Ésaïe 33:4 - Mbeti ti Nzapa - Tënë so amu fini

⁴ Tongaso, azo ayeke ro aye na peko ti bira tongana ti so akete gbadola ayeke ro aye. Azo ayeke tuku na ndö ti aye ni tongana ti so agbadola ayeke tuku na ndö ti aye.

Ésaïe 33:4 ပူးပေါင်းရင်းမြစ်များ

2 Mbai 14:13

Azo ti Juda amu na lege ti bira agbata so kue ayeke na tere ti Gerar, ngbanga ti so mbeto ti KOTA GBIA asara azo ti agbata ni. Azo ti Juda agbu aye ti ya ti agbata ni, ngbanga ti so mosoro mingi ayeke kâ.

2 Mbai 20:25

Yosafat na azo ti lo aga agbu aye ti awato ti ala. Ala wara gba ti anyama, amosoro, abongo nga na apendere ye. Aye so ala gbu na peko ti bira ni ayeke mingi, nilaa ala mu lango ota ti gbu na aye ni. Ala lingbi ti gue na ni kue pepe, ngbanga ti so aye ni ahon ndoni.

Ésaïe 33:23

Akamba so a kanga na tere ti amangboko, a zi ni awe; akamba ni akiri agbu keke ti mangboko ni pepe; a yeke kiri ti gboto bendere ni na nduzu pepe. Ndani laa azo ayeke kangbi na popo ti ala gba ti aye so ala gbu na peko ti bira. Ataa azo ti bubango gere ayeke gue ti nzi aye.

Ésaïe 33:3

So azo ama wuluwulu ti mo, ala kpe; gi so mo londo, amara nde akangbi kirikiri.

Ésaïe 33:5

A ya iri ti KOTA GBIA, ngbanga ti so lo yeke duti na nduzu kâ. Lo sara si sarango ye na legeni na fango ngbanga ti mbirimbiri asi singo na ya ti Jérusalem kue.

Ezekiel 25:7

Ndali ni, fade mbi yeke yoro maboko ti pika ala, mbi yeke zia ala na maboko ti amara nde ti nzi aye ti ala kue, mbi yeke zi ala na popo ti azo, mbi yeke buba kodro ti ala biani biani si kodro ni akiri ti ngba pepe. Tongaso, fade ala yeke hinga atene, mbi laa mbi yeke KOTA GBIA.”

Joël 1:4

Ye so ngadi azia, kinda-gozo ate ni kue; ye so kinda-gozo azia, kete gbadola ate ni kue; ye so kete gbadola azia, kota gbadola ate ni kue.

Joël 2:25

KOTA GBIA atene: “Lani mbi tokua gba ti akete nyama ti bubango ye na tere ti ala si ala te akobe ti ala: angadi, akinda-gozo, akete gbadola na akota gbadola. Fadeso mbi yeke kiri na ala aye so anyama ni abuba na ya ti angu so ahon so.

Joël 2:3

Na dawa ti ala, wâ ayeke gbi ye kue, na peko ti ala, menga ti wâ ayeke gbi ye kue. Kozoni si ala ga, sese ayeke tongana yaka ti Eden; na peko ti ala, sese ni aga tongana benyama, ndo so ye kue abuba daa; mbeni ye so ala zia angba ayeke daa pepe.

Joël 2:9

Ala mu ya ti gbata kue, ala yeke kpe loro na ndö ti agbagba ti bira, ala yeke ko na li ti ada; ala yeke li na ya ti ada na le ti afenetere tongana azo ti nzi.