Ésaïe 36:1 - Mbeti ti Nzapa - Tënë so amu fini

¹ Na ngu baleoko na osio ni so Ezekias ayeke le-gbia na Juda, Senakerib, gbia ti Asirii aga ti tiri bira na agbata kue ti Juda so a sara ngangu gbagba na tere ni si lo mu agbata ni.

Ésaïe 36:1 ပူးပေါင်းရင်းမြစ်များ

2 Agbia 18:13

Na ngu baleoko na osio ni so Ezekias ayeke le-gbia, Senakerib, gbia ti Asirii aga ti tiri bira na agbata kue ti Juda so a sara ngangu gbagba na tere ni si lo mu agbata ni.

2 Agbia 18:17

Andaa gbia ti Asirii ayeke na gbata ti Lakish. Kâ, lo tokua turugu ti lo ti kota kamba, na makonzi ti akota zo ti kua ti lo nga na makonzi ti aturugu ti batango lo, ala na gba ti aturugu; lo tokua ala na gbia Ezekias na Jérusalem. So ala si kâ awe, ala gue, aluti na tere ti du so ngu ayeke sua daa ti gue na ndo so a yeke bata ngu daa na nduzu; du ni ayeke na lege ti yaka ti azo ti sukulango bongo.

2 Mbai 12:4

Lo mu agbata so a sara ngangu gbagba na tere ni si ayeke na sese ti Juda; lo gue ngbii lo si na Jérusalem.

2 Mbai 32:1

Na peko ti aye ti mbirimbiri so Ezekias asara na mbage ti Nzapa, Senakerib, gbia ti Asirii ali na kodro-gbia ti Juda; lo ngoro agbata so a sara ngangu gbagba na tere ni si lo ye ti li na ya ti agbata ni na ngangu.

Ésaïe 7:17

Ti mo, na azo ti mo na azo ti sewa ti mo, fade KOTA GBIA ayeke sara titene ambeni lango ti kpale aga na ndö ti ala. Alango ni ayeke duti ande alango so zo ade abaa ni laoko pepe, ti londo na ngoi so Israel na Juda akangbi. Ye so aye ti sara tënë ti gbia ti Asirii.”

Ésaïe 7:20

Na lango ni so, KOTA GBIA ayeke iri zeme na mbage ti bale ti Efrate – zeme ni ayeke gbia ti Asirii –. Fade lo yeke kio kua ti li ti ala na kua ti tere ti ala; lo yeke kio nga kua ti yanga ti ala.

Mishe 1:9

A pika azo ti Samarii na ka, ka ni ayeke kota mingi, zo alingbi ti sara si ka ni amu pepe. Ka ni ague ngbii awara azo ti Juda, ague nga ngbii asi na yanga ti gbata ti Jérusalem, ndo so azo ti mbi ayeke daa.