Ésaïe 34:11 - Mbeti ti Nzapa - Tënë so amu fini

¹¹ Kodro ni ayeke ga ti andeke ti bi na ti abelu; akete ndeke ti bi na *akpakpo ayeke lango daa. KOTA GBIA ayeke gboto kamba ti haka na ni si lo yeke buba ni; lo yeke haka ni, ayeke ga senge, ye oko ayeke daa pepe.

Ésaïe 34:11 ပူးပေါင်းရင်းမြစ်များ

2 Samuel 8:2

Lo hon nga ndö ti azo ti Moab na bira, lo zia ala, ala lango na sese, lo diko ala si na popo ti azo ota, lo fâ azo use si lo zia oko; lo sara gi tongaso ngbii asi na ndani. Nilaa azo ti Moab aga azo ti gbe ti David si ala yeke futa lapo na lo.

2 Agbia 21:13

Fade mbi yeke buba gbata ti Jérusalem tongana ti so mbi buba ando gbata ti Samarii kue si mbi fâ azo ti sewa ti Akab kue so. Mbi yeke sara titene Jérusalem aga tongana sembe so zo asu ya ni si akuku ni na sese.

Abia (Psaumes) 102:6

Ndali ti demango tere ti mbi, mbi nge, abio ti mbi kue na gigi.

Ésaïe 14:23

Fade mbi yeke sara titene Babilone aga ndo ti potopoto, ndo so abelu ayeke lango daa. Mbi yeke zi Babilone na balee so ayeke zi azende kue. So tënë ti yanga ti KOTA GBIA so ayeke na ndö ti dunia kue laa.”

Ésaïe 24:10

Gbata so abuba kue so ati awe, lege ti li na ya ti ada ayeke daa mbeni pepe.

Ésaïe 34:17

Lo laa lo bi mbeni ye ndali ti ala oko oko, lo mu kamba ti hakango na ye ti kangbi sese na ala. Sese ni ayeke ga ti ala kpu na kpu, ala yeke duti daa ngu na ngu.

Abia ti demango tere 2:8

KOTA GBIA aleke na be ti lo ti kungbi kota gbagba ti bira ti azo ti Sion kue na sese. Lo gboto kamba na sese ti haka na ni; maboko ti lo ayeke ngba daa ngbii lo kungbi ni kue na sese si. Lo sara si ngangu gbagba ni na senge gbagba ni ati kue awe; so mawa! Ala use kue abuba gi legeoko.

Awayango-sandaga 11:16

*naamo, shuete, muete, na mara ti andeke nde nde ti gbungo kondo,

Amos 7:8

KOTA GBIA ahunda mbi, atene: “Amos, nyen laa mo baa, nyen?” Mbi kiri tënë: “Mbi baa kamba ti mason.” KOTA GBIA akiri atene: “Mbi ga ti zia kamba ni na popo ti azo ti Israel, azo ti mbi, ti baa wala ala luti mbirimbiri. Mbi yeke kiri ti kanga le na ndö ti sioni ti ala mbeni pepe.”

Sofonii 2:14

Gi anyama ti kodro na mara ti anyama nde nde laa ayeke lango na ya ni; andeke ti bi na abelu ayeke lango na go ti ada, toto ti andeke ayeke sigigi na le ti afenetere. Taa gi na yanga ti ada ni, gi aye so abuba awe, akeke ti sedre so a leke na ada ni angba senge.

Aye so Nzapa afa 18:2

Lo dekongo ngangu, lo tene: “Lo ti awe! Babilone, kota gbata ati awe! Lo ga fadeso ndo ti duti ti asioni yingo, ti ayingo ti kirikiri; lo ga ndo ti hondengo tere ti asioni ndeke kue nga na andeke so azo ake ala.