Ésaïe 36:10 - Mbeti ti Nzapa - Tënë so amu fini

¹⁰ KOTA GBIA biani laa ayeda titene gbia ti mbi ague ti tiri bira na kodro so si a buba ni! KOTA GBIA laa atene na lo: Mo gue, mo tiri bira na kodro so, mo buba ni kue!’ ”

Ésaïe 36:10 ပူးပေါင်းရင်းမြစ်များ

1 Agbia 13:18

Wayanga-Nzapa ni atene na lo: “Mbi nga, mbi yeke wayanga-Nzapa tongana mo. Andaa mbeni *ange atene na mbi peko ti tënë ti yanga ti KOTA GBIA, atene: ‘Mu lo, mo ga na lo na da ti mo, lo te kobe, lo nyon ngu.’ ” Andaa mvene laa lo tene.

1 Agbia 22:12

Awayanga-nzapa kue atene gi oko tënë so; ala tene: “Mo gue, mo tiri bira na Ramot, na sese ti Galaad; fade mo yeke so benda! Fade KOTA GBIA ayeke zia gbata ni na maboko ti mo.”

1 Agbia 22:6

Tongaso gbia ti Israel abongbi awayanga-nzapa nduru na ngbangbo osio si lo hunda ala, lo tene: “Alingbi mbi gue, mbi tiri bira na Ramot, na sese ti Galaad wala mbi zia lege ni?” Ala kiri tënë na lo, atene: “Mo lingbi ti gue senge! Fade Kota Gbia ayeke zia gbata ni na maboko ti mo, gbia.”

2 Agbia 18:25

KOTA GBIA biani laa ayeda titene gbia ti mbi ague ti tiri bira na ndo so a buba ni! KOTA GBIA laa atene na lo: Mo gue, mo tiri bira na kodro so, mo buba ni kue!’ ”

2 Mbai 35:21

Neko atokua azo ti tene na Yosias, atene: “Gbia ti Juda, tënë ti nyen laa ayeke na popo ti mbi na mo, nyen? Mbi ga ti tiri bira na mo pepe, me mbi ga ti tiri bira na mbeni wato ti mbi nde. Nzapa atene na mbi ti gue hio. Nzapa so ayeke na mbi so, mo tiri na lo pepe, tongaso pepe lo yeke fâ mo.”

Ésaïe 37:28

Mbi hinga ye kue na ndö ti mo: tongana mo yeke duti, tongana mo yeke sigigi na da ti mo, tongana mo yeke kiri na da ti mo, nga tongana mo yeke sara ngonzo na tere ti mbi.

Amos 3:6

Tongana a huru didi na ya ti mbeni gbata ti fa tënë ti bira, fade mbeto alingbi ti gbu azo pepe? Tongana kpale asi na ya ti mbeni gbata, *KOTA GBIA laa asara ye ni pepe?