Ésaïe 33:2 - Mbeti ti Nzapa - Tënë so amu fini

² *KOTA GBIA, baa mawa ti e! E zia be ti e ti ku mo. Lakue na ndaperere, mo ga ngangu ti e, mo ga wasongo e na ndembe ti ye ti ngangu.

Ésaïe 33:2 ပူးပေါင်းရင်းမြစ်များ

Abia (Psaumes) 123:2

*KOTA GBIA, Nzapa ti e, le ti e kue ayeke gi na mbage ti mo, tongana ti so le ti angbaa ayeke baa gi maboko ti awa ti ala so, wala tongana ti so ngbaa-wali ayeke baa gi maboko ti wa ti lo so. KOTA GBIA, e yeke baa ndo na mbage ti mo, ngbii mo baa mawa ti e si.

Abia (Psaumes) 143:8

Gi na ndaperere, tene na mbi tënë ti nzoni be ti mo, ngbanga ti so mbi zia be ti mbi na ndö ti mo; fa na mbi lege so mbi lingbi ti tambula daa, ngbanga ti so mbi yeke baa ndo gi na mo.

Abia (Psaumes) 25:3

Azo so azia be ti ala ti ku mo, kamene ayeke gbu ka ala pepe. Me ala so aka mo senge senge, ala laa kamene ayeke gbu ala.

Abia (Psaumes) 27:1

Bia ti David. *KOTA GBIA ayeke lumiere ti mbi, lo yeke wasongo mbi na kuâ. Zo wa laa mbeto ti lo alingbi ti sara mbi, zo wa? KOTA GBIA laa ayeke bata fini ti mbi, lo yeke tongana kota gbagba na tere ti mbi. Zo wa laa mbi yeke do na mbeto na dawa ti lo, zo wa?

Abia (Psaumes) 33:22

KOTA GBIA, e zia be ti e ti ku mo; ayeke nzoni, nzoni be ti mo angba na ndö ti e.

Abia (Psaumes) 37:39

KOTA GBIA laa ayeke soo azo ti mbirimbiri; na ngoi ti ye ti ngangu, lo yeke tongana ngangu gbagba na tere ti ala.

Abia (Psaumes) 46:1

Bia ti azo ti Kore; bia so ayeke ndali ti makonzi-bia. A he ni na aye ti mozoko so atoto na nduzu

Abia (Psaumes) 46:5

Me mbeni kota ngu ayeke daa so ayeke sua si ayeke zia ngia na be ti azo ti gbata ti Nzapa, gbata ni ayeke nde si ayeke nzoni kue; gbata ni ayeke ndo so Nzapa aduti daa, Nzapa so ayeke na yayu kâ na ndö ti aye kue.

Abia (Psaumes) 50:15

Tongaso, tongana ye ti ngangu asi na mo, mo iri mbi, fade mbi yeke zi mo na ya ni si mo yeke gonda mbi.

Abia (Psaumes) 60:11

Zo wa laa ayeke gue na mbi na gbata so gbagba ti bira ayeke na tere ni zo wa? Zo wa laa ayeke fa na mbi lege ti si na Edom, zo wa?

Abia (Psaumes) 62:1

Bia so ayeke ndali ti makonzi-bia; a leke ni na kode ti Yedutun. Bia ti David.

Abia (Psaumes) 62:5

Biani, ala yeke leke tënë na be ti ala ti zi zo ni na kota ndo ti lo; ti ala, gi tenengo mvene laa anzere na ala. Na yanga ti ala, ala yeke sara tufa na ndö ti azo, me na ya ti be ti ala kâ, ala yeke deba azo. Luti kete

Abia (Psaumes) 62:8

Nzapa ayeke wasongo mbi na kuâ; na lege ti lo laa mbi yeke wara gonda. Lo yeke kota ngangu têne so mbi luti na ndö ni ti bata tere ti mbi; lo yeke ndo so mbi kpe daa ti bata tere ti mbi.

Abia (Psaumes) 90:15

Na ya ti angu mingi, mo sara si aye ti ngangu mingi asi na e; sara si e wara ngia alingbi na angu so e baa pasi so.

Abia (Psaumes) 91:15

Tongana lo iri mbi, fade mbi yeke kiri tënë na lo, mbi yeke duti na tere ti lo na ya ti ye ti ngangu so asi na lo; mbi yeke zi lo na ya ti ye ti sioni si mbi yeke sara titene a gonda lo.

