Ésaïe 33:6 - Mbeti ti Nzapa - Tënë so amu fini

⁶ Ti ala azo ti KOTA GBIA, na ya ti fini ti ala, mbeni ye ti sioni alingbi ti si na ala pepe. Dutingo na ndara na hingango Nzapa ayeke nzoni ye so ayeke soo ala; kpengo mbeto ti KOTA GBIA, so mosoro ti ala laa!

Ésaïe 33:6 ပူးပေါင်းရင်းမြစ်များ

2 Agbia 18:7

Nilaa KOTA GBIA ayeke na lo si aye so kue lo yeke sara aga nzoni. Lo tomboka na tere ti gbia ti Asirii si lo ke ti duti na gbe ti lo.

Mbeti ti Job 4:6

Mo so mo yeke kpe lani mbeto ti Nzapa so, mo lingbi ti zia be ti mo na ndö ti lo pepe? Mo so mo yeke sara lani ye na legeni so, mo lingbi ti zia be ti mo ti ku Nzapa pepe?

Abia (Psaumes) 140:7

Mbi tene na KOTA GBIA, mbi tene: “Mo yeke Nzapa ti mbi. KOTA GBIA, dingi mê ti mo, mo ma toto ti mbi.

Abia (Psaumes) 28:8

KOTA GBIA ayeke ngangu ti azo ti lo; lo yeke tongana gbagba ti bira so ayeke soo zo ti lo so lo zia lo gbia.

Abia (Psaumes) 45:4

Mo, ngangu zo ti bira, kanga yongoro zeme ti mo na ngbonda ti mo; so laa afa gonda ti mo na nengo ti mo ti gbia.

Amato 14:24

Mosoro ayeke nzoni ye so azo ti ndara ayeke wara; me ye ti buba ti azo ti buba ayeke gi ye ti buba.

Amato 14:26

Zo so ayeke kpe mbeto ti KOTA GBIA, sioni ye oko ayeke si na lo pepe; KOTA GBIA ayeke ndo ti batango tere ti amolenge ti lo.

Amato 14:27

Kpengo mbeto ti KOTA GBIA ayeke tongana li ti ngu so ayeke mu fini na zo; ayeke sara si zo akpe aye ti sioni so aye ti gbu lo tongana kuku si ayeke fâ lo.

Amato 15:16

Kete ye so zo ayeke na ni si lo kpe mbeto ti KOTA GBIA, so laa ayeke nzoni ahon gba ti mosoro so gingo be mingi ayeke daa.

Amato 19:23

Kpengo mbeto ti KOTA GBIA asara si zo aduti na fini; zo so asara ni, fini ti lo ayeke si singo na anzoni ye si sioni ye oko ayeke si na lo pepe.

Amato 2:5

Tongana mo sara tongaso, fade mo yeke hinga nda ti kpengo mbeto ti KOTA GBIA, mo yeke wara lege ti hinga Nzapa.

Amato 28:2

Tongana wusuwusu ayeke na ya ti kodro, amakonzi ayeke daa mingi; me tongana gbia ti kodro ayeke zo ti hingango ye si lo yeke na ndara, fade kodro ni ayeke duti kpoo si aluti mbirimbiri.

Amato 29:4

Gbia so asara ye na lege ti mbirimbiri, ye ayeke ga nzoni na ya ti kodro; me lo so lo hunda lapo ahon ndoni, lo yeke buba kodro.

Zo ti bongbingo azo 7:12

Ndara ayeke bata zo tongana ti so nginza ayeke bata zo. Ndara asara si gigi ti zo ague, ayo, nilaa ayeke nzoni, zo aduti na ndara.

Zo ti bongbingo azo 7:19

Ndara ayeke sara si zo ti ndara ayeke na ngangu mingi ahon amakonzi baleoko so ayeke na ya ti mbeni gbata.

Ésaïe 11:9

Na ndö ti hoto so kue ayeke nde si ayeke nzoni kue, fade sioni ye na buba ye ayeke duti daa pepe, ngbanga ti so hingango KOTA GBIA ayeke si singo na ya ti kodro ni tongana ti so ngu asi singo na ya ti kota ngu-ingo.

