Ésaïe 36:22 - Mbeti ti Nzapa - Tënë so amu fini

²² Na pekoni, Eliakim, molenge ti Hilkia, makonzi ti yangbo ti gbia, lo na wakuasu Shebna nga na Yoa, molenge ti Asaf, zo ti tenengo peko ti tënë ti yanga ti gbia asuru bongo na tere ti ala. Ala kiri na tere ti Ezekias si ala tene na lo peko ti tënë ti makonzi ti aturugu ti batango gbia ti Asirii.

Ésaïe 36:22 ပူးပေါင်းရင်းမြစ်များ

2 Agbia 18:18

Ala hunda ti tene tënë na gbia. Tongaso Eliakim, molenge ti Hilkia, makonzi ti yangbo ti gbia, lo na wakuasu Shebna nga na Yoa, molenge ti Asaf, zo ti tenengo peko ti tënë ti yanga ti gbia, asigigi ti wara ala.

2 Agbia 5:7

So gbia ahunzi ti diko mbeti ni awe, lo suru bongo na tere ti lo si lo tene: “Mbi yeke Nzapa so alingbi ti sara titene zo akui wala titene zo angba na fini? Gbia ti Sirii atokua na mbi mbeni zo titene mbi zi buruma na tere ti lo! Ala baa awe: so gingo yanga laa!”

Esdras 9:3

So mbi ma tënë so, mbi suru bongo na tere ti mbi nga na yongoro bongo ti mbi, mbi gboto kua ti li ti mbi na kua ti yanga ti mbi, mbi duti na sese na gingo be.

Ésaïe 22:15

Tënë so Kota Gbia NZAPA so ayeke na ndö ti dunia kue atene na mbi ayeke so: “Gue mo wara Shebna so, lo so lo yeke baa ndo na ndö ti azo nga na aye ti da ti gbia, makonzi ti yangbo ti gbia, mo tene:

Ésaïe 22:20

Na lango ni so, fade mbi yeke iri zo ti kua ti mbi Eliakim, molenge ti Hilkia.

Ésaïe 29:2

me mbi KOTA GBIA, mbi yeke nika mo, Ariel. Fade demango tere na dema ayeke hon ndö ti mo si mo yeke ga tongana duke, ndo so a yeke gbi asandaga daa ndali ti mbi.

Ésaïe 33:7

Baa, azo ti Ariel laa ayeke dekongo na ndö ti lege so. Awatokua ti siriri laa ayeke toto ngangu mingi so.

Ésaïe 36:11

Tongaso Eliakim, Shebna nga na Yoa atene na makonzi ti aturugu ti batango gbia, atene: “E gbu gere ti mo, mo tene tënë na e, azo ti gbe ti mo, na yanga ti arameen, ngbanga ti so e yeke ma ni. Me mo tene tënë ni na yanga ti hebro pepe, ngbanga ti azo so aduti na ndö ti gbagba ti gbata ni.”

Ésaïe 36:3

Tongaso, Eliakim, molenge ti Hilkia, makonzi ti yangbo ti gbia, lo na wakuasu Shebna nga na Yoa, molenge ti Asaf, zo ti tenengo peko ti tënë ti yanga ti gbia, asigigi ti wara lo.

Jérémie 36:24

Gbia na akota zo ti yangbo ti lo kue ama atënë so kue nzoni; me atënë ni azia mbeto na be ti ala oko pepe, ala suru bongo ti ala pepe.

Matthieu 26:65

Tongaso kota wayango-sandaga ni asuru ya ti bongo ti lo si lo tene: “Lo zonga Nzapa awe! E ye ti kiri ti hunda mbeni zo na tënë ngbanga ti nyen? Ala ma zonga so lo zonga na Nzapa so awe!