Ésaïe 30:32 - Mbeti ti Nzapa - Tënë so amu fini

³² Pika oko oko so KOTA GBIA ayeke pika ala, a yeke pika ngo na kundi na gbe ni. Tongana lo yeke yingi maboko ti lo, lo yeke tiri bira na ala.

Ésaïe 30:32 ပူးပေါင်းရင်းမြစ်များ

Tongo nda ti aye 31:27

Mo kpe na hondengo ni ngbanga ti nyen? Mo handa mbi si mo tene tënë ni na mbi pepe ngbanga ti nyen? Tongana mo tene fade tënë ni na mbi, ka mbi zia mo na lege na ya ti ngia, na bia, na pikango akete ngo na akundi.

2 Mbai 32:8

Ngangu ti gbia ni ayeke gi ngangu ti zo; me ngangu ti e ayeke KOTA GBIA, Nzapa ti e so ayeke mu maboko na e si lo yeke tiri bira ndali ti e.” Azo ni aluti na ndö ti tënë ti Ezekias, gbia ti Juda.

Mbeti ti Job 16:12

Mbi duti ti mbi lani kpoo, me lo yingi mbi; lo gbu peko ti li ti mbi si lo kinda mbi, lo zia mbi, mbi luti titene lo tokua ale ti kokora na tere ti mbi.

Ésaïe 10:24

Tënë so Kota Gbia NZAPA so ayeke na ndö ti dunia kue atene ayeke so: “Ala, azo ti mbi so ayeke lango na *Sion, ala sara mbeto ti azo ti Asirii pepe. Azo ni apika ala na nduru keke, ala mu keke na tere ti ala tongana ti so azo ti Ezipte asara ando na ala.

Ésaïe 10:26

Fade KOTA GBIA so ayeke na ndö ti dunia kue ayeke mu fimbo ti pika na azo ti Asirii tongana ti so lo pika ando azo ti Madian na tere ti kota têne ti Oreb. Lo yeke yoro keke ti lo na nduzu tongana ti so lo yoro ando na ndö ti kota ngu-ingo na Ezipte.

Ésaïe 11:15

KOTA GBIA ayeke sara si kota ngu-ingo ti Ezipte ahole. Lo yeke yoro maboko ti lo na ndö ti *bale ti Efrate; lo yeke wu kota pupu si ya ti bale ni akangbi maboko ni mbarambara, zo alingbi ti hon daa na gere senge.

Ésaïe 19:16

Na lango ni so, azo ti Ezipte ayeke ga tongana awali; ala yeke do na mbeto na ndembe so *KOTA GBIA so ayeke na ndö ti dunia kue ayeke yoro maboko ti lo ti be le na ala.

Ésaïe 2:19

Na ndembe so KOTA GBIA ayeke londo ti zia mbeto na be ti azo ti sese so, ala yeke li na ya ti adu ti têne nga na ya ti adu ti sese ti kpe ngonzo ti lo, ti kpe gonda ti lo so ayeke kota ahon ndoni.

Ésaïe 24:1

*KOTA GBIA ayeke buba sese kue, lo yeke buba aye ti ndö ni kue. Lo yeke sara titene aye ti ndö ti sese asanze, lo yeke kangbi azo ti ndö ti sese ni kirikiri.

Ésaïe 24:8

Toto ti ngo so ayeke zia lani ngia na be ti azo akai awe, dekongo na ngia ti azo ahunzi awe, toto ti kundi so ayeke zia ngia na be ti azo akai awe.

Ésaïe 30:29

Ti ala azo ti Jérusalem, fade ala yeke he bia tongana ti so a yeke he bia ti matanga na bi. Be ti ala ayeke duti na ngia tongana ti azo so ayeke tambula alingbi na toto ti *ngoli si ala yeke gue na li ti hoto ti KOTA GBIA, na mbage ti Kota Têne ti Israel.

Ésaïe 31:4

Tënë so *KOTA GBIA atene na mbi laa: “Tongana bamara wala kete bamara ayeke toto ti bata nyama so lo gbu ti te, ataa azo airi gba ti awabatango-taba ti ga na tere ti lo, mbeto ti dekongo ti ala asara lo pepe, lo yeke zia nyama ni ndali ti wusuwusu ti ala pepe. Ye ni ayeke duti ande legeoko tongaso ndali ti mbi KOTA GBIA so mbi yeke na ndö ti dunia kue, mbi yeke zu na ndö ti hoto ti *Sion, ti tiri bira kâ.”

Jérémie 31:4

Maseka-wali Israel, mbi yeke kiri ti leke mo na nduzu, a yeke kiri ti leke mo na nduzu. Mo yeke kiri ti mu akete ngo ti mo na tere ti mo tongana aye ti pendere si mo yeke gue ti dodo na popo ti azo so ayeke sara ngia.

Ezekiel 28:13

Mo yeke lango na Eden, yaka ti Nzapa; atêne ti ngangu ngere ndenge na ndenge akanga tere ti mo: rubis, topaze na diaman, krizolite, kornaline na zaspe, safir, grena na emerode. Aye ti pendere so mo yeke yu, a sara ni na lôro, a leke ni gi na lango so a sara mo.

Ezekiel 32:10

Ndali ti mo, mbi yeke sara si gba ti amara abaa sioni. Be ti agbia ti ala ayeke do na kota mbeto tongana mbi yoro yongoro zeme na le ti ala. Na lango so mo yeke ti na sese, fade tere ti ala ayeke ngba ti do dongo; zo oko oko ayeke sara mbeto ndali ti fini ti lo wani.

Ahebro 12:26

Ando, go ti Nzapa ayingi sese kue; me fadeso, lo mu zendo so na e, lo tene: “Fade mbi yeke kiri ti yingi gi sese pepe, me mbi yeke yingi yayu nga.”

1 Samuel 10:5

Na pekoni, mo yeke si na Gibea-Elohim, agovoronere ti azo ti Filistii ayeke kâ. Na lingo ti mo na ya ti gbata ni, mo yeke tengbi na mbeni bongbi ti awayanga-Nzapa so alondo na ndo so a leke na ndö ti hoto si ala yeke zu. Azo ti pikango kota kundi, kete kundi, kete ngo na azo ti hurungo ngoli ayeke na dawa ti ala. Awayanga-Nzapa ni ayeke sara ye tongana azo so Yingo agbu ala.

1 Samuel 18:6

Na peko ti so David afâ Goliat, zo ti Filistii si lo na aturugu ayeke kiri na kodro, awali alondo na ya ti agbata ti Israel kue ti gue ti wara gbia Saul. Ala yeke he bia, ala yeke dodo, ala yeke pika ngo, ala yeke pika mozoko, ala dekongo na ngia.