Ésaïe 32:14 - Mbeti ti Nzapa - Tënë so amu fini

¹⁴ Yangbo ti gbia, azo ado azia awe, gbata so wuluwulu ayeke daa lani, azo akpe ni kue awe. Vaka ti Ofel na da so ayo na nduzu ayeke ga du ti hondengo tere kpu na kpu, ndo so alele ti ngonda ayeke sara ngia daa nga na ndo so anyama ayeke te pere daa.

Ésaïe 32:14 ပူးပေါင်းရင်းမြစ်များ

2 Agbia 25:9

Lo gbi kota da ti Nzapa, yangbo ti gbia nga na ada ti Jérusalem kue; lo bi wâ na ya ti ada ti akota zo kue.

2 Mbai 33:14

Na pekoni, Manase asara ngangu gbagba na tere ti Gbata ti David, na mbage ti gigi; gbagba ni ayo na nduzu mingi. Gbagba ni ahon na mbage ti Do, na ndo so li ti ngu ti Gihon ayeke daa, angoro vaka ti Ofel, ahon na popo-hoto ti Sedron, ague ngbii asi na yanga ti gbagba so iri ni Ti-asusu. Manase azia amakonzi ti aturugu na ya ti agbata ti Juda so kue ngangu gbagba ayeke na tere ni.

Néhémie 3:26

lo na azo ti kua ti kota da ti Nzapa so ayeke lango na vaka ti Ofel ayeke leke ti ala gbagba ni ti gue na ni ngbii ti si na yanga ti gbagba so iri ni Ti-ngu, na mbage ti To nga ti si na da so ayo na nduzu si asigigi na tere ti gbagba ni.

Abia (Psaumes) 104:11

Anyama ti ngonda kue ayeke nyon ngu ni, alele ti ngonda ayeke nyon ni alingbi na ala.

Ésaïe 22:2

Ngbanga ti nyen si wuluwulu na wusuwusu asi singo na ya ti gbata ni? Azo ti mo so akui so, ala kui kuâ ti yongoro zeme pepe, a fâ ala na ya ti bira pepe.

Ésaïe 24:10

Gbata so abuba kue so ati awe, lege ti li na ya ti ada ayeke daa mbeni pepe.

Ésaïe 24:12

Na ya ti gbata ni, gi gba ti atêne laa angba, yanga ti gbagba ni akungbi awe, abuba kue awe.

Ésaïe 25:2

Mo sara si gbata ni aga gba ti atêne. Gbata so a sara ngangu gbagba na tere ni, mo sara si abuba kue. Yangbo ti awande akpa gbata mbeni pepe, zo ayeke kiri ti leke ni laoko pepe.

Ésaïe 27:10

Gbata so a sara ngangu gbagba ti bira na tere ni, zo oko ayeke na ya ni mbeni pepe; azo ado azia si aga tongana benyama. Kâ, akete bagara ayeke ga ti te pere, ala yeke wu tere kâ si ala yeke te akugbe so asigigi.

Ésaïe 3:26

Na ya ti gbata ni kue, gi demango tere na totongo akuâ. Gbata ni aga tongana wali so aye ti lo kue agirisa si lo yeke duti na sese.

Ésaïe 5:9

Mbi ma na mê ti mbi *KOTA GBIA so ayeke na ndö ti dunia kue adeba, atene: “Biani, fade gba ti apendere kota da so ayeke tuku kue na sese; azo ayeke lango na ya ni pepe.

Ésaïe 6:11

Tongaso mbi hunda ndo, mbi tene: “KOTA GBIA, ye ni so ayeke gue ngbii asi lawa?” Lo kiri tënë, lo tene: “Ye ni ayeke gue ngbii asi na ndembe so a buba agbata kue, zo oko ayeke ngba na ya ti agbata ni pepe, zo oko ayeke ngba na ya ti da pepe, sese ayeke buba kue si ayeke ga ngonda.

Ésaïe 7:23

Na lango ni so nga, yaka ti vinye so a lu gere ni saki oko si ngere ni ayeke ale ti nginza saki oko, fade yaka ni ayeke ga ndo ti aki na ti akamba ti ki.

Jérémie 14:6

Alele ti ngonda ayeke luti na ndö ti ahoto so ndö ni angba senge, ala yeke gboto pupu tongana *anzagua; le ti ala aye ti vuko na gingo pere, me pere ni ayeke daa mbeni pepe.”

Jérémie 33:4

Biani, tënë so KOTA GBIA, Nzapa ti Israel atene ndali ti ada ti gbata so nga ndali ti ada ti agbia ti Juda so azo akungbi na sese ti kanga lege na sese so awato abongbi si aga *koto, ndali ti bira ayeke so:

Jérémie 52:27

Gbia ti Babilone afâ ngbanga ti kuâ na li ti ala si lo fâ ala na Ribla, na sese ti Hamat. Lege so a gbu azo ti Juda a gue na ala na kodro wande, yongoro na sese ti ala laa.

Jérémie 6:5

Ala londo! E gue, e gbu ala na bi. E buba apendere da ti ala!”

Osée 2:3

Ala tene na a-ita ti ala ti koli: “Ami!” Ala tene na a-ita ti ala ti wali: “Ruhama!”

Mishe 3:12

Ndani laa, ndali ti ala, fade Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.

Sofonii 2:15

Baa, ye so ayeke si na gbata so, gbata so aduti ando na ngia so laa! Gbata so abaa ti lo atene, mbeni sioni ye alingbi ti si na lo pepe so; lo tene: “Gi mbi oko awe!” Asara tongana nyen laa gbata ni akiri aga ngonda so? Akiri aga ndo ti lango ti anyama so? Zo so kue ayeke hon nduru na ni ayeke huru yanga ti lo si lo yeke sara maboko ti he na gbata ni.

Sofonii 2:7

Tanga ti azo ti Juda so angba na fini, fade sese ni ayeke ga ti ala; ala yeke gue na anyama ti ala ti te pere na ando ni so; na bi, ala yeke lango na ya ti ada ti Askalon. Biani, KOTA GBIA, Nzapa ti ala ayeke ga ti sara nzoni na ala, lo yeke sara si gigi ti ala akiri aga nzoni.

Nzoni Tënë so Luc asu na mbeti 21:20

“Tongana ala baa ande aturugu angoro Jérusalem kue, ayeke nzoni ala hinga atene, a ga nduru ti buba gbata ni awe.

Nzoni Tënë so Luc asu na mbeti 21:24

Fade a yeke fâ azo ni na yongoro zeme, a yeke gbu ala ti gue na ala na ya ti akodro kue. Amara kue ayeke buba gbata ti Jérusalem kue ngbii ngoi ti ala ahunzi si.”