Ésaïe 30:8 - Mbeti ti Nzapa - Tënë so amu fini

⁸ *KOTA GBIA atene na Ésaïe: “Fadeso, mo su aye so na le ti mbeni têne, mo su ni na ya ti mbeni mbeti, na dawa ti azo ti Jérusalem. Gbanda, fade ayeke duti ye so ayeke dabe ti ala na aye ni lakue lakue.”

Ésaïe 30:8 ပူးပေါင်းရင်းမြစ်များ

Ésaïe 2:2

Mbeni lâ, gbanda, hoto so kota da ti *KOTA GBIA ayeke na ndö ni ayeke luti ngangu na ndö ti akota hoto kue; hoto ni ayeke yo na nduzu ahon akete hoto kue si amara nde kue ayeke gue kâ tongana ngu so ayeke sua.

Ésaïe 34:16

Tongana ala gi na ya ti mbeti ti KOTA GBIA, fade ala yeke diko tënë so: Na popo ti anyama so kue, mbeni oko angba na peko pepe, mbeni oko so ake ti ga ayeke daa pepe. KOTA GBIA laa amu yanga na ala, yingo ti lo laa abongbi ala.

Ésaïe 8:1

*KOTA GBIA atene na mbi: “Mo mu kota le ti têne, mo de mbeti na ndö ni kota kota: ‘Maher-Shalal-Hash-Baz’, (so ti tene: ‘Hio-mo-nzi-ye-na-peko-ti-bira-Ti-na-ndö-ti-ye-mo-nzi-ni’)”

Jérémie 23:20

Ngonzo ti KOTA GBIA ayeke kai ande pepe ngbii ye so lo leke na be ti lo ti sara, lo sara ni kue si. Gbanda si ala yeke ma ya ti tënë so nzoni.

Jérémie 30:2

“Tënë so KOTA GBIA, Nzapa ti Israel atene ayeke so. Atënë so kue mbi tene na mo so, mo su ni na mbeti.

Jérémie 36:2

“Mu mbeni *rulo so a sara na poro ti nyama, mo su na le ni atënë so kue mbi tene na mo na tere ti akodro ti Israel, ti Juda nga na ti amara kue, ti londo na ngoi ti Yosias ngbii asi laso.

Jérémie 36:4

Jérémie airi Baruk, molenge ti Neria. Jérémie atene na Baruk peko ti atënë kue ti KOTA GBIA si Baruk asu na le ti rulo ni.

Jérémie 48:47

Me mbeni lâ, fade mbi yeke sara titene Moab akiri na kozo ndo ti lo; so tënë ti yanga ti KOTA GBIA laa.” Ngbanga so KOTA GBIA afâ na li ti Moab, tënë ni ahunzi na ndo so.

Jérémie 51:60

Jérémie asu na le ti mbeni *rulo tënë ti asioni ye so kue ayeke si ande na Babilone, atënë so kue a tene na ndö ti Babilone.

Ezekiel 38:16

Mo yeke ga ti tiri bira na Israel, azo ti mbi. Mo yeke kanga ndö ti kodro ti ala tongana ti so mbinda ayeke kanga ndö ti sese. Ye ni ayeke si ande na lango ti ndani. Fade mbi yeke tokua mo ti gue ti tiri bira na kodro ti mbi. Tongaso si amara nde ahinga atene, mbi yeke Nzapa so mbi yeke nde si mbi yeke nzoni kue. Mbi yeke fa ye ni na ala na lege ti mo, Gog.

Osée 3:5

Na pekoni, azo ti Israel ayeke kiri ti gi KOTA GBIA, Nzapa ti ala nga na David, gbia ti ala. Gbanda, fade ala yeke do na mbeto si ala yeke kiri na mbage ti KOTA GBIA ti wara anzoni ye ti lo.

Habakuk 2:2

*KOTA GBIA akiri tënë na mbi, atene: “Ye so mo baa na ya ti mbeni ye tongana bango-li so, mo su ni na mbeti, mo kpaka gere ti mbeti ni nzoni na le ti atêne si azo adiko ni nzoni.

Wungo ti azo 24:14

Fadeso, mbi yeke kiri na kodro ti mbi. Ga, mbi fa na mo kozoni ye so azo ti Israel ayeke sara ande na azo ti kodro ti mo na ya ti alango so ayeke ga.”

Ndia ti fani use ni 31:19

Fadeso, Moïse mo na Josué, ala su bia so na mbeti. Ti mo Moïse, mo fa bia ni na azo ti Israel; mo sara kue titene ala manda ni, bia ni angba na yanga ti ala si aga bia so ayeke fa asioni ti ala na le ti ala.

Ndia ti fani use ni 31:22

Na lango ni so, Moïse asu bia ni so na mbeti si lo fa ni na azo ti Israel.

Ndia ti fani use ni 31:29

Biani, mbi hinga, mbi tene, na peko ti kuâ ti mbi, fade azo ti Israel ayeke ti na ya ti siokpari, ala yeke zia lege so mbi fa na ala. Gbanda, fade ye ti vundu ayeke si na ala ndali ti asioni ye so kue ala yeke sara ti so be ti KOTA GBIA nga na aye so be ti lo ake ni.”

Ndia ti fani use ni 4:30

Gbanda, tongana ye so kue mbi tene tënë ni na ala so asi na ala si ye ti vundu asi na ala, ala yeke kiri na mbage ti KOTA GBIA Nzapa ti ala si ala yeke ma yanga ti lo.

1 Timothée 4:1

Yingo-Vuru atene biani atene, na lango ti ndani, fade ambeni zo ayeke zia lege ti mabe, ala yeke ma gi tënë ti ayingo so ayeke handa azo si ala yeke ma atënë so alondo na asioni yingo.

2 Pierre 3:3

Kozo ye so mbi ye ala hinga ayeke so: na ya ti alango ti ndani, azo so ayeke sara ye na lege ti asioni nzara ti be ti ala wani ayeke ga. Azo ni ayeke he ala,

Jude 1:18

Awatokua ni atene na ala: “Na lango ti ndani, azo ayeke he ala na ngia, azo ti sioni so ayeke sara ye alingbi gi na asioni nzara ti be ti ala.”