Ésaïe 32:3 - Mbeti ti Nzapa - Tënë so amu fini

³ Le ti azo so alingbi fade ti baa ndo ayeke kiri ti kanga pepe, mê ti azo so alingbi fade ti ma ndo ayeke kiri ti ma ndo nzoni.

Ésaïe 32:3 ပူးပေါင်းရင်းမြစ်များ

Ésaïe 29:18

Na lango ni so, azo so mê ti ala akanga, fade ala yeke ma atënë so a tene na ya ti mbeti; azo so le ti ala abuba ayeke sigigi na ya ti vukongo ndo so avuko pitipiti si ala yeke baa ndo.

Ésaïe 29:24

Azo so lani li ti ala aga kirikiri, fade ala yeke ga azo ti hingango ndo; azo so lani ayeke ke tënë mingi, ala yeke yeda titene a fa ye na ala.”

Ésaïe 30:26

Na lango so KOTA GBIA ayeke kanga le ti ka ti azo ti lo si lo yeke sara titene ka ni amu, fade nze ayeke su tongana lâ, lumiere ti lâ ti lango oko ayeke lingbi na lumiere ti lâ ti lango mbarambara.

Ésaïe 42:16

Mbi yeke sara si awaziba atambula na ndö ti lege so ala hinga pepe; mbi yeke sara si ala hon na ndö ti alege so ala hinga pepe. Na dawa ti ala, mbi yeke sara si vukongo ndo aga lumiere, lege so aba bango aluti mbirimbiri. Apialo so, fade mbi yeke sara ni, mbi yeke zia ni oko pepe.

Ésaïe 54:13

Fade amolenge ti mo kue ayeke ga adisiple ti mbi, ala yeke duti na siriri ahon ndoni.

Jérémie 31:34

Zo oko na popo ti ala ayeke kiri ti fa ye na mba ti lo wala na ita ti lo pepe, atene: ‘Ala hinga KOTA GBIA!’ Biani, ti londo na kete zo asi na kota zo, fade ala kue ayeke hinga mbi; so tënë ti yanga ti KOTA GBIA laa. Mbi yeke zi sioni ti ala, mbi yeke kiri ti dabe ti mbi na siokpari ti ala pepe.”

Matthieu 13:11

Lo kiri tënë na ala: “Ti ala, Nzapa amu na ala lege ti hinga nda ti tënë ti *Kodro-gbia ti yayu so angba na hondengo ni, me ti azo ni, Nzapa amu na ala lege ti hinga ni oko pepe.

Marc 7:37

Azo so ama tënë ni, li ti ala kue akpe si ala tene: “Ye so kue lo yeke sara ayeke nzoni mingi! Lo yeke sara nga si azo so mê ti ala akanga ama ndo si abuburu atene tënë!”

Awatokua 26:18

Mbi tokua mo ti zi le ti ala, ti mu ala na ya ti vukongo ndo ti sigigi na ala na ya ti lumiere; mo yeke zi ala na gbe ti ngangu ti Satan ti gue na ala na Nzapa. Tongana ala ma na be na mbi, fade a yeke zi siokpari na li ti ala si ala yeke wara ndo na popo ti azo ti Nzapa.’ ”

2 Korente 4:6

Nzapa so atene ando, atene: “Ayeke nzoni lumiere aza na ya ti vukongo ndo”, lo wani laa lo za na be ti e titene le ti e azi si e hinga gonda ti lo so ayeke za na ndö ti le ti Christ.