Ésaïe 32:9 - Mbeti ti Nzapa - Tënë so amu fini

⁹ Ala awali so ye ti songo ala ayeke daa pepe so, ala londo, ala ma mbi si! Ala amaseka-wali so abaa tere ti ala atene, ala lingbi awe so, ala dingi mê ti ala, ala ma mbi si!

Ésaïe 32:9 ပူးပေါင်းရင်းမြစ်များ

Abia (Psaumes) 123:4

Azo so ayeke duti nzoni ayeke he e na ngia, azo ti baba ayeke baa e tongana mbumbuse ye; ye ni ahon ndö ti e awe!

Ésaïe 28:23

Ala dingi mê ti ala, ala ma mbi! Ala duti kpoo, ala ma tënë ti mbi!

Ésaïe 3:16

*KOTA GBIA atene: “Awali ti *Sion, so fango tere na ala! Ala yeke bi go ti ala si ala yeke tambula, le ti ala ayeke za ti handa na akoli. Ala yeke tambula ze ze si alenge so ala kanga na gere ti ala ayeke toto.”

Jérémie 9:19

Ala awali, ayeke nzoni ala ma tënë so KOTA ayeke tene na ala; ala zi mê ti ala mbirimbiri ti ma tënë so lo yeke tene na ala. Ala fa na amolenge ti ala ti wali abia ti demango tere; ala awali, ala oko oko kue afa abia ti totongo kuâ na amba ti ala.

Jérémie 9:20

“Biani, kuâ asi na tere ti fenetere ti e awe; lo li na ya ti apendere da ti e awe. Lo fâ amolenge na ndö ti alege; lo fâ amaseka na ndö ti abalabala.”

Abia ti demango tere 4:5

Azo so ayeke te lani gi anzoni kobe so, fadeso ala yeke kui kirikiri na ndö ti alege. Azo so a bata ala lani tongana amolenge ti gbia so, fadeso ala si ayeke gi akobe na ya ti azende.

Sofonii 2:15

Baa, ye so ayeke si na gbata so, gbata so aduti ando na ngia so laa! Gbata so abaa ti lo atene, mbeni sioni ye alingbi ti si na lo pepe so; lo tene: “Gi mbi oko awe!” Asara tongana nyen laa gbata ni akiri aga ngonda so? Akiri aga ndo ti lango ti anyama so? Zo so kue ayeke hon nduru na ni ayeke huru yanga ti lo si lo yeke sara maboko ti he na gbata ni.

Matthieu 13:9

Jésus akiri atene: “Zo so ayeke na mê ti mango ndo, ayeke nzoni lo ma tënë so!”

Ndia ti fani use ni 28:56

Wali so na popo ti ala, maboko ti lo ayeke ndu ye oko pepe si lo yeke *wali-ndomo, wali so gbe ti gere ti lo alingbi ti ndu sese pepe, ngbanga ti so maboko ti lo ayeke ndu ye oko pepe si lo yeke wali-ndomo, fade lo nga, lo yeke baa koli so ayeke lango na kate ti lo na sioni le, legeoko na molenge ti lo ti koli na ti wali;

Awafango-ngbanga 9:7

Azo ague, atene tënë ni na Yotam. Tongaso lo gue, lo luti na li ti hoto ti Garizim; lo dekongo, lo tene: “Ala akota zo ti Sishem, ala ma mbi si fade Nzapa ama ala!