Ésaïe 31:1 - Mbeti ti Nzapa - Tënë so amu fini

¹ Mawa na azo so ayeke gue na Ezipte titene a mu maboko na ala! Ala zia be ti ala na ndö ti ambarata, na ndö ti apusu ti mbarata, ngbanga ti so apusu ni ayeke gbani gbani; ala zia be ti ala na ndö ti azo ti kpengo na mbarata, ngbanga ti so ala yeke na ngangu mingi. Me ala yeke baa ndo na mbage ti Nzapa ti Israel pepe, lo so lo yeke nde si lo yeke nzoni kue; ala yeke gi *KOTA GBIA pepe.

Ésaïe 31:1 ပူးပေါင်းရင်းမြစ်များ

Tongo nda ti aye 47:17

Tongaso azo ni amu anyama ti ala aga na ni na Joseph. Joseph amu na ala kobe si ala mu na lo ambarata, angasa, ataba, abagara, na alele. Na ngu ni so, lo mu na ala kobe si ala mu na lo anyama ti ala kue.

2 Mbai 16:7

Na ngoi ni so, Hanani, zo ti bango nda ti aye aga awara Asa, gbia ti Juda si lo tene na lo: “Mo zia be ti mo na *KOTA GBIA, Nzapa ti mo pepe; me mo zia be ti mo na gbia ti Sirii. Ndani laa aturugu ti gbia ti Sirii akpe na maboko ti mo.

2 Mbai 16:9

Biani, le ti KOTA GBIA ayeke baa ndo na ndö ti sese kue titene lo mu maboko na azo so azia be ti ala kue na lo. Me ye so mo sara so, mo sara ni tongana zo so li ti lo ayeke daa pepe. Ndani laa, ti fadeso, awato ti mo ayeke ga na bira na tere ti mo.”

Mbeti ti Job 39:11

Mo yeke zia be ti mo na ndö ti kota ngangu ti lo titene mo zia kua ti mo na lo?

Abia (Psaumes) 20:7

Fadeso mbi hinga awe: KOTA GBIA ayeke mu ngangu na zo so lo tuku mafuta na li ti lo ti zia lo gbia. Kâ na yayu, nzoni ndo ti lo, lo kiri tënë na gbia; na lege ti ngangu ti lo, lo sara akota ye ti soo lo.

Ésaïe 10:17

Fade lumiere ti Israel ayeke ga wâ; lo so ayeke nde si ayeke nzoni kue ayeke ga menga ti wâ so ayeke zö si ayeke gbi akamba ti ki na aki gi na ya ti lango oko.

Ésaïe 2:7

Wen ti nginza na lôro asi singo na ya ti kodro ni, zo alingbi ti diko wungo ti mosoro ni pepe; ambarata asi singo na ya ti kodro ni, zo alingbi ti diko apusu ti mbarata ni pepe.

Ésaïe 20:5

Azo so azia be ti ala ando na ndö ti Etiopii, azo so ayeke pika kate ti ala ndali ti maboko so Ezipte ayeke mu na ala, fade kamene ayeke gbu le ti ala.”

Ésaïe 22:11

Ala leke mbeni ndo ti batango ngu na popo ti agbagba use so awe ndali ti ngu ti ngbene du ti batango ngu. Me lo so asara si aye so abaa gigi, ala baa ndo na mbage ti lo pepe. Lo sara aye ni ngbene ye aninga awe, me ala baa lo pepe.

Ésaïe 30:16

Ala tene: “E ke awe! E yeke mu mbarata ti kpe ti hon.” Nzoni! Fade ala yeke kpe ti hon. Ala tene nga: “E yeke ko na ndö ti mbarata so ayeke mu loro mingi.” Nzoni! Me azo so ayeke tumba peko ti ala ayeke mu loro mingi!

Ésaïe 36:6

Baa, mo zia be ti mo na ndö ti Ezipte so ayeke tongana sosongo so afâ awe. Tongana zo agbu ni ti luti daa, ayeke kpo ya ti maboko ti lo. Faraon, gbia ti Ezipte ayeke nga tongaso ndali ti azo so kue azia be ti ala na ndö ti lo.

Ésaïe 36:9

Na popo ti azo ti kua ti gbia ti mbi, ataa gi kete ni oko, mo lingbi ti tumba lo? Mo so mo zia be ti mo gi na ndö ti Ezipte titene mo wara apusu ti mbarata na azo ti kpengo na ni so!

Ésaïe 43:15

Mbi yeke KOTA GBIA, Nzapa ti ala so ayeke nde si ayeke nzoni kue, lo so lo sara Israel, Gbia ti ala.”

Ésaïe 5:12

Na ya ti matanga ti ala, ala yeke pika kundi na kete kundi, ala yeke pika ngo, ala yeke huru *ngoli. Me ala yeke baa ndo pepe na ye so KOTA GBIA asara, ala yeke baa kua so lo sara pepe.

Ésaïe 57:9

Mo mu mafuta, mo gue na ni na kota gbia, mo gue na mara ti ayombo nde nde. Mo tokua azo ti mo yongoro kâ, ala zu ngbii, ala si na ndo ti akuâ.

Ésaïe 64:7

Andaa mo KOTA GBIA laa, mo yeke babâ ti e. E yeke tongana sese ti sarango na ta si mo yeke tongana wasarango-ta; e kue, maboko ti mo laa asara e.

Ésaïe 9:12

KOTA GBIA apika azo ti lo, me ala kiri na mbage ti lo pepe; KOTA GBIA so ayeke na ndö ti dunia kue, ala gi lo pepe.

Ésaïe 9:13

Tongaso, gi na ya ti lango oko, KOTA GBIA azi na Israel li na damba, maboko ti mburu na pere ti sosongo.

