Ésaïe 33:14 - Mbeti ti Nzapa - Tënë so amu fini

¹⁴ Na *Sion, azo ti siokpari ado na mbeto, tere ti azo ti sioni ado. Ala yeke hunda tere ti ala, atene: “Wâ so ayeke gbi ye kue so, zo wa na popo ti e alingbi ande ti luti na tere ni, zo wa? Zo wa na popo ti e alingbi ti luti na tere ti kota wâ so ayeke gbi lakue lakue so zo wa?”

Ésaïe 33:14 ပူးပေါင်းရင်းမြစ်များ

Ahebro 12:29

Biani, Nzapa ti e ayeke tongana mbeni wâ so ayeke gbi ye kue.

Matthieu 25:46

Fade asioni zo so ayeke gue na ngbanga so angba lakue lakue si azo ti mbirimbiri ayeke gue ti duti na fini so angba lakue lakue.”

Aye so Nzapa afa 14:10

fade lo nga, lo yeke nyon vin ti kota ngonzo ti Nzapa. A yeke tuku vin ni na ya ti kopo ti ngonzo ti Nzapa, a yeke tuku ngu daa pepe. Lo yeke baa ande pasi na le ti wâ na *sufre, na le ti a-ange ti Nzapa nga na le ti Molenge ti Taba.

Matthieu 25:41

“Na pekoni, fade Gbia ni ayeke tene na azo so ayeke na mbage ti maboko ti lo ti wali: ‘Ala hon yongoro na tere ti mbi, ala so Nzapa adeba ala awe so! Ala gue na ya ti kota wâ so ayeke gbi lakue lakue, so a leke ni ndali ti Zabolo na *a-ange ti lo.

Matthieu 18:8

Tongana maboko ti mo wala gere ti mo ayeke handa mo titene mo ti na ya ti siokpari, mo fâ ni, mo bi yongoro na tere ti mo. Titene mo li na ndo so zo ayeke duti na fini daa na maboko oko wala na gere oko, so laa ayeke nzoni ahon titene mo bata amaboko ti mo use na agere ti mo use kue si a bi mo na ni na ya ti wâ so ayeke gbi lakue lakue.

Ésaïe 66:24

Na sigingo ti ala, fade ala lingbi ti baa kuâ ti azo so atomboka na tere ti mbi. Angusu so ayeke te ala ayeke kui pepe; wâ so ayeke gbi ala ayeke mingo pepe. Ala yeke ga ye so ayeke sioni mingi ndali ti azo kue.

Aye so Nzapa afa 20:10

Zabolo so ahanda azo ni so, a bi lo na le ti kota wâ na *sufre, na ndo so nyama ni ayeke daa, lo na nyama so atene mvene atene, ni yeke wayanga-Nzapa so. Fade ala yeke baa pasi bi na lâ, kpu na kpu.

2 Tesalonike 1:8

lo yeke ga ande na ya ti menga ti wâ. Biani, azo so ahinga Nzapa pepe si ala ke Nzoni Tënë ti Kota Gbia ti e Jésus so, lo yeke kiri na peko ti sioni ti ala na ala.

Nahum 1:6

Tongana lo sara ngonzo, zo wa laa ayeke luti na le ti lo, zo wa? Tongana ngonzo ti lo alondo tongana wâ, zo wa laa ayeke ngba na fini, zo wa? Ngonzo ti lo ayeke gbi ye kue tongana ti so kota wâ ayeke gbi ye kue; ya ti akota têne ayeke suru na dawa ti lo.

Ésaïe 29:13

*KOTA GBIA atene: “Azo so ayeke ga nduru na mbi gi na lege ti atënë senge, ala yeke ne mbi gi na atënë ti yanga senge, me be ti ala ayeke yongoro na mbi. Kpengo so ala yeke kpe mbi ayeke gi na lege ti ndia so azo afa na ala.

Mbeti ti Job 18:11

Mbage na mbage kue, kota mbeto agbu lo; mbeto ni ayeke mu peko ti lo na ndo so kue lo yeke gue daa.

Matthieu 24:51

Fade makonzi ni ayeke tumba lo na kua si ayeke sara na lo ye so a yeke sara na azo so tënë ti yanga ti ala ayeke nde na sarango ye ti ala; kâ, gi toto na tengo pembe.”

Matthieu 22:12

Lo hunda koli ni, lo tene: ‘Ita, mo sara tongana nyen laa mo li na ndo so? Bongo ti matanga ti mo ayeke na ndo wa?’ Me koli ni akiri tënë oko pepe.

Ésaïe 34:9

Angu ti Edom ayeke ga angu ti gudron, sese ti lo ayeke ga *sufre. Kodro ni ayeke ga gudron so ayeke gbi.

Ésaïe 32:11

Ala awali so ye ti songo ala ayeke daa pepe so, alingbi ala do na mbeto. Ala awali so abaa tere ti ala atene, ala lingbi awe so, alingbi tere ti ala ado, ala zi bongo na tere ti ala, tere ti ala angba ndumbu, ala kanga bongo ti mua na ngbonda ti ala.

Ésaïe 29:6

KOTA GBIA so ayeke na ndö ti dunia kue ayeke ga ti mu maboko na mo na lege ti toto ti bekpa, na lege ti ye so atoto ngangu, na ya ti ngangu pupu, na ya ti pupu ti ngu-Nzapa nga na wâ so ayeke gbi ye kue.

