Ésaïe 36:13 - Mbeti ti Nzapa - Tënë so amu fini

¹³ Na pekoni, makonzi ti aturugu ti batango gbia ti Asirii aluti na nduzu si lo dekongo na kota go na yanga ti hebro, lo tene: “Ala ma tënë ti kota gbia, gbia ti Asirii si!

Ésaïe 36:13 ပူးပေါင်းရင်းမြစ်များ

2 Mbai 32:18

Azo ti kua ti Senakerib adekongo ngangu na yanga ti hebro na azo ti Jérusalem so aduti na ndö ti gbagba; ala ye ti zia mbeto na be ti azo ni, ti woko be ti ala si azo ti Senakerib awara lege ti mu kodro ni.

Ésaïe 36:11

Tongaso Eliakim, Shebna nga na Yoa atene na makonzi ti aturugu ti batango gbia, atene: “E gbu gere ti mo, mo tene tënë na e, azo ti gbe ti mo, na yanga ti arameen, ngbanga ti so e yeke ma ni. Me mo tene tënë ni na yanga ti hebro pepe, ngbanga ti azo so aduti na ndö ti gbagba ti gbata ni.”

Ésaïe 36:12

Me makonzi ti aturugu ni akiri tënë: “Gbia ti mbi atokua mbi ti tene tënë so gi na ala nga na gbia ti ala oko? Tënë ni ayeke nga ndali ti azo so aduti na ndö ti gbagba ti gbata ni, azo so fade ayeke te puru ti ala wani si ala yeke nyon inon ti ala tongana ti so ala na gbia ti ala ayeke sara ni ande.”

Ésaïe 36:4

Makonzi ti aturugu ti batango gbia ti Asirii atene na ala: “Ala gue, atene na Ezekias, atene: Tënë so kota gbia, gbia ti Asirii atene ayeke so: ‘So ziango be ti nyen laa mo zia na ndö ti ye so!

Ésaïe 37:4

Gbia ti Asirii atokua makonzi ti aturugu ti lo ti zonga Nzapa so ayeke na fini. E hinga pepe, wala KOTA GBIA, Nzapa ti mo ama tënë ti zonga ni si lo pika lo ndali ti asioni tënë so lo tene so! Ti mo Ésaïe, sambela Nzapa ndali ti tanga ti azo so angba na fini so.’ ”

Ésaïe 8:7

Ndali ti ye so ala sara so, fade KOTA GBIA ayeke sara titene *bale ti Efrate asuku, aga na tere ti ala. Bale ni ayeke gbia ti Asirii na ngangu ti lo kue. Ngu ni ayeke londo na ndo so lo yeke daa, lo yeke suku ti hon yanga ti sese ti mu ndo kue.