Jérémie 17:5

Tënë so *KOTA GBIA atene ayeke so: “Deba aga na ndö ti zo so be ti lo ahon yongoro na mbi, lo so lo zia be ti lo na ndö ti azo si lo yeke gi ngangu ti lo na lege ti senge zo ti sese!

Jérémie 2:13

Azo ti mbi asara asioni ye use: ala do mbi azia, mbi so mbi yeke li ti ngu so ayeke mu fini na zo; ala gue ti zi du ti ngu ndali ti ala wani; andaa du ti ngu ni akoro korongo; du ni alingbi ti bata ngu pepe.”

Jérémie 37:7

“Tënë so KOTA GBIA, Nzapa ti Israel atene ayeke so: ‘Ala gue, atene na gbia ti Juda so atokua ala ti ga ti baa mbi so, ala tene: aturugu ti Faraon so aga fade ti mu maboko na ala so amu lege ti kiri na Ezipte, kodro ti ala awe.

Jérémie 42:14

e yeke gue na Ezipte. Kâ, fade e yeke kiri ti hinga ye so iri ni bira pepe, e yeke kiri ti ma toto ti tatalita pepe si nzara ayeke kiri ti fâ e pepe. E yeke sara kodro gi kâ!’

Ezekiel 17:15

Me lo tomboka na tere ti gbia ti Babilone. Lo tokua azo na Ezipte titene kodro ni amu na lo ambarata na gba ti aturugu. Zo so asara ye so, fade ye ni ayeke ga nzoni na lo laa? Lo yeke sigigi na ya ti kpale ni? Oko pepe, ngbanga ti so lo wani, lo buba lege ti mbuki ni awe.

Ezekiel 29:16

Fade azo ti Israel ayeke kiri ti zia be ti ala na ndö ti kodro ni pepe ti duti na siriri. Ala yeke kiri ti sara siokpari pepe na lege so ala yeke hunda na azo ti Ezipte ti mu na ala maboko. Tongaso, fade azo ayeke hinga atene, mbi laa mbi yeke KOTA GBIA.”

Daniel 9:13

Asioni kpale so kue asi na e alingbi na tënë so a su na ya ti mbeti ti *Ndia ti Moïse. Me e de be ti mo, KOTA GBIA Nzapa ti e pepe; e zia lege ti siokpari ti e pepe si e baa taa-tënë ti mo tongana senge ye.

Osée 11:5

“Fade azo ti Israel ayeke kiri na sese ti Ezipte pepe, me azo ti Asirii laa ayeke ga gbia ti ala, ngbanga ti so azo ti Israel ake ti kiri na mbage ti mbi.

Osée 11:9

Fade mbi yeke sara ye na lege ti sioni ngonzo ti mbi pepe, mbi yeke kiri ti ga ti buba Efraim pepe, ngbanga ti so mbi yeke zo pepe, me mbi yeke ti mbi Nzapa. Na ndo ti mo Efraim, mbi yeke nde si mbi yeke nzoni kue; fade mbi yeke kiri ti ga na lege ti sioni ngonzo pepe.”

Osée 14:3

Ala kiri na KOTA GBIA si ala tene na lo atënë so: “Sioni so kue e sara so, zi tënë ni na li ti e. Yamba e na nzoni be! E ye ti ya na mo atënë ti yanga ti e, ahon titene e ya na mo *sandaga ti akoli-bagara.

Osée 7:7

Ala kue amu wâ tongana fur, ala fâ akota zo ti ala ahunzi ala; agbia ti ala kue ati awe, mbeni zo oko na popo ti ala ti iri mbi ayeke daa pepe.

Habakuk 1:12

*KOTA GBIA, ngbene ye giriri, mo yeke Nzapa ti mbi pepe? Nzapa ti mbi, mo so mo yeke nde si mo yeke nzoni kue, zia e kui pepe! KOTA GBIA, mo soro azo so titene ala fâ ngbanga na li ti e. Mo so mo yeke Kota Têne so mbi luti na ndö ni ti bata tere ti mbi, mo mu lege na ala titene ala pika e.

Habakuk 3:3

Nzapa alondo na Teman si ayeke ga; lo so lo yeke nde si lo yeke nzoni kue so, lo londo na ahoto ti Paran si lo yeke ga. Luti kete Nengo ti lo ti gbia amu ya ti yayu kue, sese asi singo na tënë ti sepelango lo.

Zakarii 10:5

Amakonzi ni ayeke duti tongana angangu zo ti bira; ala yeke do azo so ayeke tiri bira na ala tongana ti so zo ayeke do potopoto ti ndö ti lege. Ala yeke tiri bira ni tongaso, ngbanga ti so mbi KOTA GBIA, mbi yeke na ala. Fade kamene ayeke gbu le ti azo ti kpengo na mbarata so ayeke awato ti ala.

Ndia ti fani use ni 17:16

Ye oko, alingbi gbia ni aduti na ambarata gbani gbani pepe. Alingbi lo tokua azo na Ezipte pepe titene ala gue, avo gba ti ambarata, ngbanga ti so KOTA GBIA atene lani na ala, atene: “Fade ala yeke kiri ti gue na kodro so pepe!”

Ndia ti fani use ni 20:1

Moïse atene: Ala azo ti Israel, tongana ala yeke gue ande ti tiri bira na awato ti ala, tongana ala baa ambarata, na apusu ti mbarata nga na gba ti aturugu so ahon ti ala, alingbi ala sara mbeto pepe. Biani, *KOTA GBIA Nzapa ti ala so asara si ala sigigi na Ezipte ayeke na ala.