Ésaïe 10:6

Mbi tokua lo na tere ti amara so ake mbi, mbi tokua lo ti gue hio na tere ti azo so asara si ngonzo ti mbi alondo. Mbi tokua lo ti nzi ye ti azo ni, ti gbu aye ti ala tongana ti so a yeke gbu ye na peko ti bira, ti do ala na gbe ti gere tongana ti so zo ayeke do ya ti potopoto na ndö ti lege.

Ésaïe 9:17

Biani, sioni ti azo ni ayeke gbi ye tongana wâ so ayeke gbi aki na akamba ti ki. Wâ ni ati na ya ti gbako si ngbongboro guru ayeke londo ti gue na nduzu.

Ésaïe 7:2

Azo ague, atene tënë ni na gbia Ahaz, mbeni *hale ti David, lo na azo ti yangbo ti lo, ala tene: “Azo ti sese ti Sirii ali na sese ti Efraim awe.” Be ti Ahaz na ti azo ti kodro ti lo ato nda ti do tongana akeke ti gbako so pupu ayeke yingi ni.

Ésaïe 5:24

Ndani laa, fade ala yeke ga tongana pere so wâ agbi ni, ala yeke ga tongana holengo pere so menga ti wâ agbi ni kue. Ala yeke duti tongana pere so gunda ni afun na ya ti sese, tongana kongo so pupu ahon na ni tongana fuku ti sese. Biani, ye so KOTA GBIA so ayeke na ndö ti dunia kue afa, ala ke ni; tënë ti Nzapa ti Israel, lo so lo yeke nde si lo yeke nzoni kue, ala baa ni tongana mbumbuse ye.

Amato 28:1

Zo ti sioni ayeke kpe, ataa zo oko atumba peko ti lo pepe; me zo ti mbirimbiri ayeke tongana bamara so ayeke na mbeto oko pepe.

Abia (Psaumes) 53:5

Nzapa atene: “Azo ti sarango sioni so, ala hinga ye oko pepe! Ala yeke te azo ti mbi na mbana tongana ti so ala yeke te kobe ti ala; ala ke ti hunda ye na mbi.”

Abia (Psaumes) 50:3

“Ayeke nzoni Nzapa ti e aga! Lo kanga yanga ti lo pepe!” Mbeni wâ so ayeke gbi aye kue ayeke na dawa ti lo, mbeni ngangu pupu angoro tere ti lo kue.

Abia (Psaumes) 21:9

Gbia, mo yeke gbu awato ti mo; azo so ake mo ayeke ti na ya ti maboko ti mo.

Abia (Psaumes) 11:6

Lo yeke sara si ale ti wâ na *sufre atuku na ndö ti azo ti sioni tongana ngu-Nzapa si pupu ti wâ aga agbi ala. Ye so ayeke ku ala so laa!

Ndia ti fani use ni 4:24

Biani, KOTA GBIA Nzapa ti ala ayeke tongana wâ so ayeke gbi ye kue; lo yeke Nzapa so ayeke sara mbanda ti azo ti lo.

Ésaïe 1:28

Me azo ti ngangu li na azo ti siokpari, fade a yeke kungbi ala; azo so azia *KOTA GBIA, gigi ti ala ayeke hunzi.

Ésaïe 9:18

Ndali ti ngonzo ti KOTA GBIA so ayeke na ndö ti dunia kue, wâ agbi kodro ni kue; azo ni aga tongana ye so wâ agbi ni. Zo oko abaa mawa ti mba ti lo pepe.

Ésaïe 9:19

Zo ayeke fâ kasa ti mbage ti maboko ti koli ti te, me nzara ayeke ngba ti sara lo; lo yeke te na mbage ti maboko ti wali, me ya ti lo ayeke si pepe. Zo oko oko ayeke te kasa ti tere ti lo wani.

Ésaïe 10:16

Ndani laa, Kota Gbia NZAPA so ayeke na ndö ti dunia kue ayeke tokua kobela na tere ti azo ti lo so akono titene ala nge. Na gbe ti gonda ti ala, fade mbeni ye ayeke gbi tongana wâ so ayeke gbi ye.

Ésaïe 47:14

Ala yeke tongana pere, fade wâ ayeke gbi ala kue. Ala lingbi ti zi tere ti ala na ya ti menga ti wâ ni pepe. Wâ ni so ayeke ale ti wâ so e yeke to na kobe pepe, wala wâ so zo ayeke duti na tere ni titene tere ti lo amu wâ pepe.

Amos 9:10

Asioni zo so ayeke na popo ti azo ti mbi, fade ala kue ayeke kui kuâ ti bira, ala so lani ayeke tene: ‘Fade kota kpale ayeke ndu e pepe, kpale ni ayeke si na e pepe!’ ”

Malashii 3:2

Zo wa laa alingbi ande ti kanga be ti lo na lango ti gango ti lo, zo wa? Zo wa laa alingbi ti ngba na nduzu na ndembe ti singo ti lo, zo wa? Biani, lo yeke tongana wâ ti matawa wala tongana mokpakpa ti zo ti sukulango bongo.