Ésaïe 35:3 - Mbeti ti Nzapa - Tënë so amu fini

³ Ala sara si maboko so awoko, akiri awara ngangu; ala sara si alikunu so awoko, akiri akpengba.

Ésaïe 35:3 ပူးပေါင်းရင်းမြစ်များ

Esdras 1:6

Azo so kue ayeke nduru na azo ti Israel amu maboko na ala na lege ti aye nde nde so a sara na wen ti nginza nga na lôro. Azo ni amu nga na ala ambeni nzoni ye, aye mingi ti ngangu ngere na anyama; na ndö ni, ala mu aye so zo amu na be ti lo wani ndali ti kota da ti KOTA GBIA.

Mbeti ti Job 16:5

ka mbi tene tënë ti mu ngangu na be ti ala, mbi tene tënë gbani gbani ti de be ti ala.

Sigingo 17:12

So maboko ti Moïse awoko awe, Aaron na Hur amu mbeni têne, ala zia na gbe ti Moïse si lo duti na ndö ni. Aaron na Hur aluti mbage na mbage, ala gbu maboko ti Moïse na nduzu. Tongaso maboko ti Moïse angba na nduzu ngbii asi na lakui.

Daniel 10:18

Biaku, ye so akpa zo so akiri andu mbi si mbi kiri mbi wara ngangu.

Sofonii 3:16

Na lango ni so, fade a yeke tene na gbata ti Jérusalem: “Sion, sara mbeto pepe, be ti mo awoko pepe!

Zakarii 8:9

Tënë so KOTA GBIA so ayeke na ndö ti dunia kue atene ayeke so: “Ala gbu ngangu! Ala ma fadeso atënë so awayanga-Nzapa atene na ngoi so a yeke zia agere ti kota da ti KOTA GBIA titene akiri asara da ni.

Nzoni Tënë so Luc asu na mbeti 22:32

Me mbi sambela ngbanga ti mo si mabe ti mo ati pepe. Tongana mo kiri ande na mbage ti mbi, ayeke nzoni mo sara titene a-ita ti mo akpengba.”

Nzoni Tënë so Luc asu na mbeti 22:43

Tongaso mbeni *ange alondo na yayu asi na lo ti mu ngangu na be ti Jésus.

Awatokua 18:23

So lo lango kete na ndo so awe, lo londo si lo hon na ya ti sese ti Galasii na ti Frizii ti mu wango so alingbi ti kpengba adisiple kue.

Ahebro 12:12

Ndani laa, ala yoro ya ti amaboko ti ala so awoko, ala sara si alikunu ti ala so awoko, akpengba!

Awafango-ngbanga 7:11

Fade mo yeke ma atënë so azo ni ayeke tene. Tongaso si mo yeke wara ngangu ti gue ti sara bira na ala.” Gédéon na zo ti kua ti lo Pura amu lege ague ngbii, ala si na yanga ti bâbâ ti azo ti Madian.

1 Samuel 23:17

Lo tene na David: “Sara mbeto pepe. Fade maboko ti babâ ti mbi Saul ayeke ndu mo pepe. Mo laa mo yeke ga ande gbia ti Israel; mbi si mbi yeke ga na peko ti mo. Babâ ti mbi Saul ahinga ni kue.”