Ésaïe 32:13 - Mbeti ti Nzapa - Tënë so amu fini

¹³ ndali ti sese ti azo ti mbi so aki na akeke ti ki amu ndö ni kue. Ataa ada so lani azo ayeke duti na ngia daa na agbata so azo ayeke sara matanga daa mingi, aki na akeke ti ki ni amu ni kue.

Ésaïe 32:13 ပူးပေါင်းရင်းမြစ်များ

Abia (Psaumes) 107:34

sese so kobe ale daa nzoni aga sese ti ingo ndali ti sioni ti azo ti kodro ni.

Ésaïe 22:2

Ngbanga ti nyen si wuluwulu na wusuwusu asi singo na ya ti gbata ni? Azo ti mo so akui so, ala kui kuâ ti yongoro zeme pepe, a fâ ala na ya ti bira pepe.

Ésaïe 23:7

Taa gbata ti ala so laa? Gbata so azo ayeke sara ando ngia mingi daa, gbata so abaa gigi aninga awe si ayeke tokua azo ti gue ti zia ando ti dengo buze na ya ti ambeni kodro yongoro so?

Ésaïe 23:9

*KOTA GBIA so ayeke na ndö ti dunia kue laa aleke na be ti lo ti mingo baba ti azo so azo ayeke gonda ala, ti bi kamene na le ti akota zo ti dunia so.

Ésaïe 24:11

Na ndö ti alege, azo ayeke toto tere ti ala, ngbanga ti so vin atia, ngia kue ahunzi awe, nzerengo tere ahon na ya ti kodro ni.

Ésaïe 27:10

Gbata so a sara ngangu gbagba ti bira na tere ni, zo oko ayeke na ya ni mbeni pepe; azo ado azia si aga tongana benyama. Kâ, akete bagara ayeke ga ti te pere, ala yeke wu tere kâ si ala yeke te akugbe so asigigi.

Ésaïe 34:13

Akamba ti ki ayeke sigigi na yangbo ti gbia, asioni pere na akeke ti ki ayeke mu ndö ti ngangu gbagba. Kodro ni ayeke ga ndo ti lango ti *anzagua, ndo so *anaamo ayeke duti daa.

Ésaïe 5:10

Tongana ala fâ kota yaka ti vinye so akono hektare ota, fade ala yeke wara gi litere baleoku ti vin; tongana ala lu kilo ngbangbo oko ti ble, fade ala yeke wara gi kilo baleoko.”

Ésaïe 5:6

Fade mbi yeke zia yaka ni aga ngonda; zo ti fango *aguruma ni ayeke daa pepe, zo ti sukulango gbe ni ayeke daa pepe; aki na asioni kamba ti aki ayeke suku amu ndö ni kue. Fade mbi yeke mu yanga na ambinda ti gbanzi ngu ti pika na ndö ti yaka ni.”

Ésaïe 55:13

Keke ti sipre ayeke sigigi na plase ti keke ti ki, mirte ayeke sigigi na plase ti ki. Ye so ayeke si titene azo agonda KOTA GBIA. Ye so ayeke buba laoko pepe, ayeke ngba lakue lakue ti dabe ti ala na ye so mbi sara.

Ésaïe 6:11

Tongaso mbi hunda ndo, mbi tene: “KOTA GBIA, ye ni so ayeke gue ngbii asi lawa?” Lo kiri tënë, lo tene: “Ye ni ayeke gue ngbii asi na ndembe so a buba agbata kue, zo oko ayeke ngba na ya ti agbata ni pepe, zo oko ayeke ngba na ya ti da pepe, sese ayeke buba kue si ayeke ga ngonda.

Ésaïe 7:23

Na lango ni so nga, yaka ti vinye so a lu gere ni saki oko si ngere ni ayeke ale ti nginza saki oko, fade yaka ni ayeke ga ndo ti aki na ti akamba ti ki.

Jérémie 33:4

Biani, tënë so KOTA GBIA, Nzapa ti Israel atene ndali ti ada ti gbata so nga ndali ti ada ti agbia ti Juda so azo akungbi na sese ti kanga lege na sese so awato abongbi si aga *koto, ndali ti bira ayeke so:

Jérémie 39:8

Na Jérusalem, azo ti Babilone abi wâ na yangbo ti gbia nga na ada ti asenge zo ti kodro ni. Ala kungbi nga na sese gbagba ti gbata ni.

Jérémie 52:27

Gbia ti Babilone afâ ngbanga ti kuâ na li ti ala si lo fâ ala na Ribla, na sese ti Hamat. Lege so a gbu azo ti Juda a gue na ala na kodro wande, yongoro na sese ti ala laa.

Osée 10:8

Ando so azo aleke na nduzu ti voro anzapa ti mvene daa so, fade a yeke buba ni kue; ando ni so laa ayeke siokpari ti azo ti Israel. Fade akamba ti ki na aki ayeke kanga ndö ti agbalaka ti ala. Fade azo ti Samarii ayeke tene na akota hoto: “Ala kanga ndö ti e!” Ala yeke tene na akete hoto: “Ala ti na ndö ti e!”

Osée 2:3

Ala tene na a-ita ti ala ti koli: “Ami!” Ala tene na a-ita ti ala ti wali: “Ruhama!”

Osée 9:6

Baa, ala yeke kpe kodro ti ala so abuba so, Ezipte laa ayeke yamba ala; me gbata ti Manfis ayeke ga ndo ti lungo ala. Fade akeke ti ki ayeke kanga ndö ti mosoro ti ala ti kota nginza, akamba ti ki ayeke kanga ndö ti ada ti lango ti ala.