Ésaïe 31:5 - Mbeti ti Nzapa - Tënë so amu fini

⁵ Tongana ti so ndeke ayeke zi ya ti *akpangi ti lo fade KOTA GBIA so ayeke na ndö ti dunia kue ayeke bata Jérusalem. Lo yeke bata lo si lo yeke zi lo, lo yeke kanga lege na kpale ti si na lo si lo yeke soo lo.

Ésaïe 31:5 ပူးပေါင်းရင်းမြစ်များ

Tongo nda ti aye 1:2

Sese ni ayeke gi senge, ye oko ayeke daa pepe. Ndo avuko pitipiti na ndö ti angu so ali mingi; yingo ti Nzapa ayeke ya na ndö ti angu ni.

2 Agbia 19:34

Fade mbi yeke bata gbata so si mbi yeke soo ni ndali ti mbi nga ndali ti David, zo ti kua ti mbi.”

2 Mbai 32:22

Tongaso laa KOTA GBIA asoo Ezekias na azo ti Jérusalem na kuâ, na maboko ti Senakerib, gbia ti Asirii nga na maboko ti awato ti ala kue. Na pekoni, lo mu na ala siriri mbage na mbage kue.

Abia (Psaumes) 37:40

KOTA GBIA ayeke mu maboko na ala, lo yeke zi ala; lo yeke zi ala na maboko ti azo ti sioni si lo yeke soo ala, ngbanga ti so ala kpe na lo ti bata tere ti ala.

Abia (Psaumes) 46:5

Me mbeni kota ngu ayeke daa so ayeke sua si ayeke zia ngia na be ti azo ti gbata ti Nzapa, gbata ni ayeke nde si ayeke nzoni kue; gbata ni ayeke ndo so Nzapa aduti daa, Nzapa so ayeke na yayu kâ na ndö ti aye kue.

Abia (Psaumes) 46:6

Nzapa ayeke na ya ti gbata ni; mbeni ye alingbi ti kinda ni oko pepe. Na ndaperere, kozoni si lâ asigigi, Nzapa ayeke ga ti mu maboko na azo ti gbata ni.

Abia (Psaumes) 91:4

Lo yeke bata mo na gbe ti maboko ti lo, mo yeke honde tere ti mo na gbe ti maboko ti lo tongana ti so molenge ti ndeke ayeke honde tere ti lo na gbe ti maboko ti mama ti lo. Batango tënë ti yanga ti lo so lo yeke bata ayeke tongana vala na kazaka ti wen so ayeke bata mo.

Sigingo 12:27

Fade ala kiri tënë na ala, atene: ‘So ayeke *sandaga ti Pake ndali ti KOTA GBIA laa. Na ndembe so azo ti Israel ayeke lani na Ezipte, KOTA GBIA asara ye ti ngangu na kodro ni, me lo hon hongo na ndö ti ada ti e, lo luti pepe; lo bata asewa ti e.’ ” Tongaso azo ti Israel akuku akpo li ti ala na sese ti voro KOTA GBIA.

Sigingo 19:4

‘Ala wani abaa na le ti ala ye so mbi sara na azo ti Ezipte. Ala baa lege so mbi yo ala, mbi ga na ala ge na tere ti mbi; mbi yo ala tongana ti so *ngoalo ayeke yo amolenge ti lo na ndö ti *kpangi ti lo.

Ésaïe 10:14

Tongana ti so zo ayeke gbu da ti ndeke, mbi ro amosoro ti amara. Tongana ti so zo ayeke ro apara so mama ni ado azia, mbi ro aye so kue ayeke na ndö ti sese; mbeni zo oko ti yingi *kpangi ti lo ayeke daa pepe, wala ti zi yanga ti lo ti ndeke ayeke daa pepe, wala ti toto ayeke daa pepe.”

Ésaïe 26:1

Na lango ni so, na kodro ti Juda, azo ayeke he bia so: “Gbata ti e ayeke ngangu gbata. *KOTA GBIA asara gbagba ti ya ni na gbagba ti use ni na tere ni ti bata na e.

Ésaïe 27:3

“Mbi *KOTA GBIA laa mbi yeke bata yaka ni. Lakue, mbi yeke tuku ngu na ndö ni. Bi na lâ, mbi yeke bata yaka ni titene zo ali ti sara sioni na ni pepe.

Ésaïe 35:4

Ala tene na azo so be ti ala awoko so, atene: “Ala gbu ngangu, ala sara mbeto pepe! Baa, Nzapa ti ala laa. Lo ga ti kiri peko ti sioni na azo so asara sioni, ti futa awato ti ala ndali ti sioni so awato ni asara na ala. Lo wani, lo ga ti soo ala.”

Ésaïe 37:35

Fade mbi yeke bata gbata so si mbi yeke soo ni ndali ti mbi nga ndali ti David, zo ti kua ti mbi.”

Ésaïe 38:6

Fade mbi yeke zi mo nga na gbata so na maboko ti gbia ti Asirii. Mbi yeke bata gbata so.’ ”

Zakarii 9:14

Fade KOTA GBIA ayeke sigigi ti duti na ndö ti azo ni. Ale ti kokora ti lo ayeke hon tongana wâ ti bekpa. Kota Gbia NZAPA ayeke huru tatalita, lo yeke ga na ya ti ngangu pupu ti Mbongo.

Zakarii 9:8

Fade mbi yeke sara sanziri na tere ti kodro ti mbi kue, ti bata ni ndali ti aturugu so ayeke gue, ayeke ga; zo ti sarango ngangu oko ayeke kiri ti ga ti sara pasi na ala pepe, ngbanga ti so fadeso, mbi wani, mbi yeke baa ndo na ndö ti kodro ni.”

Ndia ti fani use ni 32:11

KOTA GBIA ayeke tongana *ngoalo so ayeke huru na ndö ti da ti lo, lo yeke iri akete molenge ti lo ti huru nga. Lo yeke zi ya ti *akpangi ti lo, lo yo ala na ndö ti kpangi ti lo.