Ésaïe 32:12 - Mbeti ti Nzapa - Tënë so amu fini

¹² Ala zia maboko na ndö ti go ti ala ti fa vundu ti be ti ala, ala toto ndali ti apendere yaka ti ala, ndali ti akeke ti vinye so lani ayeke le mingi so,

Ésaïe 32:12 ပူးပေါင်းရင်းမြစ်များ

Ésaïe 24:1

*KOTA GBIA ayeke buba sese kue, lo yeke buba aye ti ndö ni kue. Lo yeke sara titene aye ti ndö ti sese asanze, lo yeke kangbi azo ti ndö ti sese ni kirikiri.

Ésaïe 24:7

Fini vin ayeke na mua, keke ti *vinye ahole kue; azo so kue be ti ala ayeke lani na ngia, ala yeke dema fadeso.

Ésaïe 32:13

ndali ti sese ti azo ti mbi so aki na akeke ti ki amu ndö ni kue. Ataa ada so lani azo ayeke duti na ngia daa na agbata so azo ayeke sara matanga daa mingi, aki na akeke ti ki ni amu ni kue.

Abia ti demango tere 2:11

Mbi toto ngbii, le ti mbi avuko kue; akamba ti ya ti mbi ayeke do dongo. Tongana mbi baa akpale so asi na azo ti kodro ti mbi, mbi woko kue. Mbi baa akete molenge na ala so angba ti nyon me; ala woko kue si ala ti kirikiri na be ti lege ti gbata ni.

Ezekiel 20:15

Na benyama, mbi yoro lani maboko ti mbi na nduzu, mbi deba yanga ti mbi, mbi tene: kodro so mbi mu na ala si ayeke pendere ahon akodro kue, kodro so ngu ti me ti bagara na mafuta ti wotoro asi singo daa so, mbi yeke gue na ala na ya ni pepe.

Ezekiel 20:6

Na lango ni so, mbi yoro maboko ti mbi na nduzu, mbi deba yanga ti mbi na ala, mbi tene: fade mbi yeke sara si ala sigigi na sese ti Ezipte ti gue na mbeni kodro so mbi *bembe ni ando ndali ti ala; kodro ni ayeke pendere ahon akodro kue, *kodro so ngu ti me ti bagara na mafuta ti wotoro asi singo daa.

Joël 1:7

Ala sara si akeke ti *vinye ti e ahole kue kue kue, ala buba akeke ti fige ti e kue. Ala zi poro ti tere ti akeke ni kue, ala kinda akeke ni na sese, amaboko ni ahole kue.

Nahum 2:7

Gi hio tongaso, awato akungbi ayanga ti gbagba so ayeke na tere ti ngu so awe; yangbo ti gbia ati awe!