Ésaïe 35:2 - Mbeti ti Nzapa - Tënë so amu fini

² Ayeke nzoni akongo ni amu ndö ti sese ni. Ayeke nzoni sese ni ahuru na ngia, lo dodo na ngia si lo dekongo na ngia! *KOTA GBIA amu na lo pendere ti hoto ti Liban awe, zango ti hoto ti Karmel na ti lando ti Saron. Tongaso, azo ayeke baa gonda ti KOTA GBIA, ala yeke baa nga zango ti Nzapa ti e.

Ésaïe 35:2 ပူးပေါင်းရင်းမြစ်များ

1 Mbai 16:33

Ayeke nzoni akeke ti gbako adekongo na ngia na dawa ti KOTA GBIA. Biani, lo yeke ga ti fâ ngbanga ti azo ti sese.

1 Mbai 27:29

Shitrai, zo ti kodro ti Saron ayeke baa ndo na ndö ti abagara so ayeke te pere na ngonda ti Saron. Shafat, molenge ti Adlai ayeke baa ndo na ndö ti abagara so ayeke te pere na popo-hoto.

1 Mbai 5:16

Ahale ti Gad asara kodro na sese ti Galaad, ti Bashan nga na akodro so ayeke na tere ni. Ala sara nga kodro na Saron, ndo so anzoni pere ayeke daa ndali ti anyama, ngbii asi na nda ti kodro ni.

Abia (Psaumes) 50:2

Na *Sion, pendere gbata, Nzapa alondo kâ asigigi tongana lâ, lâ so aza amu ndo kue so.

Abia (Psaumes) 72:16

Ayeke nzoni ale ti *ble asi singo na ya ti kodro ni, ayeke nzoni ale ti ble ni asigigi gbani gbani, amu li ti ahoto tongana ti so keke ayeke mingi na li ti hoto ti Liban! Ayeke nzoni gbata ni amai tongana pere so amu ndö ti sese!

Abia (Psaumes) 72:19

Singila na Nzapa kpu na kpu ndali ti iri ti lo so alingbi na gonda! Ayeke nzoni sese kue asi singo na gonda ti lo! Amen! Amen!

Abia (Psaumes) 89:12

Yayu ayeke ti mo, sese ayeke nga ti mo! Dunia na aye so kue ayeke na ya ni, mo laa mo sara ni.

Abia (Psaumes) 97:6

Yayu afa mbirimbiri ti lo, amara kue abaa gonda ti lo.

Sigingo 16:7

Kekereke na ndaperere, fade ala yeke baa gonda ti KOTA GBIA, ngbanga ti so KOTA GBIA ama kasango ndo so ala kasa lo so. E, e yeke ti e zo wa si ala yeke kasa e so?”

B. ti abia 2:1

Mbi yeke kongo ti Saron mbi yeke pendere kongo ti apopo-hoto.

B. ti abia 7:5

Go ti mo ayeke tongana da so a leke ni pendere mingi na pembe ti doli. Le ti mo aza tongana le ti ngu ti Heshebon so ayeke na yanga ti kota gbata ni. Hon ti mo apendere tongana da ti Liban so ayeke bata ndo si abaa ndo le na le na Damas.

Ésaïe 25:9

Na lango ni so, fade azo ayeke tene: “*KOTA GBIA laa ayeke Nzapa ti e. E zia be ti e lani ti ku lo si lo soo e. KOTA GBIA laa e zia be ti e ti ku lo. Ayeke nzoni e duti na ngia, e dodo na ngia, ndali so lo soo e awe!

Ésaïe 27:6

Na ya ti angoi so ayeke ga, fade mara ti Jacob ayeke ga tongana keke so agunda ni asigigi, Israel ayeke ga tongana keke so kugbe asigigi daa, akongo ni asigigi; ale ti keke ni ayeke mu ndö ti dunia kue.

Ésaïe 32:15

Mbeni lâ, fade *KOTA GBIA ayeke tokua yingo ti lo na ndö ti e. Tongaso, benyama ayeke ga yaka so a lu akeke so a yeke te lengo ni si yaka ni ayeke ga mbeni gbako.

Ésaïe 33:9

Sese ni ayeke na mua, ayeke hole holengo. Agbako ti Liban ahole kue si kamene ahon ndö ti ala. Lando ti Saron ahole kasakasa. Ahoto ti Bashan na ti Karmel, akeke ayeke daa mbeni pepe.

Ésaïe 35:10

Azo so KOTA GBIA ayeke zi ande ala, ala yeke mu lege ni so ti kiri. Na singo ti ala na *Sion, ala yeke dekongo na ngia. Ngia so ayeke hunzi laoko pepe, ayeke su na ndö ti le ti ala. Ngia so ahon ndoni ayeke si be ti ala singo, pasi na demango tere ayeke hon.

Ésaïe 40:5

Tongaso, fade gonda ti KOTA GBIA ayeke sigigi polele si azo ti sese kue ayeke baa ni. Tënë so asigigi na yanga ti KOTA GBA laa.”

Ésaïe 40:9

Mo gbata ti *Sion, mo so mo yeke ga na nzoni tënë, mo ma na li ti kota hoto. Mo Jérusalem, mo so mo yeke ga na nzoni tënë, mo yo go ti mo na nduzu na ngangu ti mo kue. Mo yo go ti mo na nduzu, sara mbeto pepe. Tene na agbata ti Juda: “Baa, Nzapa ti ala laa!

Ésaïe 41:19

Na benyama, fade mbi yeke lu mara ti akeke nde nde, akota ni na akete ni. Ando so ngu ayeke daa pepe, mbi yeke lu na ndo oko mara ti akeke nde nde.

