Ésaïe 37:16 - Mbeti ti Nzapa - Tënë so amu fini

¹⁶ “KOTA GBIA, mo so mo yeke na ndö ti dunia kue, Nzapa ti Israel, mo so mo yeke duti na ndö ti *asheruben, gi mo oko mo yeke Nzapa na ndö ti akodro-gbia ti sese kue, ngbanga ti so mo laa mo sara yayu na sese.

Ésaïe 37:16 ပူးပေါင်းရင်းမြစ်များ

Tongo nda ti aye 1:1

Na tongo nda ni, Nzapa asara yayu na sese.

2 Samuel 7:26

Ayeke nzoni azo agonda iri ti mo kpu na kpu, ala tene: ‘KOTA GBIA so ngangu ti lo ahon angangu kue, lo yeke Nzapa ti Israel.’ Sara si lengo-gbia ti ahale ti mbi, zo ti kua ti mo, akpengba.

1 Agbia 18:32

Élie amu atêne so, lo kiri lo leke na mbeni gbalaka na iri ti KOTA GBIA. Lo zi du angoro tere ti gbalaka ni kue; du ni alingbi ti mu litere ti ngu nduru na baleota.

1 Agbia 8:6

Na pekoni, awayango-sandaga aga na sanduku ti mbuki ti KOTA GBIA na ya ti kota da ti Nzapa, na ndo so ayeke nde si ayeke nzoni kue ahon atanga ni, na gbe ti *akpangi ti *asheruben.

2 Agbia 5:15

Lo kiri na tere ti Élisée, lo na azo so kue amu peko ti lo. Lo ga lo luti na dawa ti Élisée si lo tene: “Fadeso mbi hinga, mbi tene, na ndö ti sese kue, taa Nzapa ayeke daa pepe, gi na sese ti Israel oko. Mbi gbu gere ti mo titene mo mu na maboko ti mbi, zo ti kua ti mo, kadoo so mbi yeke mu na mo.”

Esdras 1:3

Azo so kue na popo ti ala ayeke azo ti lo, ayeke nzoni ala gue na Jérusalem, na sese ti Juda ti leke kota da ti KOTA GBIA, Nzapa ti Israel. Nzapa so a yeke voro lo na Jérusalem laa. Ayeke nzoni Nzapa ti ala aduti na ala!

Abia (Psaumes) 146:6

KOTA GBIA asara yayu na sese, kota ngu-ingo na aye so kue ayeke na ya ni; lo yeke bata tënë ti yanga ti lo kpu na kpu.

Abia (Psaumes) 46:11

KOTA GBIA adekongo, atene: “Ala zia bira! Ayeke nzoni ala hinga so mbi yeke Nzapa! Mbi hon ndö ti amara kue, mbi hon ndö ti azo ti dunia kue.”

Abia (Psaumes) 46:7

Amara asara wusuwusu, akodro ti agbia ayingi; Nzapa atene tënë na kota go si sese aga tongana ngu.

Abia (Psaumes) 80:1

Bia ti Asaf; bia so ayeke ndali ti makonzi-bia. A he ni na kundi.

Abia (Psaumes) 86:10

Biani, mo yeke kota, mo yeke sara aye ti kpene, gi mo oko laa mo yeke Nzapa!

Abia (Psaumes) 99:1

*KOTA GBIA ayeke gbia, tere ti azo ayeke do! Lo duti na ndö ti *asheruben, sese ayeke yingi!

Sigingo 25:22

Na ndo so laa mbi yeke wara tere na mo, na ndö ti ye ti kangango na yanga ti sanduku ni, na popo ti asheruben use so. Na ndo so laa mbi yeke mu yanga na mo ndali ti azo ti Israel.”

Ésaïe 37:15

Na pekoni, lo sambela KOTA GBIA, lo tene:

Ésaïe 37:20

Me mo KOTA GBIA, Nzapa ti e, soo e na maboko ti Senakerib; tongaso si akodro-gbia ti sese kue ahinga atene, gi mo oko KOTA GBIA laa mo yeke Nzapa.”

Ésaïe 40:22

*KOTA GBIA azia mbata ti lo ti gbia na nduzu kâ, na ndö ti sese, lo yeke baa azo tongana agbadola. Lo gbara le ti nduzu tongana kota bongo, lo zi ya ni titene aga da ti bongo so lo yeke duti daa.

