Ésaïe 34:9 - Mbeti ti Nzapa - Tënë so amu fini

⁹ Angu ti Edom ayeke ga angu ti gudron, sese ti lo ayeke ga *sufre. Kodro ni ayeke ga gudron so ayeke gbi.

Ésaïe 34:9 ပူးပေါင်းရင်းမြစ်များ

Tongo nda ti aye 19:28

Lo baa ndo na mbage ti Sodome na Gomore nga na mbage ti lando ni. Lo baa so guru ti wâ alondo na sese si ayeke gue na nduzu tongana guru ti kota wâ.

Mbeti ti Job 18:15

Da ti lo ayeke ti lo mbeni pepe; mbeni zo nde alingbi ti lango daa. Ye so ayeke ti lo, fade a yeke tuku *sufre na ndö ni.

Abia (Psaumes) 11:6

Lo yeke sara si ale ti wâ na *sufre atuku na ndö ti azo ti sioni tongana ngu-Nzapa si pupu ti wâ aga agbi ala. Ye so ayeke ku ala so laa!

Ésaïe 30:33

A leke gba ti keke ti wâ kozoni awe; keke ni ayeke nga ndali ti gbia. Na ya ti du so akono si alinda mingi, a zia gba ti akeke angoro na ni ti tingo na wâ. Tongaso, pupu ti yanga ti KOTA GBIA so ayeke tongana *sufre so ayeke sua ayeke bi wâ daa.

Jérémie 49:13

Mbi KOTA GBIA, mbi deba na iri ti mbi wani: Fade Bosra, li-kodro ti mo ayeke ga ngonda, ye ti hengo na ngia, ndo ti gba ti atêne; ayeke ga nga tapande ndali ti azo so ayeke deba amba ti ala. Agbata so ayeke na tere ni ayeke ga ndo ti gba ti atêne kpu na kpu.” So tënë ti yanga ti KOTA GBIA laa.

Nzoni Tënë so Luc asu na mbeti 17:29

Me na lango so Lot asigigi na Sodome, Nzapa atokua wâ na *sufre na ndö ti ala tongana ngu so ayeke pika si afâ ala kue.

Ndia ti fani use ni 29:23

Fade amara kue ayeke hunda ndo, atene: “Ngbanga ti nyen si KOTA GBIA asara ye na kodro so tongaso? Ngbanga ti nyen si kota ngonzo ti lo alondo tongaso?”

Jude 1:7

Ala dabe ti ala na azo ti agbata ti Sodome na Gomore nga na ambeni kodro so ayeke na tere ni: azo ni asara asioni ye tongana ti a-ange so, ala mu be ti ala kue ti sara gi aye ti ndumba, ala sara asioni ye so akpa titene zo asara pepe. Fadeso ala yeke baa pasi na ya ti wâ so ayeke gbi lakue lakue; ala ga tapande ndali ti azo kue.

Aye so Nzapa afa 19:20

A gbu nyama ni na wayanga-nzapa ti mvene so asara aye ti kpene na dawa ti lo so. Na lege ti aye ti kpene laa lo wara lege ti handa azo so awara nzoroko ti nyama ni si avoro limo so akpa nyama ni so. A mu ala use kue si a bi ala na fini le ti ala na le ti kota wâ ti *sufre.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”