Ésaïe 36:11 - Mbeti ti Nzapa - Tënë so amu fini

¹¹ Tongaso Eliakim, Shebna nga na Yoa atene na makonzi ti aturugu ti batango gbia, atene: “E gbu gere ti mo, mo tene tënë na e, azo ti gbe ti mo, na yanga ti arameen, ngbanga ti so e yeke ma ni. Me mo tene tënë ni na yanga ti hebro pepe, ngbanga ti azo so aduti na ndö ti gbagba ti gbata ni.”

Ésaïe 36:11 ပူးပေါင်းရင်းမြစ်များ

Esdras 4:7

Na ngoi so Artakzerses ayeke le-gbia na kodro ti Perse, Bishelam, Mitredat, Tabeel na ambeni mba ti ala asu nga mbeti na gbia Artakzerses. Ala su mbeti ni na yanga ti arameen nga na kode ti sungo agere ti mbeti ti yanga ti arameen.

Ésaïe 22:15

Tënë so Kota Gbia NZAPA so ayeke na ndö ti dunia kue atene na mbi ayeke so: “Gue mo wara Shebna so, lo so lo yeke baa ndo na ndö ti azo nga na aye ti da ti gbia, makonzi ti yangbo ti gbia, mo tene:

Ésaïe 22:20

Na lango ni so, fade mbi yeke iri zo ti kua ti mbi Eliakim, molenge ti Hilkia.

Ésaïe 36:12

Me makonzi ti aturugu ni akiri tënë: “Gbia ti mbi atokua mbi ti tene tënë so gi na ala nga na gbia ti ala oko? Tënë ni ayeke nga ndali ti azo so aduti na ndö ti gbagba ti gbata ni, azo so fade ayeke te puru ti ala wani si ala yeke nyon inon ti ala tongana ti so ala na gbia ti ala ayeke sara ni ande.”

Ésaïe 36:13

Na pekoni, makonzi ti aturugu ti batango gbia ti Asirii aluti na nduzu si lo dekongo na kota go na yanga ti hebro, lo tene: “Ala ma tënë ti kota gbia, gbia ti Asirii si!

Daniel 1:4

Alingbi mbeni ye ti tere ti amaseka-koli ni oko abuba pepe; ala yeke pendere mingi; ala si singo na ndara, ala yeke azo ti hingango mbeti na azo ti hingango ndo. Tongaso, fade ala yeke sara kua na yangbo ti gbia; fade a yeke fa na ala agere ti mbeti nga na yanga ti kodro ti azo ti Babilone.

Daniel 2:4

Ala kiri tënë na lo na yanga ti *arameen, atene: “Gbia na nduzu! Mo fa na e, azo ti kua ti mo, bango-li ni si e fa nda ni na mo.”