Ésaïe 33:11 - Mbeti ti Nzapa - Tënë so amu fini

¹¹ Apialo so ala leke ayeke tongana holengo pere; tongana apialo ni abaa gigi awe, aga gi pere. Pupu ti yanga ti ala wani ayeke gbi ande ala tongana wâ.

Ésaïe 33:11 ပူးပေါင်းရင်းမြစ်များ

Mbeti ti Job 15:35

Zo so amu ngo ti ye ti sioni, fade lo yeke du ye ti vundu. Ye so lo leke na be ti lo, tongana asigigi awe, aga ye ti handango lo wani.

Abia (Psaumes) 2:1

Ngbanga ti nyen si amara nde ayeke sara wusuwusu so? Ngbanga ti nyen si azo ti amara ayeke leke tënë na popo ti ala senge senge so?

Abia (Psaumes) 7:14

Lo leke aye ti bira so ayeke fâ zo; lo leke ale ti kokora so lo zia wâ daa.

Abia (Psaumes) 7:15

Zo so aleke na be ti lo ti sara sioni, fade sioni ni ayeke kono na ya ti lo ti ga kpale; na pekoni, lo yeke du atënë ti mvene.

Ésaïe 1:31

Zo ti ngangu ayeke ga tongana holengo pere, kua ti lo ayeke ga tongana akete kete le ti wâ; zo ni na kua ti lo kue, wâ ayeke gbi ala kue legeoko, zo oko ti mingo ni ayeke daa pepe.

Ésaïe 17:13

Wusuwusu ti amara nde ayeke tongana toto ti kota ngu. *KOTA GBIA asuku na ala, ala kpe yongoro, lo tumba ala tongana holengo pere so pupu ti li ti hoto ahon na ni, tongana fuku ti sese so kota pupu ahon na ni.

Ésaïe 26:18

E nga, e mu ngo, e baa pasi; so e du, e du gi pupu. E sara mbeni ye ti soo sese pepe, e ga na afini zo na ndö ti dunia pepe.

Ésaïe 5:24

Ndani laa, fade ala yeke ga tongana pere so wâ agbi ni, ala yeke ga tongana holengo pere so menga ti wâ agbi ni kue. Ala yeke duti tongana pere so gunda ni afun na ya ti sese, tongana kongo so pupu ahon na ni tongana fuku ti sese. Biani, ye so KOTA GBIA so ayeke na ndö ti dunia kue afa, ala ke ni; tënë ti Nzapa ti Israel, lo so lo yeke nde si lo yeke nzoni kue, ala baa ni tongana mbumbuse ye.

Ésaïe 59:4

Tënë so ala gue na ni na le ti ngbanga, ayeke na legeni pepe; ala yeke gbu koko ti azo na lege ti taa-tënë pepe. Ala yeke luti na ndö ti ye so ayeke ye oko pepe, ala yeke tene atënë ti mvene; ala yeke mu ngo ti ye ti sioni si ala yeke du ye ti kirikiri.

Ésaïe 9:17

Biani, sioni ti azo ni ayeke gbi ye tongana wâ so ayeke gbi aki na akamba ti ki. Wâ ni ati na ya ti gbako si ngbongboro guru ayeke londo ti gue na nduzu.

Awatokua 5:4

Kozo titene mo ka yaka so, yaka ni ayeke fade ti mo. So mo ka ni so, nginza ni ayeke ti mo. Ngbanga ti nyen laa mo leke na be ti mo ti sara mara ti ye tongaso? Mo tene mvene na zo pepe, me na Nzapa!”

Jacques 1:15

Tongana nzara ti be ti zo amu ngo awe, ayeke du siokpari. Tongana siokpari ni ahon ndoni awe, ayeke gue na zo na kuâ.