Ésaïe 49:13

Yayu, he bia na ngia! Sese, dodo na ngia! Ahoto, ala dekongo na ngia! Biani, KOTA GBIA asara si be ti azo ti lo akiri ade, lo baa mawa ti azo so ayeke baa pasi.

Ésaïe 6:3

Ala yeke dekongo na amba ti ala, atene: “*KOTA GBIA ayeke nde, lo yeke nde, lo yeke nde si lo yeke nzoni kue, KOTA GBIA so ayeke na ndö ti dunia kue so! Ndö ti sese kue asi singo na gonda ti lo!”

Ésaïe 60:13

Apendere keke so ayeke mu gonda na gbako ti Liban, akeke nde nde ti sarango na da a yeke ga na ndo ti mo; ayeke sara si ya ti kota da ti mbi so ayeke nde si ayeke nzoni kue aga pendere. Mbi yeke sara si ndo so mbi zia gere ti mbi daa awara gonda.

Ésaïe 60:19

Fadeso, na kota lâ, sungo ti lâ laa ayeke kiri ti mu lumiere na mo pepe, na bi, sungo ti nze laa ayeke kiri ti mu lumiere na mo pepe. Me mbi KOTA GBIA, Nzapa ti mo laa, mbi yeke ga lumiere ti mo lakue lakue. Vurungo ndo ti mbi ayeke su na ndö ti mo.

Ésaïe 60:21

Azo ti mo, ala kue ayeke duti azo ti mbirimbiri, sese ni ayeke ga ye ti ala kpu na kpu. Ala kpa kete keke so mbi lu; ala yeke azo so mbi wani, mbi sara ala na maboko ti mbi titene ala fa gonda ti mbi.

Ésaïe 61:3

Ala yeke na mua ndali ti *Sion, me Nzapa atokua mbi ti zia na li ti ala ye ti pendere na plase ti mburu ti wâ; ti kpaka na tere ti ala mafuta so afa ngia ti ala, me afa mua pepe; ti yu na ala bongo ti matanga na plase ti be so awoko. Tongaso, a yeke haka ala na akeke so afa mbirimbiri ti Nzapa, a yeke haka ala na yaka so afa gonda ti KOTA GBIA.

Ésaïe 66:10

Ala so kue aye Jérusalem, ala na lo aduti na ngia, ala dodo na ngia ndali ti lo. Ala so kue lani asara mua ndali ti ye ti vundu so asi na lo, ayeke nzoni be ti ala asi singo na ngia ndali ti lo.

Ésaïe 66:14

Tongana ala baa ande ye ni, fade be ti ala ayeke duti na ngia, tere ti ala ayeke kiri ti wara ngangu tongana fini pere na peko ti ngu-Nzapa.” Fade KOTA GBIA ayeke sara ye na ngangu ndali ti azo ti kua ti lo, me lo yeke fa ngonzo ti lo na awato ti lo.

Osée 14:5

KOTA GBIA atene: “Fade mbi yeke zi nzara ti kengo mbi so ayeke na be ti ala so; mbi yeke ye ala na be ti mbi kue, ngbanga ti so ngonzo ti mbi akai na tere ti ala awe.

Habakuk 2:14

Biani, fade azo ayeke hinga gonda ti KOTA GBIA si gonda ni ayeke si singo na ndö ti sese tongana ti so ngu asi singo na ya ti kota ngu-ingo.

Zakarii 10:7

Azo ti mara ti Efraim ayeke duti na ngangu tongana angangu zo ti bira; be ti ala ayeke si singo na ngia tongana ti zo so anyon vin. Na bango ala, tere ti amolenge ti ala ayeke nzere si ala yeke dodo na ngia ndali ti KOTA GBIA.

Jean 12:41

Ésaïe atene ando tënë so, ngbanga ti so lo baa gonda ti Jésus si lo tene tënë ti lo.

Jean 17:24

Babâ, mo laa mo mu ala na mbi. Mbi ye titene ala duti na mbi na ndo so mbi yeke daa si ala baa gonda so mo gonda na mbi, ngbanga ti so mo ye mbi kozo si dunia abaa gigi.

Awatokua 9:35

Azo ti Lida kue nga na azo ti lando ti Saron abaa lo si ala kiri na mbage ti *Kota Gbia.

Rome 10:15

Fade azo ayeke fa tënë ni tongana nyen so a tokua ala pepe so? Mbeti ti Nzapa atene nga: “So ayeke nzoni ye mingi ti baa azo so aga ti fa anzoni tënë!”

Rome 15:10

Mbeti ti Nzapa akiri atene: “Ala amara nde, ala na azo ti Nzapa, ala sara ngia!”

2 Korente 3:18

E so kue a zi bongo ni na le ti e awe, azo ayeke baa gonda ti Kota Gbia na ndö ti le ti e tongana ti so zo ayeke baa ye na ya ti tatara. Yingo ti Kota Gbia ayeke sara titene e ga nde, e kpa Kota Gbia si gonda ti e ayeke gue guengo lakue na nduzu.

2 Korente 4:6

Nzapa so atene ando, atene: “Ayeke nzoni lumiere aza na ya ti vukongo ndo”, lo wani laa lo za na be ti e titene le ti e azi si e hinga gonda ti lo so ayeke za na ndö ti le ti Christ.

Josué 19:26

Alamelek, Amad na Mishal. Na mbage ti Do, katikati ni ahon na tere ti hoto ti Karmel si amu tere ti ngu ti Shihor-Libnat ti gue na ni.

Aye so Nzapa afa 21:23

Gbata ni aku titene lâ wala nze asu na ya ni pepe, ngbanga ti so gonda ti Nzapa ayeke su na ya ni si Molenge ti Taba ayeke sara titene ndo ni avuru.