Ésaïe 34:7 - Mbeti ti Nzapa - Tënë so amu fini

⁷ Gi na oko ndembe ni, angbä ayeke ti, akete bagara na akoli-bagara ayeke ti na sese. Sese anyon mene si aga tongana zo so samba ahon ndö ti lo, mafuta amu ndö ti sese kue.

Ésaïe 34:7 ပူးပေါင်းရင်းမြစ်များ

Abia (Psaumes) 22:21

Mo soo mbi na ya ti kuâ ti ngangu, mo zi mbi na gbe ti maboko ti ambo!

Abia (Psaumes) 68:30

Na bango kota da ti mo so ayeke na ndö ti Jérusalem, fade agbia ayeke ga na mo akadoo.

Abia (Psaumes) 92:10

KOTA GBIA, baa awato ti mo; baa, fade awato ti mo ayeke kui si azo ti sarango sioni kue ayeke kangbi kirikiri.

Ésaïe 63:6

Na ya ti ngonzo ti mbi, mbi nika azo; na ya ti sioni ngonzo ti mbi, mbi sara si li ti ala aga kirikiri tongana ti zo so anyon samba ahon ndö ti lo. Mbi tuku mene ti ala na sese.”

Jérémie 25:34

Ala azo ti li ti kodro, ala dema tere, ala dekongo! Ala awabatango-taba, ala rule tere ti ala na sese! Biani, lango ti fango ala alingbi awe. Fade a yeke kangbi ala kirikiri si ala yeke ti na sese tongana ta ti ngangu ngere.

Jérémie 46:21

Aturugu ti kodro wande so Ezipte afuta ala, ala yeke tongana abagara ti mafuta. Ala nga, ala zia peko ti ala na amba ti ala awe, ala kue, ala kpe legeoko. Ala gbu le ni pepe na lango so ye ti vundu ayeke ga na ndö ti ala, na ndembe so mbi yeke ga na tere ti ala.

Jérémie 50:11

Nzoni ma! Ala sara ngia, ala dodo na ngia, ala so abuba kodro so ayeke ando ti mbi so! Ala huru tongana kete bagara na ya ti fini pere! Ala toto tongana akoli-mbarata!

Jérémie 50:27

Ala fâ angangu turugu ti lo kue, ala gue na aturugu ni na ndo ti fango azo! So ye ti mawa na aturugu ni! Biani, lango ni alingbi awe, ndembe so KOTA GBIA ayeke ga na tere ti ala!

Ezekiel 32:6

Mbi yeke tuku mene ti mo na ndö ti sese; mene ni ayeke mu ndö ti ahoto si ayeke si singo na ya ti adu so ngu ayeke sua daa.

Ezekiel 39:17

“Ti mo molenge ti zo”, tënë so Kota Gbia NZAPA atene ayeke so: Tene na andeke na aye so kue ayeke huru na le ti nduzu, na anyama ti ngonda, mo tene: Ala londo na ando nde nde, ala bongbi tere ti ala, ala ga na *sandaga so mbi yeke mu ndali ti ala. Sandaga ni ayeke kota sandaga so mbi yeke mu ni na ndö ti ahoto ti Israel. Fade ala yeke te kasa si ala yeke nyon mene.

Ezekiel 39:18

Ala yeke te kasa ti angangu zo ti bira, ala yeke nyon mene ti amakonzi ti dunia; a mu ala na sandaga na plase ti akoli-taba, akete taba, akoli-ngasa nga na akoli-bagara ti mafuta ti Bashan.

Wungo ti azo 23:22

Nzapa asara si ala sigigi na kodro ti Ezipte; lo yeke na kota ngangu tongana ti ngbä.

Wungo ti azo 24:8

Nzapa asara si azo ti Israel asigigi na Ezipte; lo yeke na kota ngangu tongana ti ngbä. Ala yeke sara sana na amara so asara bira na ala, ala yeke kungbi abio ti awato ti ala, ala yeke koro awato ni na ale ti kokora.

Ndia ti fani use ni 33:17

Ayeke nzoni azo agonda Joseph! Lo yeke tongana kozo molenge ti koli-bagara. Adidi ti lo use ayeke ngangu tongana ti ngbä; lo yeke pika amara na ni, lo pusu ala ngbii lo si na ala na nda ti sese. Didi oko ayeke gba ti azo ti mara ti Efraim; mbeni didi ni ayeke azo ti mara ti Manase so ayeke saki saki.”