Ésaïe 40:28

Mo hinga pepe? Mo ma tënë ni pepe? KOTA GBIA ayeke Nzapa so angba lakue lakue; lo laa lo sara sese, alondo na mbeni yanga ni asi na mbeni yanga ni. Ngangu atia ti lo laoko pepe, lo woko laoko pepe. Hingango ye ti lo, zo oko alingbi ti gi nda ni pepe.

Ésaïe 42:5

Nzapa, *KOTA GBIA asara yayu, lo gbara le ti nduzu; lo gbara sese na aye so kue asigigi daa, lo mu fini na azo so ayeke na ndö ti sese, lo mu pupu ti wungo ni na azo ti ndö ti sese ni; tënë so lo tene ayeke so:

Ésaïe 44:24

Israel, *KOTA GBIA so azi mo, lo so lo leke mo gi so mo de na ya ti mama ti mo, tënë so lo tene ayeke so: “Mbi KOTA GBIA laa mbi sara ye kue; mbi oko laa mbi gbara le ti nduzu, mbi oko laa mbi gbara sese; zo wa laa ayeke lani na tere ti mbi, zo wa?

Ésaïe 44:6

*KOTA GBIA, Gbia ti Israel, lo so lo yeke zi azo ti lo, lo so lo yeke na ndö ti dunia kue, tënë so lo tene ayeke so: “Mbi yeke kozoni, mbi yeke ndangba ni. Mbeni Nzapa nde ayeke pepe, gi mbi oko.

Ésaïe 45:12

Mbi laa mbi sara sese si mbi sara zo na ndö ni. Maboko ti mbi wani laa agbara le ti nduzu si mbi yeke sara komandema na ndö ti aye ti le ti nduzu kue kue kue.

Ésaïe 45:22

Ala azo so kue ayeke lango na nda ti sese, ala kiri na mbage ti mbi si fade mbi soo ala. Biani, mbi yeke Nzapa, mbeni nde ayeke daa pepe.

Ésaïe 54:5

Biani, koli ti mo ayeke duti lo so lo sara mo; iri ti lo ayeke ‘KOTA GBIA so ayeke na ndö ti dunia kue’. Lo so lo zi mo ayeke Nzapa ti Israel so ayeke nde si ayeke nzoni kue, lo so azo adi iri ti lo ‘Nzapa ti sese kue’.

Ésaïe 6:3

Ala yeke dekongo na amba ti ala, atene: “*KOTA GBIA ayeke nde, lo yeke nde, lo yeke nde si lo yeke nzoni kue, KOTA GBIA so ayeke na ndö ti dunia kue so! Ndö ti sese kue asi singo na gonda ti lo!”

Ésaïe 8:13

Ayeke nzoni ala hinga atene, KOTA GBIA so ayeke na ndö ti dunia kue laa ayeke nde si lo yeke nzoni kue, lo laa ala lingbi ti sara mbeto ti lo, lo laa ala lingbi ti duti na mbeto ti lo.

Jean 1:3

Na lege ti lo laa aye kue abaa gigi, mbeni ye so abaa gigi na mbeni lege nde ayeke daa pepe.

Ndia ti fani use ni 10:17

Biani, KOTA GBIA Nzapa ti ala ayeke kota mingi, lo hon anzapa kue, lo yeke Kota Gbia mingi lo hon agbia kue; lo yeke kota, lo yeke ngangu mingi si lo yeke zia mbeto na be ti zo. Lo yeke mu mbage ti mbeni zo pepe, zo alingbi ti pete goro na lo pepe.

Kolose 1:16

Na lege ti lo, Nzapa asara aye so kue ayeke na yayu na aye so kue ayeke na sese, aye so zo ayeke baa na aye so zo ayeke baa pepe, ayingo so aduti gbia, ala so ayeke makonzi na ala so ayeke na komandema. Nzapa asara aye kue na lege ti Christ, ndali ti Christ.

Ahebro 4:16

Tongaso, e gue nduru na tere ti mbata ti Gbia Nzapa na mbeto pepe, titene lo baa mawa ti e, lo sara nzoni be na e si lo mu na e maboko na ndembe so alingbi.

1 Samuel 4:4

Aturugu ni atokua ambeni zo na Silo. Ala gue, aga na sanduku ti mbuki ti KOTA GBIA, lo so lo yeke na ndö ti dunia kue si lo yeke duti na ndö ti *asheruben. Andaa amolenge ti Heli use, Hofni na Pinas ayeke na tere ti sanduku ti mbuki ni.