Ésaïe 33:16 - Mbeti ti Nzapa - Tënë so amu fini

¹⁶ Zo tongaso ayeke duti na nduzu kâ. Ndo ti batango tere ti lo ayeke atêne so ayeke tongana ngangu gbagba. A yeke mu na lo kobe ti tengo ni, ngu ti nyongo ni ayeke tia lo pepe.

Ésaïe 33:16 ပူးပေါင်းရင်းမြစ်များ

1 Agbia 19:6

Élie abaa ndo si nduru na tere ti li ti lo, lo baa mbeni gatoo so a zö ni na ndö ti têne so amu wâ mingi; lo baa nga mbeni ngbenda ti ngu. Lo te, lo nyon si na pekoni lo kiri lo lango na sese.

Abia (Psaumes) 107:41

Me azo so ye atia ala, lo yeke zi ala na ya ti pasi, lo yeke sara si asewa ti ala awu mingi tongana anyama ti ala.

Abia (Psaumes) 111:5

Lo mu kobe na azo so akpe mbeto ti lo; lo yeke dabe ti lo na *mbuki ti lo lakue.

Abia (Psaumes) 15:1

Bia ti David. *KOTA GBIA, zo wa laa mo yeke yamba lo na ya ti kota da ti mo, zo wa? Zo wa laa alingbi ti duti na ndö ti hoto ti mo so ayeke nde si ayeke nzoni kue so?

Abia (Psaumes) 18:33

Nzapa so ayeke mu na mbi ngangu, lo yeke sara si lege ti mbi aga nzoni kue.

Abia (Psaumes) 33:18

Me le ti KOTA GBIA ayeke na ndö ti azo so ayeke kpe mbeto ti lo, azo so azia be ti ala ti ku nzoni be ti lo

Abia (Psaumes) 34:10

Ala azo so KOTA GBIA azia ala nde ndali ti lo, ala kpe mbeto ti lo! Biani, azo so ayeke kpe mbeto ti lo, ye ayeke tia ala pepe.

Abia (Psaumes) 37:3

Mo zia be ti mo na ndö ti *KOTA GBIA, mo sara nzoni ye si fade mo duti na ya ti kodro ni, fade sioni ye asi na mo pepe.

Abia (Psaumes) 62:7

Biani, lo yeke kota têne so mbi luti na ndö ni ti bata tere ti mbi, lo yeke wasongo mbi na kuâ; lo yeke ngangu gbagba na tere ti mbi; mbeni ye ti yingi mbi ayeke daa pepe.

Abia (Psaumes) 90:1

Sambela ti Moïse, zo ti Nzapa. Kota Gbia, ngu na ngu, mo yeke ndo so e yeke kpe daa ti bata tere ti e.

Abia (Psaumes) 91:14

KOTA GBIA atene: “Ndali ti so lo mu tere ti lo kue na mbi, fade mbi yeke soo lo na kuâ, mbi yeke bata lo, ngbanga ti so lo hinga mbi.

Amato 1:33

Me zo so ama mbi, mbeni ye ti sioni ayeke si na lo pepe, lo yeke duti kpoo, mbeto ti sioni ye ayeke sara lo oko pepe.”

Amato 10:9

Zo so sarango ye ti lo ayeke na legeni, ye ti sioni alingbi ti si na lo oko pepe; me zo so ayeke sara ye na lege ti mayere, fade azo ayeke sigigi na nda ti lo.

Amato 18:10

KOTA GBIA ayeke tongana ngangu gbagba na tere ti azo; zo ti mbirimbiri ayeke kpe na ya ni ti bata tere ti lo.

Ésaïe 25:4

Biani, mo yeke ndo so azo so ayeke na ngangu pepe ayeke kpe daa ti bata tere ti ala, mo yeke ndo ti batango tere ti awayere so ye ti ngangu asi na ala. Mo yeke tongana gbefa ti bata zo ndali ti ngu-Nzapa, gbe ti de ti bata zo ndali ti ndo-wâ. Biani, pupu ti yanga ti azo ti sarango ngangu na zo ayeke tongana ngangu pupu ti ngu-Nzapa so apika tere ti da,

Ésaïe 30:20

Na ngoi ti ye ti vundu, KOTA GBIA ayeke mu na mo kobe. Na ngoi ti ye ti ngangu, lo yeke mu na mo ngu ti nyongo ni. Lo so lo yeke fa ye na mo, lo yeke kiri ti honde tere ti lo pepe, fade mo yeke baa lo na le ti mo.

Ésaïe 32:18

Fade azo ti KOTA GBIA ayeke duti na ndo so siriri ayeke daa, na ya ti ada so zo alingbi ti zia be ti lo na ndö ni, na ndo so ayeke nzoni si ayeke kpoo.

Ésaïe 49:10

Nzara ti kobe na nzara ti ngu ayeke kiri ti sara ala pepe; pupu ti wâ ti benyama na sungo ti lâ ayeke zö ala pepe. Biani, mbi yeke baa mawa ti ala si mbi yeke fa lege na ala, mbi yeke gue na ala na ndo so li ti ngu ayeke daa.

Ésaïe 58:14

tongaso, fade mo yeke wara ngia ti mo na lege ti mbi KOTA GBIA; mbi yeke sara titene mo tambula na ndö ti ayongoro hoto ti kodro ni. Mbi yeke sara titene mo baa nzoni na lege ti sese so a mu ando na kotara ti mo Jacob si aga ye ti lo so.” Tënë so asigigi na yanga ti KOTA GBIA laa.

Jérémie 37:21

Tongaso gbia Sedesias amu yanga titene a bata Jérémie na ya ti gbagba ti aturugu ti batango gbia. Lo mu nga yanga titene a mu na lo na ya ti lango oko oko, mapa oko ti balabala ti awazongo-mapa; a mu ni na lo ngbii mapa ahunzi kue na ya ti gbata ni si! Nilaa Jérémie angba na ya ti gbagba ti aturugu ti batango gbia.

Habakuk 3:19

Kota Gbia NZAPA ayeke ngangu ti mbi. Lo sara si gere ti mbi ayapu tongana ti tagba, lo sara si mbi tambula na ndö ti ahoto. Bia so ayeke ndali ti makonzi-bia. A he ni na kundi.

Matthieu 6:11

Mu na e laso kobe so alingbi na e.

Ndia ti fani use ni 33:29

Ti ala nzoni, ala azo ti Israel! Mara wa laa alingbi na ti ala? Mara ti ala oko laa KOTA GBIA asoo ni. KOTA GBIA ayeke *vala ti batango ala, lo yeke ye ti bira so asara si ala so benda. Fade awato ti ala ayeke handa ala na lege ti mayere, me ala, azo ti Israel, ala yeke do awato ni na gbe ti gere ti ala.”