Ésaïe 31:9 - Mbeti ti Nzapa - Tënë so amu fini

⁹ Lo so lo yeke na ngangu mingi, lo yeke do na mbeto si lo yeke kpe, be ti amakonzi ti aturugu ti lo ayeke woko kue, ala yeke do bendere ti ala ti zia ti hon. So tënë ti yanga ti KOTA GBIA laa, lo so wâ ti lo ayeke na Sion, kota wâ ti lo ayeke za na Jérusalem.

Ésaïe 31:9 ပူးပေါင်းရင်းမြစ်များ

Ésaïe 10:16

Ndani laa, Kota Gbia NZAPA so ayeke na ndö ti dunia kue ayeke tokua kobela na tere ti azo ti lo so akono titene ala nge. Na gbe ti gonda ti ala, fade mbeni ye ayeke gbi tongana wâ so ayeke gbi ye.

Ésaïe 10:17

Fade lumiere ti Israel ayeke ga wâ; lo so ayeke nde si ayeke nzoni kue ayeke ga menga ti wâ so ayeke zö si ayeke gbi akamba ti ki na aki gi na ya ti lango oko.

Ésaïe 11:10

Na lango ni so, lo so ayeke molenge ti Yese ayeke ga bendere ndali ti azo ti sese. Amara nde ayeke gi lo; ndo so lo yeke duti daa, gonda ti Nzapa ayeke mu ni kue.

Ésaïe 13:2

*KOTA GBIA atene: “Na ndö ti hoto so ndö ni ayeke senge, ala ya bendere na nduzu, ala dekongo na aturugu, ala sara maboko na ala titene ala ga na yanga ti da ti akota zo.

Ésaïe 17:13

Wusuwusu ti amara nde ayeke tongana toto ti kota ngu. *KOTA GBIA asuku na ala, ala kpe yongoro, lo tumba ala tongana holengo pere so pupu ti li ti hoto ahon na ni, tongana fuku ti sese so kota pupu ahon na ni.

Ésaïe 18:3

Ala azo so kue alango na ndö ti dunia, ala so amu ndö ti sese, na ndembe so a yeke yo bendere na nduzu na ndö ti ahoto, ala baa ndo! Na ndembe so a yeke huru didi, ala ma!

Ésaïe 26:1

Na lango ni so, na kodro ti Juda, azo ayeke he bia so: “Gbata ti e ayeke ngangu gbata. *KOTA GBIA asara gbagba ti ya ni na gbagba ti use ni na tere ni ti bata na e.

Ésaïe 27:7

Azo so lani apika azo ti *KOTA GBIA so, lo pika azo ti lo ni tongana ala? Azo so lani afâ azo ti KOTA GBIA so, lo fâ azo ti lo ni tongana ala?

Ésaïe 29:6

KOTA GBIA so ayeke na ndö ti dunia kue ayeke ga ti mu maboko na mo na lege ti toto ti bekpa, na lege ti ye so atoto ngangu, na ya ti ngangu pupu, na ya ti pupu ti ngu-Nzapa nga na wâ so ayeke gbi ye kue.

Ésaïe 30:33

A leke gba ti keke ti wâ kozoni awe; keke ni ayeke nga ndali ti gbia. Na ya ti du so akono si alinda mingi, a zia gba ti akeke angoro na ni ti tingo na wâ. Tongaso, pupu ti yanga ti KOTA GBIA so ayeke tongana *sufre so ayeke sua ayeke bi wâ daa.

Ésaïe 37:37

Tongaso Senakerib, gbia ti Asirii alondo na ya ti bâbâ ni, lo kiri na gbata ti Ninive si lo duti kâ.

Ésaïe 4:4

KOTA GBIA ayeke tokua yingo ti fango ngbanga nga na yingo so ayeke gbi ye tongana wâ ti zi sioni ti azo ti Sion, ti sukula Jérusalem ndali ti mene so atuku na ya ti gbata ni.

Ésaïe 5:26

KOTA GBIA ayo bendere na nduzu ndali ti amara so alango yongoro lo huru yanga ti lo na ala si ala londo na nda ti sese kâ aga. Baa, ala mu loro si ala si hio.

Ésaïe 66:15

Biani, KOTA GBIA ayeke ga na ya ti wâ, apusu ti mbarata ti lo ayeke tongana kota pupu. Lo yeke ga ti fa sioni ngonzo ti lo, ti suku na azo na lege ti menga ti wâ.

Awayango-sandaga 6:13

“Ti londo na lango so a yeke tuku mafuta na li ti Aaron na amolenge ti lo ti zia ala nde, sandaga so ala yeke mu na KOTA GBIA ayeke tongaso: ala yeke mu na ya ti lango oko oko kilo ota ti farini, ndambo ni na ndaperere, ndambo ni na lakui.

Zakarii 2:5

Mbi yo le ti mbi na nduzu si na ya ti mbeni ye tongana bango-li, mbi kiri mbi baa mbeni koli so agbu kamba ti hakango na ye na maboko ti lo.

Ndia ti fani use ni 32:31

Me awato ti ala wani ahinga atene, nzapa ti batango ala alingbi na Nzapa ti e pepe.

Ndia ti fani use ni 32:37

Fade lo yeke hunda ala, atene: ‘Anzapa ti ala ni ayeke na ndo wa? Anzapa so ala yeke kpe na mbage ti ala ti bata tere ti ala lani so!