Ésaïe 33:9 - Mbeti ti Nzapa - Tënë so amu fini

⁹ Sese ni ayeke na mua, ayeke hole holengo. Agbako ti Liban ahole kue si kamene ahon ndö ti ala. Lando ti Saron ahole kasakasa. Ahoto ti Bashan na ti Karmel, akeke ayeke daa mbeni pepe.

Ésaïe 33:9 ပူးပေါင်းရင်းမြစ်များ

Mbeti ti Job 15:33

Lo yeke tongana keke ti vinye so ale ni ade ti be pepe si atuku na sese; lo yeke tongana keke ti olive so akongo ni atuku na sese.

B. ti abia 2:1

Mbi yeke kongo ti Saron mbi yeke pendere kongo ti apopo-hoto.

Ésaïe 10:34

Akeke ti gbako ati na gbe ti do ti lo, apendere keke ti Liban ati.

Ésaïe 14:8

Ataa akeke ti sipre ayeke na ngia ndali ti tingo ti lo, akeke ti sedre ti Liban atene: “Ngbene ye so mo yeke na du ti kuâ so, zo ti dengo e na sese ayeke daa mbeni pepe!”

Ésaïe 2:13

Lo yeke fâ ngbanga na li ti akeke ti sedre ti Liban so ayo na nduzu mingi nga na akeke ti shene ti Bashan.

Ésaïe 24:1

*KOTA GBIA ayeke buba sese kue, lo yeke buba aye ti ndö ni kue. Lo yeke sara titene aye ti ndö ti sese asanze, lo yeke kangbi azo ti ndö ti sese ni kirikiri.

Ésaïe 29:2

me mbi KOTA GBIA, mbi yeke nika mo, Ariel. Fade demango tere na dema ayeke hon ndö ti mo si mo yeke ga tongana duke, ndo so a yeke gbi asandaga daa ndali ti mbi.

Ésaïe 3:26

Na ya ti gbata ni kue, gi demango tere na totongo akuâ. Gbata ni aga tongana wali so aye ti lo kue agirisa si lo yeke duti na sese.

Ésaïe 35:2

Ayeke nzoni akongo ni amu ndö ti sese ni. Ayeke nzoni sese ni ahuru na ngia, lo dodo na ngia si lo dekongo na ngia! *KOTA GBIA amu na lo pendere ti hoto ti Liban awe, zango ti hoto ti Karmel na ti lando ti Saron. Tongaso, azo ayeke baa gonda ti KOTA GBIA, ala yeke baa nga zango ti Nzapa ti e.

Ésaïe 37:24

Na lege ti azo ti kua ti mo, mo zonga mbi, Kota Gbia. Mo tene: ‘Mbi Senakerib, na gba ti apusu ti mbarata ti mbi, mbi gue na li ti akota hoto, mbi gue ngbii mbi si taa na ya ti gbako ti Liban. Mbi de ayongoro keke ti sedre ti gbako ni; mbi de apendere keke ti sipre ti gbako ni. Mbi si taa na li ti ahoto ni kâ; na ndo so akeke asi singo daa.

Ésaïe 65:10

Ti azo ti mbi so agi mbi, fade lando ti Saron ayeke ga ndo ti tengo kobe ti ataba na ti angasa; popo-hoto ti Akor ayeke ga ndo ti lango ti abagara.

Jérémie 50:19

Me ti Israel, mbi yeke sara titene lo kiri na ndo ti tengo pere ti lo. Fade lo yeke wara kobe ti lo ti tengo ni na ndö ti hoto ti Karmel nga na ti Bashan; na sese ti ahoto ti Efraim nga na sese ti Galaad, lo yeke te ye, ya ti lo asi.

Osée 4:3

Ndani laa fade ndo ayeke hole kue na ya ti kodro ni, azo ti kodro ni kue ayeke nge ngengo, ala, na anyama ti ngonda na andeke ti nduzu; ataa asusu ti kota ngu-ingo ayeke hunzi kue.

Amos 1:2

Amos atene: “Ti londo na hoto ti *Sion, KOTA GBIA ayeke toto tongana bamara; ti londo na Jérusalem, lo dekongo ngangu. Apere ti awabatango-nyama ahole kue awe, ndö ti hoto ti Karmel ahole kasakasa.”

Mishe 7:14

KOTA GBIA, na keke ti mo, mo fa lege na azo ti mo tongana ti so wabatango-taba ayeke fa lege na ataba ti lo. Azo ni aga ye ti mo awe. Fadeso ala yeke duti gi ala oko na ya ti ngonda, me anzoni sese so akeke ayeke sigigi daa pendere angoro tere ni kue. Gue na azo ti mo na nzoni sese ti Bashan na ti Galaad, tongana ti so mo sara ando.

Nahum 1:4

Lo suku na kota ngu-ingo si kota ngu-ingo ni ahole; lo sara titene *abale kue ahole. Tongaso apere so ayeke na sese ti Bashan na akeke ti hoto ti Karmel ahole; akongo ti pere ti hoto ti Liban ahole.

Awatokua 9:35

Azo ti Lida kue nga na azo ti lando ti Saron abaa lo si ala kiri na mbage ti *Kota Gbia.

Ndia ti fani use ni 3:4

Na pekoni, e mu agbata ti lo kue; mbeni oko ti kara e ayeke daa pepe: agbata baleomene ti sese ti Argob, na sese ti Bashan, ndo so Og ayeke le-gbia lani daa.