. Dingi mê ti mo na mbage ti mbi, ma tënë ti mbi.

Abia (Psaumes) 71:2

Mo so mo yeke bata tënë ti yanga ti mo, zi mbi, sigigi na mbi na ya ti kpale; dingi mê ti mo, mo ma mbi, soo mbi!

Abia (Psaumes) 74:10

Nzapa, zo ti kengo mo ayeke ngba ti zonga mo ngbii asi lawa? Fade wato ayeke ngba ti zonga iri ti mo lakue?

Abia (Psaumes) 74:22

Nzapa, londo! Gbu koko ti mo wani! Zonga so azo so li ti ala ayeke daa pepe ayeke zonga na mo lakue so, dabe ti mo na ni!

Abia (Psaumes) 79:12

Azo so ayeke nduru na e azonga mo; KOTA GBIA, kiri zonga ni taa na ala wani fani mbarambara!

Ésaïe 37:4

Gbia ti Asirii atokua makonzi ti aturugu ti lo ti zonga Nzapa so ayeke na fini. E hinga pepe, wala KOTA GBIA, Nzapa ti mo ama tënë ti zonga ni si lo pika lo ndali ti asioni tënë so lo tene so! Ti mo Ésaïe, sambela Nzapa ndali ti tanga ti azo so angba na fini so.’ ”

1 Pierre 3:12

Biani, le ti *Kota Gbia ayeke na ndö ti azo ti mbirimbiri, mê ti lo ayeke ma sambela ti ala; me ti azo so ayeke sara ye ti sioni, Kota Gbia ayeke londo ti ke ala.”