Ésaïe 26:1

Na lango ni so, na kodro ti Juda, azo ayeke he bia so: “Gbata ti e ayeke ngangu gbata. *KOTA GBIA asara gbagba ti ya ni na gbagba ti use ni na tere ni ti bata na e.

Ésaïe 32:17

Sarango ye ti mbirimbiri ayeke du siriri, ayeke sara si azo aduti kpoo, mbeni ye ti sioni ayeke si na ala pepe kpu na kpu.

Ésaïe 32:18

Fade azo ti KOTA GBIA ayeke duti na ndo so siriri ayeke daa, na ya ti ada so zo alingbi ti zia be ti lo na ndö ni, na ndo so ayeke nzoni si ayeke kpoo.

Ésaïe 33:20

Mo baa *Sion, gbata so ando e yeke sara amatanga ti e daa, mo baa Jérusalem, ndo so azo ayeke duti daa kpoo; gbata ni ayeke ga tongana da ti bongo so ayeke kiri ti zi ni pepe, a yeke kiri ti gboto awen so a kpo ti gbu na da ni pepe, a yeke kiri ti zi akamba ni pepe.

Ésaïe 45:17

Me KOTA GBIA asoo azo ti Israel, lo soo ala ndali ti lakue lakue. Fade kamene ayeke sara ala pepe, kamene ayeke gbu le ti ala pepe lakue lakue, kpu na kpu.

Ésaïe 51:14

Zo ti kanga so ye ahon ndö ti lo, fafadeso, a yeke zi lo; lo yeke kui na ya ti sururu ti lo pepe, kobe ayeke kiri ti tia lo pepe.

Ésaïe 51:6

Ala yo le ti ala, ala baa ndo na yayu, na pekoni, ala baa ndo na sese: fade yayu ayeke hon tongana guru ti wâ, sese ayeke buba tongana gbagba bongo, azo ti ndö ti sese ni ayeke kui tongana avuma. Me zingo azo ayeke ngba kpu na kpu, songo azo so mbi yeke ga ti soo ala ayeke ngba lakue lakue.

Jérémie 31:34

Zo oko na popo ti ala ayeke kiri ti fa ye na mba ti lo wala na ita ti lo pepe, atene: ‘Ala hinga KOTA GBIA!’ Biani, ti londo na kete zo asi na kota zo, fade ala kue ayeke hinga mbi; so tënë ti yanga ti KOTA GBIA laa. Mbi yeke zi sioni ti ala, mbi yeke kiri ti dabe ti mbi na siokpari ti ala pepe.”

Habakuk 2:14

Biani, fade azo ayeke hinga gonda ti KOTA GBIA si gonda ni ayeke si singo na ndö ti sese tongana ti so ngu asi singo na ya ti kota ngu-ingo.

Matthieu 6:33

Ala gi lege ti *Kodro-gbia ti Nzapa kozoni, ala sara nga ye so ayeke mbirimbiri na le ti lo; fade lo yeke mu na ala tanga ti aye kue na ndö ni.

2 Korente 6:10

Azo azia vundu na be ti e, me e yeke lakue na ngia; azo abaa e tongana azo ti mawa, me e yeke sara titene azo mingi aga azo ti mosoro; azo abaa e tongana azo so ayeke na ye oko pepe, me e yeke na ye kue.

1 Timothée 4:8

Tarango tere na lege ti angia ti wanguru ayeke sara nzoni na zo gi kete; me gbungo tënë ti Nzapa ngangu ayeke sara nzoni na zo na ya ti aye kue. Biani, ndali ti zo so, zendo ti duti na fini laso nga na ngoi so ayeke ga gbanda ayeke daa.

1 Timothée 6:6

Taa-tënë, gbungo tënë ti Nzapa ngangu ayeke lege ti warango kota mosoro tongana zo azia be ti lo gi na ye so lo yeke na ni.