Ésaïe 34:10 - Mbeti ti Nzapa - Tënë so amu fini

¹⁰ Na bi wala na kota lâ, gudron ni ayeke mingo pepe. Guru ti wâ ayeke londo daa lakue lakue. Ngu na ngu, kodro ni ayeke ngba benyama, zo oko ayeke kiri ti hon na ya ni pepe.

Ésaïe 34:10 ပူးပေါင်းရင်းမြစ်များ

Ésaïe 1:31

Zo ti ngangu ayeke ga tongana holengo pere, kua ti lo ayeke ga tongana akete kete le ti wâ; zo ni na kua ti lo kue, wâ ayeke gbi ala kue legeoko, zo oko ti mingo ni ayeke daa pepe.

Ésaïe 13:20

Zo ayeke kiri ti lango na gbata ti Babilone pepe; ngu na ngu, zo ayeke kiri ti duti daa pepe. Ataa azo ti tambulango ka na benyama, ala yeke kiri ti sara ada ti ala ti bongo kâ pepe; ataa azo ti batango nyama, ala yeke sara si anyama ti ala alango kâ pepe.

Ésaïe 24:1

*KOTA GBIA ayeke buba sese kue, lo yeke buba aye ti ndö ni kue. Lo yeke sara titene aye ti ndö ti sese asanze, lo yeke kangbi azo ti ndö ti sese ni kirikiri.

Ésaïe 34:17

Lo laa lo bi mbeni ye ndali ti ala oko oko, lo mu kamba ti hakango na ye ti kangbi sese na ala. Sese ni ayeke ga ti ala kpu na kpu, ala yeke duti daa ngu na ngu.

Ésaïe 66:24

Na sigingo ti ala, fade ala lingbi ti baa kuâ ti azo so atomboka na tere ti mbi. Angusu so ayeke te ala ayeke kui pepe; wâ so ayeke gbi ala ayeke mingo pepe. Ala yeke ga ye so ayeke sioni mingi ndali ti azo kue.

Jérémie 49:18

KOTA GBIA atene: Fade kota kpale ni ayeke duti legeoko tongana ti so asi na Sodome na Gomore, nga na agbata so ayeke na tere ni. Zo ayeke kiri ti duti na ya ti kodro ni pepe, a yeke kiri ti baa le ti zo oko na ya ni pepe.”

Jérémie 7:20

Ndani laa, tënë so Kota Gbia NZAPA atene ayeke so: “Fade mbi yeke tuku ngonzo ti mbi ti wâ na ndö ti gbata so, na ndö ti azo na anyama, na ndö ti akeke nde nde ti yaka na ale ti kobe so asigigi na sese. Ngonzo ti mbi ayeke duti tongana wâ so ayeke mingo pepe.”

Ezekiel 29:11

Gere ti zo oko ayeke kiri ti do ndo ni pepe; gere ti nyama oko ayeke kiri ti do ndo ni pepe. Na ya ti ngu baleosio, ye oko ayeke duti kâ pepe.

Nahum 2:10

Ala azo, ala nzi nginza na lôro ahon na ni! Amosoro asi singo na ya ti gbata ni, apendere ye ayeke daa gbani gbani.

Aye so Nzapa afa 18:18

ala luti yongoro si na bango gbata ni so ayeke gbi si guru ni ayeke sigigi so, ala dekongo, atene: “Ae, azo! Gbata wa laa alingbi fade na Babilone, kota gbata so?”

Aye so Nzapa afa 19:3

Ala kiri atene: “Aleluya! Wâ so agbi kota gbata ni, guru ni ayeke sigigi kpu na kpu!”