Ésaïe 33:23 - Mbeti ti Nzapa - Tënë so amu fini

²³ Akamba so a kanga na tere ti amangboko, a zi ni awe; akamba ni akiri agbu keke ti mangboko ni pepe; a yeke kiri ti gboto bendere ni na nduzu pepe. Ndani laa azo ayeke kangbi na popo ti ala gba ti aye so ala gbu na peko ti bira. Ataa azo ti bubango gere ayeke gue ti nzi aye.

Ésaïe 33:23 ပူးပေါင်းရင်းမြစ်များ

2 Agbia 7:16

Gi hio tongaso, azo ti gbata ti Samarii ague si ala nzi aye so ayeke na ya ti bâbâ ti azo ti Sirii. Azo avo kilo baleoko na use ti farini na le ti nginza oko wala kilo baleuse na osio ti *orze na le ti nginza oko alingbi na tënë ti *KOTA GBIA.

2 Agbia 7:8

Azo ti buruma ni ahon na ya ti bâbâ ni kue, ala li na ya ti mbeni da ti bongo. Kâ, ala te, ala nyon. Na pekoni, ala mu nginza, lôro na abongo, ala gue, ahonde ni. Ala kiri ali na ya ti mbeni da ti bongo nde. Aye so ayeke na ya ti da ni, ala mu, ague, ahonde ni.

2 Mbai 20:25

Yosafat na azo ti lo aga agbu aye ti awato ti ala. Ala wara gba ti anyama, amosoro, abongo nga na apendere ye. Aye so ala gbu na peko ti bira ni ayeke mingi, nilaa ala mu lango ota ti gbu na aye ni. Ala lingbi ti gue na ni kue pepe, ngbanga ti so aye ni ahon ndoni.

Abia (Psaumes) 68:12

Kota Gbia amu yanga si gba ti awali ahon na nzoni sango so:

Abia (Psaumes) 68:13

“Agbia na aturugu ti awato ayeke kpe, ayeke kpe! Awali so angba na yanga ti da ayeke kangbi na popo ti ala aye so ala gbu na peko ti bira.

Ésaïe 33:1

Mawa na mo, mo so mo yeke buba ye si ade a buba mo pepe so! Mawa na mo, mo so mo yeke ka azo si ade ti ka mo pepe so! Tongana mo buba aye kue awe, fade a yeke buba nga mo. Tongana mo ka azo kue awe, fade a yeke ka nga mo.

Ésaïe 33:21

Kâ laa KOTA GBIA ayeke fa na e gonda ti lo. Ndo ni kâ ayeke duti ndo ti akota *bale na ti akota ngu. Amangboko ti bira ayeke hon na le ti ngu ni pepe, apendere kota mangboko ayeke fâ ngu ni pepe.

Ésaïe 33:4

Tongaso, azo ayeke ro aye na peko ti bira tongana ti so akete gbadola ayeke ro aye. Azo ayeke tuku na ndö ti aye ni tongana ti so agbadola ayeke tuku na ndö ti aye.

Ésaïe 35:6

Azo so gere ti ala abuba, ala yeke huru tongana dengbe, yanga ti buburu ayeke zi si lo yeke dekongo na ngia. Biani, ngu ayeke sigigi na ya ti benyama, ngu ayeke sua na lando so ngu ayeke daa pepe.

Ezekiel 38:13

Azo so alango na Saba nga na Dedan, azo ti dengo buze ti Tarsis na agbata so ayeke na tere ni ayeke hunda ande mo, atene: ‘Mo ga ti gbu aye? Mo ga ti nzi ye laa mo bongbi aturugu ti mo so? Mo ga ti mu wen ti nginza na lôro, anyama nga na amosoro; mo ye ti gbu gba ti aye na peko ti bira ti gue na ni?’

Awatokua 27:19

Na lango ota ni, ala mu aye ti kua ti ya ti mangboko ni na maboko ti ala wani si ala tuku ni na ya ti ngu.

1 Korente 1:27

Me Nzapa asoro ye so azo ti dunia so abaa na le ti ala tongana ye ti buba ti zia kamene na le ti azo ti ndara; lo soro ye so azo ti dunia so abaa na le ti ala tongana ye so ayeke na ngangu pepe ti zia kamene na le ti azo ti ngangu.

1 Samuel 30:10

Azo ngbangbo use awoko kue, ala lingbi ti fâ kete ngu ti Besor pepe si ala ngba na ndo so. David na azo ngbangbo osio laa angba ti tumba peko ti azo ni.