Ésaïe 32:18 - Mbeti ti Nzapa - Tënë so amu fini

¹⁸ Fade azo ti KOTA GBIA ayeke duti na ndo so siriri ayeke daa, na ya ti ada so zo alingbi ti zia be ti lo na ndö ni, na ndo so ayeke nzoni si ayeke kpoo.

Ésaïe 32:18 ပူးပေါင်းရင်းမြစ်များ

Abia (Psaumes) 107:7

Lo fa na ala lege so ague mbirimbiri ti si na mbeni gbata so azo ayeke daa.

Sigingo 9:26

Gi na sese ti Goshen oko, ndo so azo ti Israel aduti daa laa pembe ti bekpa atuku daa pepe.

Amato 24:15

Mo zo ti sioni, mo honde tere ti mo pepe titene mo buba da ti zo ti mbirimbiri; aye so ayeke na ndo ti lango ti lo, mo nzi ni pepe.

Ésaïe 11:10

Na lango ni so, lo so ayeke molenge ti Yese ayeke ga bendere ndali ti azo ti sese. Amara nde ayeke gi lo; ndo so lo yeke duti daa, gonda ti Nzapa ayeke mu ni kue.

Ésaïe 14:3

Israel, na peko ti apasi so mo baa, na aye ti ngangu nde nde so asi na mo nga na ngangu kua ti ngbaa so lani a zia mo na gbe ni, mbeni lâ, *KOTA GBIA ayeke sara titene mo wu tere ti mo.

Ésaïe 2:4

Lo yeke fâ ngbanga na popo ti amara nde, lo yeke leke tënë na popo ti amara gbani gbani. Amara ni ayeke mu ayongoro zeme ti ala ti sara na akpoka; ala yeke mu alikongo ti ala ti sara na azeme ti fango na ale ti kobe. Mbeni mara ayeke kiri ti mu yongoro zeme na tere ti mbeni mara pepe; azo ayeke kiri ti manda lege ti tiringo bira pepe.

Ésaïe 26:12

KOTA GBIA, mo yeke mu na e siriri, aye so kue e yeke sara, mo laa mo yeke sara ni ndali ti e.

Ésaïe 26:3

Na zo so be ti lo aduti kpoo, KOTA GBIA, mo yeke mu na lo siriri, ngbanga ti so lo zia be ti lo na ndö ti mo.

Ésaïe 28:12

Lo tene ando na ala, lo tene: “Baa, ndo ti wungo tere ti ala laa! Zo so awoko, ala zia lo, lo wu tere ti lo. Ndo ti dutingo kpoo laa.” Me ala ye ti ma pepe.

Ésaïe 30:15

Biani, Kota Gbia NZAPA ti Israel, lo so lo yeke nde si lo yeke nzoni kue, tënë so lo tene ayeke so: Ala lingbi ti soo kuâ gi tongana ala kiri na mbi si ala duti kpoo. Ala yeke wara ngangu gi tongana ala duti kpoo si ala zia be ti ala na ndö ti mbi. Me ala ye pepe.

Ésaïe 33:6

Ti ala azo ti KOTA GBIA, na ya ti fini ti ala, mbeni ye ti sioni alingbi ti si na ala pepe. Dutingo na ndara na hingango Nzapa ayeke nzoni ye so ayeke soo ala; kpengo mbeto ti KOTA GBIA, so mosoro ti ala laa!

Ésaïe 65:21

Azo ti mbi ayeke sara ada si ala yeke lango daa. Ala yeke lu *vinye si ala yeke te alengo ni.

Ésaïe 65:9

Fade mbi yeke mu *ahale na azo ti Jacob, mara ti Juda. Ala yeke mu ahoto ti mbi ti ga ye ti ala; ala so mbi soro ala, ala yeke mu ni titene aga ye ti ala, azo ti kua ti mbi ayeke duti kâ.

Jérémie 33:16

Na lango ni so, fade a yeke soo kodro-gbia ti Juda si mbeni ye ti sioni ti si na Jérusalem ayeke duti daa pepe. Iri so fade azo ayeke iri na lo laa: ‘KOTA GBIA ayeke mbirimbiri ti e.’ ”

Ezekiel 34:28

Amara nde ayeke kiri ti nzi aye ti ala pepe, asioni nyama ayeke kiri ti te ala pepe. Ala yeke duti na siriri, zo oko ti zia mbeto na be ti ala ayeke daa pepe.

Zakarii 2:5

Mbi yo le ti mbi na nduzu si na ya ti mbeni ye tongana bango-li, mbi kiri mbi baa mbeni koli so agbu kamba ti hakango na ye na maboko ti lo.

Zakarii 2:8

Kozo ange ni atene na mbeni so, atene: “Kpe loro, mo tene na maseka-koli so kâ so, mo tene: Fade gbata ti Jérusalem ayeke ngba senge tongaso, a yeke sara gbagba na tere ni pepe, ngbanga ti so azo na anyama so ayeke lango na ya ni ayeke wu ahon ndoni.

Zakarii 3:10

Na lango ni so, fade ala yeke tisa tere na popo ti ala ti ga ti duti na siriri na gbe ti akeke ti *vinye ti ala nga na gbe ti akeke ti fige ti ala; so tënë ti yanga ti KOTA GBIA so ayeke na ndö ti dunia kue laa.”

Ahebro 4:9

So aye ti tene, mbeni lango ti wungo tere angba ndali ti azo ti Nzapa, tongana ti lango mbarambara ni.

1 Jean 4:16

Ti e, e hinga so Nzapa aye e, nilaa e zia be ti e daa. Nzapa ayeke ndoye. Zo so angba na lege ti ndoye, lo na Nzapa angba ti duti oko biani.