Ésaïe 32:16 - Mbeti ti Nzapa - Tënë so amu fini

¹⁶ Na ya ti benyama, azo ayeke sara ye na lege ti ndia; na ya ti yaka so a lu akeke so a yeke te le ni tengo, azo ayeke fâ ngbanga mbirimbiri.

Ésaïe 32:16 ပူးပေါင်းရင်းမြစ်များ

Ésaïe 11:9

Na ndö ti hoto so kue ayeke nde si ayeke nzoni kue, fade sioni ye na buba ye ayeke duti daa pepe, ngbanga ti so hingango KOTA GBIA ayeke si singo na ya ti kodro ni tongana ti so ngu asi singo na ya ti kota ngu-ingo.

Ésaïe 28:6

Lo yeke mu yingo ti mbirimbiri na awafango-ngbanga; lo yeke mu ngangu na azo so ayeke tumba awato so ayeke na yanga ti gbata ni.

Ésaïe 33:5

A ya iri ti KOTA GBIA, ngbanga ti so lo yeke duti na nduzu kâ. Lo sara si sarango ye na legeni na fango ngbanga ti mbirimbiri asi singo na ya ti Jérusalem kue.

Ésaïe 35:8

Na ndo so, a yeke suru mbeni lege so a di iri ni “Lege so a zia nde”. Zo ti *sioni oko alingbi ti hon daa pepe, a yeke bata ni ndali ti azo ti KOTA GBIA titene ala tambula daa. Azo ti buba ayeke girisa lege na ndo so pepe.

Ésaïe 42:11

Ala azo ti benyama na ala azo ti agbata ti benyama, ala he bia! Ala azo ti akete kodro ti Kedar, ala he bia! Ala azo so alango na gbata ti Kota têne, ala dekongo na ngia! Na ndö ti hoto, ala dekongo na ngia!

Ésaïe 42:4

Ngangu ti lo ayeke hunzi pepe, be ti lo ayeke woko pepe ngbii lo fa lege ti sarango ye ti mbirimbiri na ndö ti sese. Azo ti azoa ayeke zia be ti ala ti ku fango ye ti lo.”

Ésaïe 48:18

Yanga so mbi mu lani, tongana mo ma fade ni, ka siriri ti mo ayeke ga tongana *bale, ka mbirimbiri ti mo ayeke ga tongana *amapo ti kota ngu-ingo!

Ésaïe 60:21

Azo ti mo, ala kue ayeke duti azo ti mbirimbiri, sese ni ayeke ga ye ti ala kpu na kpu. Ala kpa kete keke so mbi lu; ala yeke azo so mbi wani, mbi sara ala na maboko ti mbi titene ala fa gonda ti mbi.

Jérémie 31:23

Tënë so *KOTA GBIA so ayeke na ndö ti dunia kue, Nzapa ti Israel atene ayeke so: “Tongana mbi sara titene kodro ti Juda na agbata ti Juda akiri na kozo ndo ti ala, tënë so azo ayeke kiri ti tene laa: ‘Ayeke nzoni KOTA GBIA asara tufa na ndö ti mo, hoto ti *Sion so mo yeke nde si mo yeke nzoni kue; mo yeke ndo ti mbirimbiri!’

Osée 3:5

Na pekoni, azo ti Israel ayeke kiri ti gi KOTA GBIA, Nzapa ti ala nga na David, gbia ti ala. Gbanda, fade ala yeke do na mbeto si ala yeke kiri na mbage ti KOTA GBIA ti wara anzoni ye ti lo.

Zakarii 8:3

Tënë so KOTA GBIA atene ayeke so: Fade mbi yeke kiri ti ga na Sion, mbi yeke kiri ti duti taa na Jérusalem. Fade a yeke mu mbeni iri na Jérusalem, atene: ‘Gbata so abata tënë ti yanga ti Nzapa’ si a yeke mu nga iri na hoto ti KOTA GBIA so ayeke na ndö ti dunia kue, atene: ‘Hoto so ayeke nde si ayeke nzoni kue’.