Sigingo 14:27

Moïse ayoro maboko ti lo na ndö ti kota ngu-ingo ni. So ndo aga nduru ti han, ngu ni akiri na plase ni tongana ti kozo. Azo ti Ezipte so angba ti kpe atengbi biaku na ngu ni. KOTA GBIA abi ala na ya ni.

Ésaïe 17:10

Biani, Israel, be ti mo agirisa na Nzapa, wasongo mo awe. Lo so lo yeke Kota Têne, ndo so mo kpe daa ti bata tere ti mo, mo dabe ti mo na lo mbeni pepe. Ndani laa mo sara si apendere kongo amai, mo lu ale ti kobe ti awande.

Ésaïe 25:4

Biani, mo yeke ndo so azo so ayeke na ngangu pepe ayeke kpe daa ti bata tere ti ala, mo yeke ndo ti batango tere ti awayere so ye ti ngangu asi na ala. Mo yeke tongana gbefa ti bata zo ndali ti ngu-Nzapa, gbe ti de ti bata zo ndali ti ndo-wâ. Biani, pupu ti yanga ti azo ti sarango ngangu na zo ayeke tongana ngangu pupu ti ngu-Nzapa so apika tere ti da,

Ésaïe 25:9

Na lango ni so, fade azo ayeke tene: “*KOTA GBIA laa ayeke Nzapa ti e. E zia be ti e lani ti ku lo si lo soo e. KOTA GBIA laa e zia be ti e ti ku lo. Ayeke nzoni e duti na ngia, e dodo na ngia, ndali so lo soo e awe!

Ésaïe 26:16

KOTA GBIA, na ya ti ye ti ngangu, e baa ndo na mbage ti mo. Na ndembe so mo pika e, e yeke sambela mo na gbe ti go ti e.

Ésaïe 26:8

Biani, KOTA GBIA, lege so mo mu yanga titene e hon daa, e zia be ti e ti ku mo. Ye so nzara ni agbu be ti e ayeke ti dabe ti e na mo.

Ésaïe 37:3

Ala tene na lo: “Tënë so Ezekias atene ayeke so: ‘Lango ti laso ayeke lango ti ye ti ngangu, lango ti kota kpale, lango ti kota kamene. Azo ayeke tene: molenge aga nduru ti sigigi na ya ti mama ti lo, me ngangu atia mama ni ti du molenge ni.

Ésaïe 40:10

Baa Kota Gbia NZAPA laa. Lo yeke ga na ngangu kue; ngangu ti lo alingbi titene lo sara komandema. Futa ti lo ayeke na maboko ti lo, lo yeke ga na ye so lo wara na peko ti kua ti lo.

Ésaïe 51:5

Zingo azo so mbi yeke zi ala aga nduru awe, songo azo na kuâ so mbi yeke soo ala asigigi awe. Mbi yeke fâ ngbanga ti azo na ngangu. Fade azo ti azoa ayeke zia be ti ala ti ku mbi, ala yeke ku ngangu ti maboko ti mbi.

Ésaïe 59:16

Lo baa so zo oko ti sara ye ayeke daa pepe; li ti lo akpe, ngbanga ti so zo oko ti mu maboko ayeke daa pepe. Tongaso, maboko ti lo laa asara si lo so benda; mbirimbiri ti lo laa amu ngangu na lo ti sara ye ni.

Ésaïe 8:17

Mbi yeke ku *KOTA GBIA, lo so lo bi le ti lo yongoro na *ahale ti Jacob; mbi zia be ti mbi ti ku lo.

Jérémie 14:8

KOTA GBIA, mo laa Israel alingbi ti zia be ti lo na ndö ti mo, mo soo lo na ndembe ti ye ti ngangu. Ngbanga ti nyen si mo yeke sara ye tongana wande na ya ti kodro so? Ngbanga ti nyen si mo yeke sara ye tongana gene so alango gi bi oko si lo mu lege ti hon so?

Abia ti demango tere 3:23

Lakue na ndaperere, nzoni be ti lo akiri aga tongana fini ye. KOTA GBIA, mo yeke sara ye alingbi na tënë ti yanga ti mo lakue!

Osée 14:2

Israel, kiri na *KOTA GBIA Nzapa ti mo, ngbanga ti so sioni ti mo asara si mo ti.