Ésaïe 34:2 - Mbeti ti Nzapa - Tënë so amu fini

² Ngonzo ti *KOTA GBIA ayeke tuku na ndö ti amara kue, sioni ngonzo ti lo ayeke tuku na ndö ti aturugu ti ala kue. Lo zia ala titene a fâ ala, ahunzi ala, lo zia ala titene a fâ ala kue.

Ésaïe 34:2 ပူးပေါင်းရင်းမြစ်များ

Abia (Psaumes) 2:5

Na pekoni, lo tene tënë na ala na ngonzo, ngonzo ti lo ti wâ azia kota mbeto na be ti ala

Sigingo 8:14

Azo ti mazi ti Ezipte aye nga ti sara angungu na lege ti mazi ti ala, me ala ha gbaa. Angungu ni angba na ndö ti azo nga na anyama.

Ésaïe 10:5

*KOTA GBIA atene: “Mawa na Asirii! Lo yeke tongana nduru keke ti ngonzo ti mbi; tongana lo gbu keke so na maboko ti lo, andaa sioni ngonzo ti mbi laa.

Ésaïe 13:5

Aturugu ni alondo na kodro yongoro si aga, ala londo yongoro kâ na nda ti sese. KOTA GBIA na azo so ayeke fa ngonzo ti lo ayeke ga ti buba kodro ni kue.

Ésaïe 13:6

Ala dekongo na vundu maa! *Lango ti KOTA GBIA aga nduru awe; lango ni ayeke tongana mbeni kota kpale so ayeke buba ndo kue; kpale ni alondo na lo so ngangu ti lo ahon angangu kue.

Ésaïe 26:20

Azo ti mbi, ala gue na da ti ala, ala kanga yanga ti da ni na li ti ala. Ala honde tere ti ala na ya ti kete ngoi ngbii ngonzo ti KOTA GBIA ahon si.

Ésaïe 30:25

Na lango so a yeke fâ azo kue, na ndembe so ada so ayo na nduzu mingi ayeke tuku na sese, gba ti ngu ayeke sua na ndö ti akota hoto nga na ndö ti akete hoto kue.

Ésaïe 61:2

Lo tokua mbi ti tene na azo, atene: so ayeke ngu so KOTA GBIA ayeke sara nzoni be na ala; so ayeke lango so Nzapa ti e ayeke kiri peko ti sioni na awato ti lo. Lo tokua mbi ti de be ti azo so kue ayeke na vundu.

Ésaïe 63:6

Na ya ti ngonzo ti mbi, mbi nika azo; na ya ti sioni ngonzo ti mbi, mbi sara si li ti ala aga kirikiri tongana ti zo so anyon samba ahon ndö ti lo. Mbi tuku mene ti ala na sese.”

Ésaïe 65:12

mbi diko ala titene ala kui kuâ ti yongoro zeme. Ala kue, fade ala yeke kuku na sese si a yeke fâ go ti ala. Biani, mbi iri ndo, ala yeda pepe; mbi tene tënë, ala ma pepe, ala sara ye so ayeke sioni na le ti mbi; ala soro ye so anzere na be ti mbi pepe.

Ésaïe 66:14

Tongana ala baa ande ye ni, fade be ti ala ayeke duti na ngia, tere ti ala ayeke kiri ti wara ngangu tongana fini pere na peko ti ngu-Nzapa.” Fade KOTA GBIA ayeke sara ye na ngangu ndali ti azo ti kua ti lo, me lo yeke fa ngonzo ti lo na awato ti lo.

Ésaïe 66:16

KOTA GBIA ayeke ga ti fâ ngbanga ti azo na lege ti wâ nga na lege ti yongoro zeme. Azo mingi ayeke kui.

Jérémie 25:31

Totongo ti lo ni asi na nda ti sese kue. KOTA GBIA ayeke na ngbanga na amara nde, lo iri azo kue ti ga na ya ti ngbanga ti lo. Ti azo so ngbanga ati na li ti ala, lo yeke zia ala titene a fâ ala na yongoro zeme; so tënë ti yanga ti KOTA GBIA laa.”

Jérémie 25:32

Tënë so KOTA GBIA so ayeke na ndö ti dunia kue atene ayeke so: “Kota kpale alondo na mbeni mara asi na mbeni mara, ngangu pupu ti ngu-Nzapa alondo na nda ti sese kâ si ayeke ya.”

Jérémie 25:33

Na lango ni so, azo so KOTA GBIA afâ ala, kuâ ti ala ayeke lango na sese, ti londo na yanga ti sese asi na mbeni yanga ni; a yeke toto kuâ ti azo ni pepe; a yeke ro akuâ ti ala pepe, a yeke lu ni pepe. Akuâ ni ayeke ga tongana puru na ndö ti sese.

Ezekiel 36:5

tënë so mbi Kota Gbia NZAPA, mbi tene ayeke so: Mbi deba yanga ti mbi! Na lege ti ngonzo ti mbi so alondo tongana wâ, mbi tene tënë so na tere ti amara nde nga na tere ti Edom kue, ngbanga ti so ala mu sese ti mbi ti ga ye ti ala. Be ti ala asi singo lani na ngia, ala baa kodro ti mbi tongana mbumbuse ye si ala nzi ando so anyama ayeke te pere daa.

Sofonii 3:8

So tënë ti yanga ti KOTA GBIA laa: Ala ku mbi! Ala ku lango so mbi yeke ga ti sigigi na nda ti ala. Mbi leke na be ti mbi ti bongbi amara kue, ti bongbi akodro ti agbia kue, ti fâ ngbanga na li ti azo ni, ti tuku ngonzo ti mbi ti wâ na ndö ti ala. Biani, mbanda ti mbi so ayeke londo tongana wâ ayeke gbi sese kue.”

Zakarii 14:3

Na pekoni, fade KOTA GBIA ayeke londo ti tiri bira na amara so; lo yeke tiri na ala tongana ti so lo yeke sara lakue na ngoi ti bira.

Rome 1:18

Ngonzo ti Nzapa alondo na yayu si lo fa ni na azo ndali ti siokpari ti ala nga ndali ti asioni ye so kue ala sara. Na lege ti asioni ye so ala yeke sara, ala kanga lege na taa-tënë.

Josué 11:20

Biani, KOTA GBIA asara titene be ti azo ti kodro ni akpengba si ala ngba gi ti tiri bira na azo ti Israel. Tongaso si azo ti Israel abaa mawa ti ala pepe, ala fâ azo ni kue, ahunzi ala tongana ti so *KOTA GBIA amu yanga na Moïse.

Aye so Nzapa afa 20:15

Tongana a wara iri ti mbeni zo na ya ti mbeti ni pepe, so ti tene mbeti so a su iri ti azo so ayeke na taa fini daa, a yeke bi lo na le ti kota wâ ni.

Aye so Nzapa afa 20:9

Ala yeke mu ndö ti sese kue si ala yeke ngoro tere ti gbagba so azo ti Nzapa ayeke daa nga na gbata so Nzapa aye ni mingi so. Me mbeni wâ alondo na nduzu, ati si agbi ala kue.